Сабақ жоспары :: Әртүрлі

Файл қосу

Сабақтың тақырыбы Жүз жасаған бәйтерек

170
170

Алматы обл.Талдықорған қаласы.
Бақтыбай Жолбарысұлы атындағы
№18 орта мектеп - лицейінің кітапхана
меңгерушісі Ботаева Мария Данабатшақызы
Жамбыл Жабаевтың 170 жылдығына арналған

Сабақтың тақырыбы <<Жүз жасаған бәйтерек>>
Сабақтың мақсаты: а) Оқушылардың жыр алыбы Жамбыл туралы
деректерін молайту, тектілігін таныту, ізденістерінің көзін ашу;
ә) Әдеби тіл нормасы қалыптасқан, өзіндік ой-пікірін жеткізе алатын, сөйлеу мәдениетіне бейім, шығармашыл жеке тұлға дамытуға жағдай туғызу;
б) Әдеби, тарихи тұлғаларға сүйіспеншіліктерін ояту.
Сабақтың түрі брейн-ринг
Сабақтың әдісі аралас
Сабақтың көрнекілігі: интерактивті тақта, слайдтар, , кітап көрмесі
Сабақтың өтілетін орны Мектептің акт залы
Сабақтың барысы: 1. Ұйымдастыру кезеңі.
2. Кіріспе.
3. Ойын.
4. Қорытынды, марапаттау.
Кіріспе. Көзінің тірісінде-ақ <<Өлең сөздің пірі>>, <<Поэзия алыбы>>, <<Алатау сынды ақсақал>>, <<Жыр күмбезі>>, ал тоқсаннан асқан жасында <<ХХ ғасырдың Гомері>> атанған, ұлы Абайдың құрдасы Жамбыл - халық ауыз әдебиетінің қайнар көзі. <<Жамбыл өзінің болмыс - тағдырымен, дарын-тегеурінімен, біртуар табиғатымен, өз заманының айнымас айнасы бола білді. Ол өзінің өлмес өнерімен тұтас дәуірдің шыншыл шежіресін жасай білді, өміршең ойларымен сол дәуірді саралап берді>> - деп елбасы Н.Назарбаев атап өткендей, өзінің қайталанбас дарынымен сол дәуірдің өміршеңдігін жазба поэзиясы дамыған дәуірде де таныта білген жүйрік ақын.
Ұлттың тектілігін тану - сол халықтың көне тарихын, ежелгі әдеби және мәдени жәдігерліктерін, қисса-хикаяттарын оқып үйренуден басталса, соның дәлеліндей орталарыңызға 8-сынып оқушылары ұлы Жамбылдың 170 жылдығына арналған <<Жүз жасаған бәйтерек>> атты брейн-ринг ойынын әкеліп отыр, сөз жүргізушілерде.
1-жүргізуші. Құрметті қонақтар, оқушылар! Ойынымызға қош келдіңіздер! Бүгінгі тамаша сайысымызға мектебіміздегі тіл жанашырлары
қадірменді ұстаздарымыз төрелік етеді.
2-жүргізуші. Екі бірдей ғасырды басынан өткерген көне көз қарт жырау Жамбыл Жабаевтың бүкіл ғұмыры өз ұлтының мәртебесін көтерумен өтті. <<Менің пірім - Сүйінбай,Сөз сөйлемен сыйынбай>> дегенінен-ақ, оның асқақ тұлға ұстазын қадірлеп, бетке ұстайтыны алға тартылады.
1-жүргізуші. Арғы-бергі заманалар көшінен елес беріп, туған жер туын тік ұстаған ержүрек ұлдардың ерлік істерін ұрпаққа үлгі етудегі оның қажыр-қайраты ерекше еді.
2-жүргізуші. Сонау Сүйінбай ұстазынан тартып жырға өзек болатын Сұраншы, Саурық, Өтеген, Қарасай батырлар атының дүбірі құлаққа жетіп жатса, онда Жамбылдың да үлесі үлкен.
1-жүргізуші. Түнді түнге ұластырып жұрт құлағына құйған ақындық құдіреті Жетісу жерінен асып, бүкіл әлемді шарлап кетті.
2-жүргізуші. Өз іргесін қымтап, дербес ел атанған Қазақстан атты алып мемлекеттің болашағын аңсаған ақындар мен батырлардың жүрек лүпілі небір дастандар мен қиссаларда тұнып тұрғаны анық.
1-жүргізуші. Жамбыл жыраудың жүз жыл соққан жүрегі де сол тәуелсіздіктің түп-тамырына үңіліп, жарқын болашақты аңсап өтті.
2-жүргізуші. Екі ғасырдың куәсі талмай толғаған, жүз жыл жырлаған жүректің шығармашылығынан білімдарлығымызды, бүгінгі <<Брейн-ринг>> арқылы танытамыз.
1-жүргізуші. Ойын шарты бойынша 1 саны көрсетілген жеребе тастаймыз, сол сан шыққан сынып оқушылары өздеріне қарсылас топты шақырады, ойын жеңген топтың шақыруымен жалғаса береді.
2-жүргізуші. Ал, топ жетекшілері, келіңіздер, іске сәт!
Брен-рингті жүргізу үшін сөз тізгінін қазақ тілі мен әдебиеті пәнінің мұғалімі Тұрсынхан Ескелдіқызына ұсынамыз.
І топқа
1. Жамбылдың ата-бабалары қалай аталады?
(Ұлы жүз - Шапырашты - Екей)
2. Жамбылдың айтуынан жазып алынған ертегі-аңыз дастан қалай аталушы еді?
(<<Бақ, дәулет, ақыл>>)
3. <<Өлең кірген түсіне, Жөргегінде мен болам...>> қай өлеңінен?
(<<Шағым>>)
4. Жамбылдың туған жылы?
(1846 жыл, 28 ақпан)
5. Туған жері?
(Теріскей Алатаудың солтүстік баурайы, Хан Жамбыл тауының етегінде)
2-жүргізуші. Әділқазы алқасы ұпай санын анықтап, жеңімпаз топты хабарлағанға дейін ----------музыкалық сәлемін қабыл алыңыздар
ІІ топқа
1. Жамбылдың әкесінің аты?
(Жапа)
2. Анасының аты?
(Ұлдан)
3. Жамбылдың тұңғыш өлеңі қалай аталады?
(<<Шағым>>)
4. <<Әкеме>> өлеңі не жайлы?
(әкесінен бата сұрауы жайлы)
5. Жамбыл Сүйінбайдан қашан бата алған?
(1861 жылы)
1-жүргізуші. Жеңімпаз топ анықталғанша, ақын шығармаларымен сусындайық.
ІІІ топқа
1. 15 күн жырлаған дастаны?
(<<Көрұғылы>>)
2. Жамбылдың көлемді эпикалық дастандары?
(<<Өтеген батыр>>, <<Сұраншы батыр>>)
3. 1937 жылы желтоқсан айында Жамбыл бастаған делегация грузин халқының ұлы ақыны Шота Руставелидің қай поэмасының мерейтойына қатысады?
(<<Жолбарыс терісін жамылған батыр>> поэмасының 750 жылдық)
4. Абайдың ұлы Әбдірахман қайтыс болғанда Жамбылдың айтқан жұбату өлеңі қалай аталады?
(<<Жалғызбын деп жүрмесін>>)
5. Қазақ халқының патшаның қанаушылық саясатына қарсы шыққан өлеңінің аты?
(<<Халық кегі>>)
Жеңімпаз топты бағамдағанша музыкалық сәлемін қабыл алыңыздар
Қорытынды.
1-жүргізуші. Жамбыл қазақ елінің өміріндегі тарихи оқиғаларды - Қоқан хандығының езгісін, Ақ патшаның отары болып, кешкен азап пен зардаптарын, Қазан төңкерісімен келген теңдік пен бақытты өмірді жырларының арқауы етті.
2-жүргізуші. <<Жүз жыл өмір кешкен ақында неше жүз жылдар өнері мен шеберлігі түйіскен>> - деп М.Әуезов айтқандай, ақын Жамбыл халық поэзиясының алыбы атана отырып, өзінің өміршең поэзиясы арқылы қазақ халқын әлемге танытты.
1-жүргізуші. Енді ойынымызға төрелік етуші әділқазылар алқасына сөз береміз. (Ойын жеңімпаздарын марапаттау).

Ұқсас жұмыстар
Ж. жабаев. жүз жасаған бәйтерек. 9-сынып
9 сынып қазақ әдебиеті, "ленинградтық өренім"
Ж.жабаев "алғадай туралы әрбір ой", "атаның әлдиі"
Ж.Жабаев
Тақырып Сан есімнен өткенді қайталау
Қос сөз
Қазақшаңыз қалай екен сайыс сабақ
Пернетақта. пернетақтамен танысу
Сайыс сабағы. қазақ тілінің білгірі
Өнеге отбасынан басталады
Пәндер