Сіздерді көктемнің алғашқы мерекесімен құттықтай отырып, Анаға қарап қыз өсер

«Серебрянск қаласының №4 орта мектебі»КММ Тақырыбы: «Анаға қарап қыз өсер. . » Әзірлеген: Серікқызы А 2016ж 8 наурыз аналар мерекесі қарсаңында жоғары сынып оқушыларына арналған "Анаға қарап қыз өсер" атты кештің сценариін ұсынамыз . . . Кештің көрнекілігі: Елбасы жолдауы, Жолдаудан үзінді жазылған қағаздар, ұлағатты сөздер, суреттер, шар, шақыру билеті, үнтаспа, гүл т. б. Кештің барысы: Қонақтарды қарсы алу, кіріспе құттықтау сөз, тақырып бөлісу, пікіралысу, саралаушы топтың қорытындысы, оқушылар құттықтауы, жалпы қорытынды. Видео қосылып ана мен баланың дауысы шығады. Айгерим сөйлейді. Тәңірім кеше көрсін кесірімді
Аспанға жазсам сенің есіміңді!!!
Ана,
Сен бақыттысың, тербете бер
Құба талдан иілген бесігімді Ән: «Жан ана» Меруерт Чагиева қабыл алыңыздар құрметті аналар.

1-жүргізуші: Ар ма, ағайын! Қайырлы күн, қымбатты жиналған қауым!

2-жүргізуші : Құрметті ақ жаулықты аналар мен әжелер, кер маралдай керілген әпкелер, қарындас, құрдастар, ұстаздар! Сіздерді көктемнің алғашқы мерекесімен құттықтай отырып, «Анаға қарап қыз өсер . . . » атты мерекелік кешке қош келдіңіздер дейміз!

Сенен өскен балалар,
Батырлар мен даналар.
Құттықтаймыз мейраммен,
Құрметті, жан аналар!-дей келе Құттықтау сөзді мектеп директоры

Турканова Кайнигул Чагиевнаға береміз.

1-жүргізуші :

Ана десем шешек ашып жанары,
Өмірімнің бастау алар ажары.
Ана деген тіршілікке пана боп,
Әрбір үйде жұлдыз болып жанады

Көрініс «Үш ана» 3 ә сынып оқушыларын қарсы алыңыздар.

2-жүргізуші:

Құлақтан кіріп, бойды алар,
Әсем ән мен тәтті күй.
Көңілге түрлі ой салар,
Әнді сүйсең, менше сүй, - деп, Абай атамыз айтқандай . .

4- сынып оқушсы Әліпбек Нартайдың орындауындағы

«Сенің анаң алтын» әнін қабыл алыңыздар. .

1-жүргізуші: Наурыз айының басында біздің еліміздің көп аймағында әлі де қар жатады. Қыстағыдай ызғарлы, бірақ көңілімізді көктемнің алғашқы мерекесі жылындырады. Бұл мерекенің жылдың басқа мезгілінде болуы қисынға келмейтіндей, себебі, көктем секілді әйелдер де адамзатқа өмір, жылылық пен әсемдік сыйлайды емес пе?

4. Би:5- сынып қыздары « . . . »

2-жүргізуші: Барлықтарыңызды айтулы мерекемен шын жүректен құттықтаймыз! Жер-дүниенің жаңаруын, оның сәні мен мәнін паш етіп келе жатқан тамаша көктемнің мерекесі қарсаңында Сіздерге және отбасыларыңызға мол береке, бақыт, шаттық, мызғымас денсаулық, болашаққа зор сенім, көтеріңкі көңіл-күй тілейміз! Барша туған-туыстарыңызды жылы жүрегіңіздің мейірімділігі мен ыстық ықыласына бөлеуден шаршамаңыздар! Жылдан-жылға табиғаттың тамаша мерзімі - көктемдей құлпырып, жасара беріңіздер!

Армысыңдар әжелерім, аналарым
Мейірбан аппақ көңіл даналарым
Гүл көктемнің алғашқы мейрамымен
Құттықтайды сіздерді қос бүлдіршін Дариға мен Жанарыс балаларын

5. Ән: «Ақ мамам»

1- жүргізуші:

Айнұр айтшы: Ең күшті нәрсе не?

2-жүргізуші

- Әйелдің әмірі! - дер едім.

Әйелдердің барлығын

Жердегі Тәңірі! - дер едім.

Өз басым әйелді осылай деп бағалаймын. Өйткені, адамзатты жарататын - әйел, ұлтын көбейтетін - әйел, ұрпақты ұластыратын - әйел, еркекті Ер ететін - әйел. Бір сөзбен айтқанда, дүниенің тірегі -әйел. Махаббаттың асыл нұры - әйел. Өмір деген алтын сарай есігінің күміс кілті - әйел махаббаты.

6. Ән: Орындайтын Маетегова Айсұлу «Мама»

1-жүргізуші:

Біз ғана емес,

Қадір тұтқан бабалар

Ана деген - тіршіліктің тірегі,

Мерекеңмен, қасиетті Аналар

2-жүргізуші:

Ана - жұмақ, мен - шуақ, саябағы,

Ана - шырақ, мен - мен сұрақ санадағы.

Ана - теңіз, мен - қайық тербетілген,

Ана - бұлақ, мен - құрақ жағадағы.

7. Би: 4- сынып қыздары «Ақ желкен»

1-жүргізуші:

О, аналар осындайсың бәрің де,

Осындайсың жасың-дағы кәрің де,

Сыйынатын осы өмірде құдірет,

Сыйынар ем ана деген тәңірге . . .

Келесі кезекте: Ұстаздарымызға, аналарымызға, ару қыздарымзға сұрақ қойсақ қайтеді

1. сұрақ : Бүгін сіздің қызыңыздың ең жақын құрбысының туған күні. Қызыңыз сыйлық үшін ақша сұрады. Ал сізде ақша да, басқа бір бағалы сыйлық та жоқ. Мұны қызыңыз түсінер емес, үйді басына көтеріп, жылап отыр. Қарыз сұрадыңыз. Ешкімнен табылмады. Сіз қандай әрекетке барасыз?

2. сұрақ: Қызыңыз дәл қазір өтпелі кезеңде. Ол тым дөрекі болып барады. Сізді ана, жарыңызды әке деп қарамайды. Ылғи да дауыс көтеріп сөйлейді, айтқандарыңызды тыңдамайды. Күннен күнге бұзылып бара жатқандығын байқадыңыз. Ашық сөйлесіп көріп едіңіз. Нәтиже жоқ. Не істейсіз?

3. сұрақ: Сіздің қызыңыз сыныптасының ақшасын ұрлап алыпты. Мұнымен қоймай ол қызбен төбелесуге дейін барыпты. Сізді ата-аналар жиналысына шақыртып масқара етті. Қызыңызды тәрбиелеу үшін қандай әрекеттер қолданасыз?

4. сұрақ: Сіздің қызыңыз сабаққа барғысы келмейді. Ұрыстыңыз, ұрдыңыз, мұғалім көмегіне жүгіндіңіз. Бірақ, ол бәрібір де таңертең тұрмайды. Сабаққа деген еш қызығушылығы жоқ. Қандай әрекеттер жасайсыз?

1 - жүргізуші:

Құлайын деп бара жатам құлдырап,

Көңілім жүдеп, көзім алды бұлдырап,

Сол кезде бір ән естимін жақыннан,

Аққан бұлақ секілденген сылдырап.

Есім жиып, өз бойымды тік ұстап,

Тіршіліктің әуенімен тыныстап,

Сергимін де, сезім гүлін құлпыртам,

Кел дегендей болады бір күміс бақ. .

Сөндім-ау деп, өлдім-ау деп ышқынып,

Қалған кезде бойымдағы күш бұғып,

Сөнбейсің деп дауыстайды анашым,