ХОР ұстазым

Мерекелік ертеңгілік <<Бастауышым - балбұлағым>>

<<Қамажай>> биі Жанель мен Анель билеп мені алып шығады.
Мұғалім: Бұл оқу тамақ болар қарны ашқанда,
Жол табар қараңғыда адасқанда.
Мал озбас біле білсең білім озар,
Ақыры керек болар бір сасқанда, - деп Міржақып айтқандай тарыдай болып кіріп, ақыл ойларың толысып, оң мен солын танып, жақсы мен жаманды айыра білуді үйренген шәкірттеріміздің ұйымдастыруымен өткелі отырған <<Бастауышым - балбұлағым>> мерекесін бастауға рұқсат етіңіздер.

Толқимыз толқып тұрсыз баршаңызда,
Мұндай күй болған шығар баршаңызда.
Қол соғып, қошаметтеп қарсы алайық,
Бітіруші түлектерді ортамызға.
Вальс (оқушылар қатармен кіреді, вальс билейді).
Мұғалім: Міне, сіздердің алдарыңызда тұрған 4 <<а>>сынып оқушылары осыдан 4 жыл бұрын алты жасар бала болса, бүгін міне ес білген шәкіртМіне, бүгін біздің оқушыларымыз бастауышпен қоштасып тағы бір жасқа есейгелі отыр және ұстаздарына, ата-аналарына өз өнерлерін көрсеткелі отыр.
Енді сөз кезегін жүргізушілерімізге берейік.
1-Жүргізуші Шашу, шашу, шашайық,
2-Жүргізуші Ақ сандықты ашайық.
3-Жүргізуші Бұл мереке, бұл тойдың
4-жүргізуші Бастаңғысын жасайық.
(шашу шашылады)

1-жүргізуші: Бала шаққа болашақты жырлатып,
Шәкірттерге ой түзеткен сымбатты.
Күн нұрындай сәуле құйған көңілге,
Армысыздар ұстаздарым ардақты.

2-жүргізуші: Армысыздар әжелер мен аналар,
Ұрпағыңыз күнде өзіңнен бата алар.
Ел дәстүрін мәңгі сыйлап оқы деп,
Үйреткен ғой Абай, Ыбырай бабалар.

3-жүргізуші: Армысыздар өр тұлғалы әкелер,
Қыран құстай балапанын жетелер.
Бүгін міне бастауышпен қоштасады,
Азамат боп кешегі сәби еркелер.

4-жүргізуші: Армысың сен алтын ұя мектебім,
Саған айтар алғысымыз көп біздің.
Жүректерге жаққан білім шырағын,
Мектебіме арналады бұл әнім.

1-жүргізуші: Дұрыс айтасыңдар, достар, бұл мектептен қаншама адам білім алған.
2- жүргізуші Менің ағамда, апамда, менде осы мектептен білім алудамын.
3-Жүргізуші Олай болса мектебімізге арналған әнімізді шырқайық.

Жүргізуші Қабыл алыңыздар Хор: <<мектебім !>>

1-жүргізуші: Иә, мектебімізге қандай жыр арнасақта жарасады.
2- жүргізуші: Дұрыс айтасың, Ерғанат, Ендеше сыныптастарымыздың мектепке арнаған жырларын тыңдайық.

1-оқушы: Мектеп деген білім кені, жыр кені,
Мектеп деген ғылымның ең үлкені.
Мектеп деген тәрбиеші адамға,
Мектеп деген даналардың мекені.
2-оқушы:Мектебім білім берер алтын ұям,
Ер жетіп сенде сөзім артты санам.
Барлығын төрт жыл бойы ата-анамдай,
Әрқашан қасиетті атың маған.
3-оқушы:Армысың сен алтын ұя мектебім,
Саған айтар жыр алғысым көп менің.
Жүректерге жаққан білім шырағын.
Мақтан етем сені мәңгі мектебім.
4-оқушы: Мектебім алтын ұям, нұрың жарық,
Жайнаттың үмітімнің гүлін жарып.
Сүйкімді сенің күміс қоңырайың,
Тұрады құлағымда сыңғыр қағып.
5-оқушы:Ұлылықты ардақ тұтар үнемі,
Алтын ұя ақ босаға киелі.
Қанат қаққан білім алған өзіңнен,
Күллі шәкірт саған басын иеді.
6-оқушы: Мектеп үйім, ұстазым менің, ата-анам,
Сенен өсіп, сенен ғана нәр алам.
Саяң ыстық сен мәуелі бәйтерек,
Тамырланып сан тарапқа тараған.
Барлығы :Мектеп кеме білім теңіз,
Барар жерге тез жетеміз.
Төрт жыл алған білім нәрін,
Азық етіп ер жетеміз.
3-жүргізуші: Ұзтаздық еткен жалықпас,
Үйретуден балаға - деп Абай атамыз айтқандай алғаш қолымызға қалам ұстатып, оңымыз бен солымызды таныпқан, бізбен бірге қуанып 42 әріпті танытып, білім нәрімен сусындатқан, мектептегі анамыз ұстаз екені белгілі.
4-жүргізуші: Әр шәкіртін баласынан кем көрмей оқуға, жазуға үйреткен ұстаз еңбегі шексіз. Мұғалім мектептің жүрегі, - деп бекер айтпаған.
1-жүргізуші: Дұрыс айтасың, , Ғылым иесі ғылымда, ел қорғаған батырда, тілінен бал тамған ақында, тегеуіріні күшті жұмысшыда, көкті шарлаған ғарышкерде, бәрі, бәрі ұстазда тәлім алады.
2-жүргізуші: Иә, бұл туралы батыр Бауыржан атамыз: Болашақтың басшысында, данасында, ғалымында, еңбекшісінде ұстаз өсіреді деген екен. Олай болса келесі жырларымызды ұстаздарымызға арнайық. Ұстазым әні қабыл алыңыздар.

1-оқушы: Алғашқы ұстаз анамызбен тең келеді,
Бар асылын бізге жиып, мол береді.
Қанатымен су себелеп асыл жан,
Әр шәкіртін баласынан кем көрмейді.

2-оқушы: Жарық күннен, жылы жүзің елестер,
Құлағымда өзің берген кеңестер.
Жанарымда алыстатқан қара жол,
Көз жұмсамда көретұғын белестер.

6-оқушы: Кешегі жабырқау қайда қалған,
Шықпаушы еді бір елі айналаңнан.
Мейірің бе ұстаздың жүрегің бе,
Жан дүниесін баланың жаулап алған.

7-оқушы: Алғашқы ұстаз ерекше дара туған,
Ұмытылмастай көңілде мәңгі қалған,
Сағына әркез суретті парақтадым,
Адамның аяулы үні сияқтанып.

8-оқушы: Шәкірттер сіздерді айтып мақтанамыз,
Бейнеңіз жүректерде сақталады.
Біз әлі биіктерден көрінеміз,
Үміт пен сеніміңіз ақталады.
Мың алғыс сізге біздей түлектерден,
Мың алғыс мына отты жүректерден.
ХОР ұстазым

1-жүргізуші: Достар, естеріңде ме? Біз осыдан төрт жыл бұрын 6 жастағы бала едік, сөмкемізді зорға көтеріп, мектеп табалдырығын жасқана аттап едік.

2-жүргізуші: Әрине,ЕРғанат ,Енді міне сауатымызды ашып, білім негізі бастауыш мектеппен қоштасып орта буынға қосылғалы отырмыз.

3-жүргізуші: Иә, міне сағымдай өте шыққан 4 жыл ішінде біздің ұстазымыз сауатты, тәрбиелі, өнегелі азамат етіп шығарады

4-жүргізуші Ендеше бастауыш сыныбымыз туралы неге айтпасқа.

1-оқушы: Жасқана кіріп жарық сыныпқа біз,
Әр бетін әліппенің күліп ашқанбыз.
Мұғалім сабақ өтіп жатқан кезде,
Қайталап атымызды сұрасқанбыз.

2-оқушы:Әр үйдің ерке өскен тентегі едік,
Ақылға келел алмадық ерте көніп.
Бойымыз бірте-бірте үйренісіп,
Мектептің ережесін үйрендік кеп.

3-оқушы: Өмірдегі жолымды өзіңнен бастадым,
Есімде менің әріптерді атап-атап айтқаным.
Ұстазым естен кетпес мәңгілікке,
Мейіріммен жауырынымнан қаққаның.
1- жүргізуші. Құлақтан кіріп бойды алар,Жақсы інмен тәтті күй- демекші Дәулет пен Диананың орындауында <<Арман >> күйін қабыл алыңыздар
1-жүргізуші: Осы 4 жыл бойы өз білімдерін бойымызға сіңіріп, еркелігімізді көтеріп, санамызға білім нәрін құйған, әр пән ұстаздары да бар.
2- жүргізуші; Осы ұстаздар еңбектерін неге айтпасқа.
3- жүргізуші. Дұрыс айтасың ,Жанай. Олар да біздің білімімізге өз үлестерін қосты.
4-Жүргізуші. Еңбектеріңіз жана берсін , ҰСТАЗДАР.

1-оқушы: Анамыздай мейірімді құшақ ашып,
Жүресіз Фаина апай шуақ шашып .
Әр уақыт жылы сөзің шабыт беріп
Барамын болашаққа қадам басып.
2-оқушы: Үйреттіңіз жалықпай,
Орыс тілін шарықтай.
Тіл сындырып, ән айтып,
Шаттандық біз шарықтай,
Сәулесін шашқан Айгүл апай.
Ағылшынды меңгерткен
Үйретуді жөн көрген
Гүлдана апай,
Ұрпаққа жаңа өн берген!
1 - оқушы: Үйреткен сөз өнерін, қыр-сырларын,Гүлденткен үлес қосып бала бағын.
Жанар апайға арналар шексіз алғыс,
Жүріңіз шәкірттерге беріп дәріс.

1-жүргізуші: Бастауыш сыныпта, жоғары сыныпта өтілетін әдебиет, тарих, биология, алгебра, физика, химия, т.б пәндерге негіз болатын ана тілі, математика, дүниетану, орыс тілі пәндерін зер салып оқып үйрендіңдер.
2- жүргізуші: біздің осындай білім алуымызға ата- анамыздың үлесі мол
3-жүргізуші: Жамандығымызды жасырып, жақсылығымызды асырған ата-анамыз.
4- жүргізуші: Қатарымыздың теңі болып, тамағымыз тоқ, көйлегіміз көк болып жүруі сол ата-аналарымыздың арқасы.

1 - жүргізуші: Біздің ата - аналарымыз ұстазымызбен бірге оқып, шыдамдылық танытып көп еңбек етті. Бала тәрбиесіне қосқан үлестеріңіз үшін мың да бір рахмет!

1-жүргізуші: Ыстық - ау кім - кімге де әке деген,
2- жүргізуші:Суыққа шалындырмай мәпелеген.
3- жүргізуші:Өмірдің соқпағымен өрге тартып,
4- жүргізуші:Алдымен адам бол деп жетелеген - дегендей әкенің орны бөлек.
1-оқушы:Әкешім тілеуімді тілеп жүрген,
Аумайсың жарығы мол ашық күннен.
Шаршайсың жұмыс істеп біздер үшін,
Ақылды балаларың оны білген.
1- жүргізуші. Барша әкелерге арналған Мерекеқызы Жанайдың орындауында <<Әкетайым>> әнін, әкелер, қабыл алыңыздар.

2-жүргізуші: Әр ана өз баласын мейірімді болса екен деп, жақсы оқып елге қалаулы азамат болса екен дейді.
3- жүргізуші:Халқымызда мынадай нақыл сөз бар: <<Анаңды Меккеге үш рет арқалап апарсаңда борышыңды өтей алмайсың>> - деген. Алайда анамыздың ақ сүтін ақтай білгенге не жетсін.

4-жүргізуші:Дұрыс айтасың. Біз болашақта саналыда, ақылды бала болып өссек ананың басты арманы орындалды деген осы емес пе?
Ендеше барша аналарымызға арнап Жансаяның орындауында <<Анашым>> әнімен қарсы алыңыздар.

2-оқушы: Дүниеге әкелген ол да сенің анашың,
Ақ сүт беріп өсірген ол да сенің анашың.
Тіл алмасаң кешірген ол да сенің анашың,
Мәпелеген баласын аман болшы анашым!

3-оқушы: Кеудемнен сезім селі ақтарылсын,
Болармын күні ертең-ақ мақтанышың.
Білім алам, тер төгем, еңбек етем,
Өзіңнің сеніміңді ақтау үшін.
Флеш моп

1 - оқушы:Бірдей біздің ойымыз да сырымыз,
Бір мектептің ұлы менен қызымыз.
Бірдей өстік оқуда да еңбекте,
Күліп ойнап біріміз бен біріміз.
2 - оқушы:Бастауышта шырқалмаған жыр барма,
Бастауышта айтылмаған сыр барма.
Бастауышта алған білім жырларым,
Азық болар мәңгі талай жырларға.
3 - оқушы:Бастауышым балбұлағым,
Алдым сенен балдың дәмін.
Әріп танып, білім алып,
Рахметімді жаудырамын.
1- жүргізуші. Жаңадан өнерге қадам басқан Ақеркені қобыз аспабымен шақырамыз.
4-оқушы:Бастауышым балбұлағым,
Лаулап жанған шам-шырағым.
Өзің берген біліміңмен,
Самғап ұшар тау қыраның.
5 - оқушы:Өтті сенде қызық шағым,
Бастауышым балбұлағым.
Қоштасар күн жетті міне,
Қимастықпен қол бұлғаймын.
БИ
2-жүргізуші: Достар, сонымен біз кім боламыз?
Хормен: адал азамат, ақылды ару, ғалым, елін сүйген ер, нағыз адам.
Папурри
1-жүргізуші:Қол жаяйық халайық,
2-жүргізуші.Бата тілеп алайық.
3- жүршізуші:Бастауышпен қоштасып,
Орта буынға барайық. 4-жүргізуші: <<Батамен ел көгерер>> деген ата- бабамыз. Ендеше үлкендерден бата сұрайық.
Осымен ертеңгілігіз аяқталды. Алтын уаұыттарыңыщды бөліп келгендеріңізге мың да бір рахмет!