Қайырымдылық пен жанашырлыққа тәрбиелеу: 8 сыныпқа арналған оқудан тыс іс-әрекеттер жоспары

Оқудан тыс іс - әрекеттердің жобасын өткізудің даярлық жоспары (жоспардың әрбір пунктін 3 - 5 сөйлеммен ашу)

1. Іс - шараны өткізетін орынды таңдау, мерзімін белгілеу.

Жарсуат селолық округінің әкімі Н. Азғалиевпен, мектеп директоры Р. Рысбаевамен тіркеуде тұрған көмекке мұқтаж және науқас қарт адамдардың тізімдерімен танысып, тізімдерден жуырдағы көмегімізді көрсететін әлеуметтік қолдауды қажет ететін жанұяны таңдап алу.

Тандап алған әлеуметтік қолдауды қажет ететін жанұя жайлы мәлімет жинау, мекен - жайын, телефонын алып, алдын ала ол адаммен хабарласып, тұратын мекен - жайына барып рухани көмек көрсетуге рұқсатын алу.

2. Оқушыларды іс - шараның мақсатымен таныстыру.

1. Оқудан тыс іс - шараны өткізбес бұрын, оқушыларға алдын ала біздің не істейтінімізді, не үшін, неліктен және кімге көмек көрсететінімізді, ол адам туралы толық мәлімет беру үшін «Бірге мықтымыз!» атты видеофильм көрсету арқылы оқушылардың бойына жағымды әсер қалдыру мақсатымен қайырымдылық, жанашырлық, мейірімділік, риясыз сүйіспеншілік туралы аңыздар мен өсиет әңгімелер айту.

2. Көмегімізді көрсететін жалғызбасты ІІ топтағы мүгедек Жетібаев Қайырғали ағамызға қойылатын сұрақтарды оқушылармен бірге дайындау.

3. Естелікке оқушылардың қолынан жасалған бұйымдарды апарып, құттықтау хат дайындау.

3. Жүргізілетін іс-шараның жоспарын жасақтау.

Іс - шараны өткізудің жоспары

1. Жарсуат селолық округінің әкімі Н. Азғалиевпен мектеп директоры Р. Рысбаеваның келісімімен тіркеуде тұрған жалғызбасты аға Қ. Жетібаевтің үйіне мектеп психологі, өзін-өзі тану пәнінің мұғалімі Д. Иманалина және оқушылармен бірге бару.

2. Жалғызбасты ағамен рухани - адамгершілік жылы қарым - қатынас құру мақсатында оқушылармен бірге дайындаған сұрақтарымызды қойып, әңгімелесу.

3. «Сізге деген сүйіспеншілікпен» атты көмек ұсыну.

4. Оқушылардың дайындаған концерттік бағдарламасын ұсыну.