6-сынып оқушылары арасында Информатика әлеміндегі спортшылар эстафеталық жарысының өткізу жоспары

Эстафеталық жарыс: «Информатика әлеміндегі спортшылар»

Мақсаты:

Оқушыларды салауатты өмір салтын насихаттауға және спортпен шұғылданып тұруға шақыру, сымбаттылыққа, ептілікке, белсенділікке, батылдылыққа, ұйымшылдыққа тәрбиелеу;
Ойын кезінде әділеттілікке, жолдастық сезімге тәрбиелеу, балалардың бос уақытын тиімді пайдалану, денсаулықтарын нығайту;
Информатика және денешынықтыру пәніне деген қызығушылықтарын арттыру.

Керекті құрал - жабдықтар: доп, секіртпе, барьер, шеңбер, хокей таяқшалары, компьютер, тақта, плакаттар, маркерлер.

Құрметті ұстаздар, оқушылар! мектебімізде өтіп жатқан «Денешынықтыру, АӘД» және «Жас мамандар» апталығына хош келдіңіздер. Міне бүгін сіздердің алдарыңызда 6 сынып оқушылары «Информатика әлеміндегі спортшылар» атты эстафеталық жарысқа қатысайын деп тұр. Сайысымызды бастамас бұрын әділ - қазылар алқасымен танысайық.

Мектеп директоры: Қ. С. Еспаева
Оқу ісінің меңгерушісі: Ш. Х. Сырттанбекова
Информатика пәнінің мұғалімі: Біленхан Манаргүл

Сайыс 6 кезеңнен тұрады.

Әр дұрыс жауапқа 1 смайликтен беріліп отырады. Сайыс соңында смайликтер есептеліп жеңімпаз команда мен жүлдегерлер анықталады.

1кезең: «Кіл жүйрікте - кім жүйрік»

Эстафета таяқшасымен жүгіріп барып, информатика пәнінен компьютердегі сұрақтарға жауап беріп, командасына қайту.

2кезең: «Шынықсын денеміз»

Хоккей таяқшасымен кедергілер арасымен допты қағып жүгіріп барып, информатикадан ақпараттың өлшем бірліктерін сәйкесінше жазу керек.

Килобайт - 1024 байт

1024 килобайт -1 мегабайт

1024 мегабайт - 1 гигабайт

1 терабайт 1024 гигабайт

1 байт - 8 бит

1024 байт - 1 килобайт

Енді спортшыларымыз тынығып алу үшін, алдарыңызда 5 «Б» сыныбының қыздарын «Чиуао» биімен қарсы алыңыздар!

3-кезең: «Мергендер сайысы»

Әр ойыншы кілемге дейін жүгіріп барып, кілемге жатып тенис шаригін шелекке дәлдеп лақтырып, компьютерге мәтін жазу керек.

4-кезең: «Кім ұқыпты, кім шапшаң»

Әр оқушы секіртпемен жүгіріп барып, берілген есептерді компьютердегі калькулятордың көмегімен шығарады.

193*54+96=10518

175/14+16=28. 5

122+56*43=7654

114*12+56=1424

536+28-14=550

638*45+78=28788

Би, флешмоб. 8 «А» сынып қыздары.

5-кезең: «Үздік суретшілер сайысы»

Әр оқушы гимнастикалық орындықта жаттығу жасап, Paint графикалық редакторында берілген суреттерді салу керек.

6-кезең: «Бәріміз біріміз үшін, біріміз бәріміз үшін»

Бұл кезеңде оқушылар шеңбермен бір - бірін мәре сызығына дейн кезек-кезек жинап, топ болып алгоритм құрады.

(Смайликтер есептеліп, жеңімпаз команданы анықтау) .

Осымен бүгінгі (Информатика әлеміндегі спортшылар» атты эстафеталық жарысымыз соңына жетті. Барлық қатысқан және жақсы ойын көрсеткен оқушыларға және де әділ бағаларын беріп отырған әділ - қазы мүшелеріне рахметімізді айтамыз!

№10 жалпы білім беретін орта мектебі

«Информатика әлеміндегі спортшылар»

6-сыныптар