Білімді тексеру кезеңі

Сабақтың тақырыбы: 3-ке көбейту және бөлу кестесін пысықтау.

Мақсаты :

Практикалық амалдар негізінде 3 санымен көбейту және бөлу кестесін құрастыру, есеп шығару барысында көбейту және бөлу кестесі туралы білімдерін бекіту;
Көбейту және бөлуге арналған өрнектерді шешу арқылы оқушылардың танымдарын кеңейте отрырып, ойлау қабілеттерін, пікірін нақты әрі түсінікті етіп жеткізуге баулып, логикалық ойын одан әрі дамыту;
Оқушыларды тез ойлауға, ұжымдылыққа, ұқыптылыққа тәрбиелеу.

Сабақ типі: аралас сабақ.

Әдісі: түсіндіру, сұрақ-жауап.

Көрнекілігі: суреттер, қима қағаздар.

Барысы:

I. Ұйымдастыру кезеңі:

психологиялық дайындық
оқушыларды түгендеу

II. Үй тапсырмасын тексеру кезеңі:

54-бет №3 тексеру

III. Білімді тексеру кезеңі:

1. Тақырыбын, мақсатын хабарлау, бүгінгі сабақты тапсырмалар 3 деңгейге бөлінген, 1 деңгейден оқушы «3» - деген бағаға ие болады, 2 деңгейден өткен оқушы «4» - деген бағаға ие болады, 3 деңгейден өткен оқушы «5»-деген баға алады. Ендеше, мен сендерге, тек қана «5» деген баға алсын деп тілеймін. Әр деңгейден өткен оқушыға тиісті жұлдызшасын алып отырады.

3- ке көбейту және бөлу кестесін пысықтау.

2. Сабаққа деген қызығушылықтарын ояту (логикалық тапсырмалар) :

Тал басында тізіліп,

Он жапырақ тұр еді.

Жел соқты да үзіліп

Ұшып кетті бесеуі.

Ізінше оның жұлынып

Түсті тағы біреуі.

Тұр әлі ілініп

Жапырақтың нешеуі?(4)

Аулада бес үйрек,

Қорада төрт үйрек.

Бір үйрек тығылды

Екі үйрек жығылды.

Қалғаны неше үйрек?(6)

3. Математикалық диктант (1 деңгей) :

А) 67-дың алдындағы және 67-дан кейінгі санды жаз;

Ә) Бірінші қосылғыш-3, екінші қосылғыш-10, қосындының мәні неше?

Б) 4 және 5 сандарын пайдаланып екі таңбалы сандар жаз;

В) Бірліктері 2 болатын сандар жаз;

Г) 4-ке неше қосқанда 10 болады?

IV. Жаңа материалды түсіндіру кезеңі:

Салыстыру барысында 3-ке көбейту және бөлу кестесін еске түсіру қажет, өйткені осы салыстыруға берілген тапсырмалар 3-ке көбейту және бөлу кестесі негізінде құрылған

1. №2 есеп мұғалімнің басшылығымен орындалады. (салыстыру, 2 деңгей)

6*3 7*3 3*9 9*3 12/3 12/2

27/3 27+3 18/3 18/2 24/3 12-3

2. Сергіту сәті:

1, 2, 3

Ал, кәнеки ұш

4, 5, 6, 7

Анау ауыл шеті

8, 9, 10

Ал, кәнеки қон!