Мағзұм Сүндетовтің Қайырымдылық әңгімесіне арналған сабақ жоспары

Сабақтың тақырыбы: Мағзұм Сүндетов. Қайырымдылық.

Сабақтың мақсаты: Оқушыларға қайырымдылық, мейірімділік жайлы айта келе, түсініп оқуға үйрету;

Сабақтың міндеттері:

а) білімділік: М. Сүндетов өмірімен таныстыру, әңгіменің мазмұны мен идеясын тәрбиелік мәнін ашу. Кейіпкердің іс- әрекетіне өз көзқарасын анықтай білу.

ә) дамытушылық: тілін, сөйлеу мәдениетін. ой-өрісін дамыту;

б) тәрбиелілік: үлкенді сыйлауға, құрметтеуге, тазалыққа тәрбиелеу

Сабақтың әдісі: СТО әдістері, түсіндіру, сұрақ-жауап.

Көрнекілігі: портрет, плакат, кестелер.

Сабақ барысы:

І. Ұйымдастыру кезеңі.

- Түгендеу;

- Назарларын сабаққа аудару.

ІІ. Үй тапсырмасын тексеру.

Ж. Аймауытов. Торғай.

ІІІ. Үй тапсырмасын бекіту.

Жылы жаққа ұшпайтын

Біздің жақта қыстайтын

Құстар жүрсе жуықта

Жем шашуды ұмытпа

-Қыстап қалатын құстарға қалай қамқор боласыңдар?

-Қандай құстар біздің ауылымызға қыстап қалады?

"Жұптас, ойлан, талқыла"

1. Торғай мәтінінің авторы кім? Ол туралы не білесің?

2. Жерге түскен торғайдың халі қандай еді?

3. Сұр жылан қандай күш көрсетті?

4. Торғай аспанға қалай ұшып кетті?

5. Ақбілек деген кім?

6. Ақбілек бала кезінде жылан туралы не естіп еді?

IV. Жаңа материалды игерту.

Психологиялық дайындық:

«Қайырымдылық» сөзін топтастыру.

Қайырымдылық - адамның асыл қасиеттерінің бірі. Кісінің айналасындағы адамдарға деген ықыласы мен көмегін адамгершілік қарым - қатынастарын білдіреді. Қайырымдылық- жақсы қасиет. Ол кішіге қамқор болу, үлкенге көмектесу, ізгілікті іс жасау. Қайырымды адамды туыстары жақсы көреді, мақтан тұтады.

Қайырымдылық ұғымының екі қыры бар.

Бірі - рухани - экономикалық жағы (басқаның басына түскен ауыртпалықты қабылдау),

Екіншісі - іс - тәжірибелік жағы (іс жүзінде нақты көмек беруге ұмтылу) .

Сабақтың тақырыбы мен мақсатын хабарлау.

Автор туралы мәлімет.

Мағзұм Сүндетов 1936жылы 29 қаңтарда Атырау облысы Дассор ауданында дүниеге келген. 1999жылы өмірден озған . Соның өзінде көптеген шығармаларын жазған . Мысалы:Еліктің лағы, Ескексіз қайық, Бесқонақ т. б