Сары тауық пен балапандары

<< №4орта мектеп>> КММ

Тақырыбы:<< Мейірімділік-асыл қасиет>>
/өзін-өзі тану, ашық сабақ/
2-сынып
Бастауыш сынып мұғалімі: Ғ.З.Ибраимова
Талдықорған қаласы
2017ж

№ 4орта мектеп КММ
Бастауыш сынып мұғалімі: Ибраимова Ғалия Зейтынқызы
Өзін-өзі тану сабағының жоспары
Сынып: 2 <<б>> 10.02.2017ж
Тақырып: Мейірімділік- асыл қасиет
Құндылық: Сүйіспеншілік
Қасиеттер: Жауапкершілік, сезім, сүйіспеншілік , құрмет.
Мұғалім: Ибраимова Ғалия Зейтынқызы
Сынып - 2 <<б>> сынып
Оқушылар саны:28

Сабақтың мақсаты:
" Қайырымдылық", " мейірімділік" адамгершілік құндылықтары туралы түсініктерін кеңейту

Міндеттері:
- қайрымдылық туралы түсініктерін кеңейту;
- қамқорлық жасауға жетелеу;
- мейірімділікке тәрбиелеу.

Ресурстар: ( белсенді тақта, кітап, дәптер, ғаламтор желісінен жаңа ақпараттар, сюжетті суреттер)
Сабақ барысы
Ұйымдастыру кезеңі: -Сәлеметсіңдер ме балалар! Бүгінгі біздің ашық сабағымыздың тақырыбы << Мейірімділік асыл қасиет>> деп аталады.
Ынтымақтастық ахуал туғызу
Сабағымызды бастау үшін барлығымыз шаттық шеңберіне шығайық.

Күлімдеп күн маған /қолдарын көтереді/
Қарады маған да /қолдарын кеуделеріне қояды/
Күлімдеп күн бүгін /қасындағы балаға қарайды/
Қарады саған
Шуақпен төгіп нұр
Күн нұрындай көңілім,
Даламдай кең пейілім.
Жүрегім толы мейірім
Бәріне ортақ шуағым
Мейірімді боламын.
oo Балалар бір-бірімізге ризашылығымызды білдіріп қол соғайық.
Тыныштық сәті.
Жайлы,баяу музыка қойылады.
Нұрға бөлену
Ыңғайланып отырыңыздар, денелеріңізді түзу ұстаңыздар. Аяқ - қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз:Біз керемет,әрі сиқырлы, мейірімділік пен сүйіспеншілікке,ізгілікке толы әлемге саяхат жасаймыз. Бұл әлемнің ауасы тым таза, жұпар иісті. Бәріміз сол әлемге қарай қадам басайық. Сүйіспеншілік, мейірімділік, ізгілік нұры бізге қонып, жан дүниемізді осы жақсы сезімге толтырады. Адамдар бір-біріне тек жақсылық, қуаныш, ізгілік, сыйлап жатса қандай жақсы болар еді! Қайтатын уақыт жетті, сиқырлы әлеммен қоштаса отырып, мейірімділік нұрын өзімізбен бірге ала кетейік. Енді балалар көздеріңді ашыңдар.

Ойын: <<Мен қандаймын>>
Оқушылырға парақшалар таратылып беріледі. Онда адам бойындағы қасиеттер жазылған.

1.Үй тапсырмасын тексеру.
Ойланайық, пікірлесейік

1топ. Мейірімділік дегенді қалай түсінесіңдер?
2топ. Мейірімді істерді қалай жасауға болады?
3топ. Мейірімді адам қандай адам?

Оқушылар берілген қасиеттер бойларында бар болса, сол сөздің алдынан қызыл нүкте, жоқ болса көқ нүкте қояды.
/оқушыларды тыңдау/

<<Постер құру>>

Өз ойларын жеткізеді.
2.Дәйексөз
Табиғаттағы барлық жылу - күннен,
Өмірдегі барлық жылу - адамнан.
М. Пришвин
Оқиды, түсіндіреді, қайталайды.

3.Әңгімелеу
М.Төрежанов. <<Сары тауық пен балапандары>>

Күздің бір күні сары тауық балапандарын ертіп, ауылдан ұзап кеткен. Аяқ астынан жаңбыр құйып кетті. Суық жаңбырдың астында қалған сары тауық балапандарын қанша асықса да мекеніне жеткізе алатын емес. Өйткені балапандарының жылы жүні шықпаған балғын жас еді. Сары тауық қатты састы. Шөжелерін қос қанатының астына алып, бауырына басты.Бір балапаны сыймай сыртта қалды. Ана айла жасап балапандарын кезектестіріп бір-бірден тыста ұстап, тоңа бастағанда бауырына алып отырды. Кезек ең кішісіне келгенде ана оны сыртқа шығармады.
-Оны неге шығармайсыз? - деп сұрады бір ақ балапан.
-Ол тым жас.
-Жас болса қайтеді? Кезегі келгенде ол да шықсын.
-Сырқаттанып қалады. Кішімізге өзгеміз қамқоршы болуымыз керек емес пе?Кане, мұнын орнына кім барады?-деп сұрады анасы.
- Мен,- деді тұңғышы.
- Мен барайын,-деді оған тетелесі.
-Кезекті маған беріңіз, -деді одан кішісі.
- Мен қалам ба сонда?- деді алғашқы қарсылық білдірген балапан.
- Қатесін түсінген сенің барғанын жөн!- деді сары тауық балапанды тысқа қарай ысырып.
Сары тауық су өтіп қатты жаурады. Бірақ балапандарын тоңдырған жоқ. Балаға деген ыстық махаббатымен жылытып, сақтап қалды.
Күн ашылып, ана жүрегіндей жадырады.

Оқылған әңгімеге сұрақ- жауап:

1.Сары тауық өз балапандарын қандай қасиеттерге баулыды?
2.Сары тауық өз аналық мейірімін балапандарына қалай көрсете білді? Сары тауық ең кіші балапанды неге сыртқа шығармады?
3. Сары тауық өз балапандарына қандай жаман қасиеттерден аулақ болуды үйретті?

4. << Күн ашылып ана жүрегіндей жадырады>> дегенді қалай түсінесіңдер?

4.Шығармашылық жұмыс, топтық жұмыс.
Ойланайық,пікірлесейік
Сары тауық балапандарын қандай жақсы қасиеттерге баулыды?
/қасиеттерін жазу/

<<Мейірімділік үйі>> құрастырымыз
<<Мейірімділік ағашы>> толтырамыз
<<Мейірімділік гүлін>> саламыз

5.Өлең айтқызу <<Анам менің>>

<<Болады-болмайды>>тренингі
Тәртіпті болуға........ /болады/
Ұрысқақ болуға /болмайды/
Қайырымды болуға / болады/
Кешірімдіболуға/болады/
Сыпайы болуға/болады/
Бауырмал болуға/болады/
Мақтаншақ болуғаболмайды/
Жалқау болуға......болмайды/
Мейірімді болуға......болады
Қатігез болуға........../болмайды/
Бұзық болуға........./болмайды/
Әдепті болуға......./болады/
Ақылды болуға...../болады/
Шыншыл болуға../болады/
Маман болуға...../болады/

Ойын : <<Кім және не мейірімді?>>
Түсіп қалған сөздерді орнына қою керек
Күлімдеген... мейірімді/күн/
Таза мөлдір...мейірімді/су/
Аяулы..........мейірімді/анам/
Кіршіксіз ақ...мейірімді/қар/
Бәрімізді көтеріп тұрған мейірімді/жер/
Қадірлі......мейірімді /әкем/
Әлпештеген.. мейірімді/әжем/
Жылы жүзді мейірімді/ұстазым/
Тату - тәтті мейірімді/достарым/

Рефлексия
-Балалар бүгінгі сабақта өздеріңе не алдыңдар?

Ойын: <<Сөйлемді аяқта>>
- адамдар бір-біріне әрқашан қамқоршы,адал, жанашыр болуы керек.
-қиын жағдайда қол ұшын беру керек.
-әр күнін күлімдеп қарсы алып, жақсы лебіздер айту .

/баяу музыка/

Оқушылар мұғалім болатын нәрселерді айқанда қолдарын 3рет шапалақтайды, ал болмайтын нәрселерді айтқанда қолдарын 1рет шапалақтайды /

Қорытындылау

6.Үй тапсырмасы
Жұмыс дәптеріндегі 24 сабақтың тапсырмасын орындаңдар

<<Мұғалім сыйы>> мейірімділік гүлін оқушыларға сыйға тарту.
Кері байланыс. Сабақтан алған әсерлерін жүрегіміздегі мейірім шуағы өшпесін деп мейірім жүрегіне>> стикермен жапсыра отырып, сабағымызды аяқтаймыз.

7.Соңғы тыныштық сәті.
Баяу әуен орындалып тұрады. Бүгінгі сабақтан алған әсерлеріңізді жүрегімізге саламыз.Бәріңізге үлкен рахмет!