Мектеп директоры

Тақырыбы: <<Бейінді оқыту - жеке тұлғаны дамыту құралы>> .

Жоспары:
I. Кіріспе бөлімі
Мұғалім үшін оқыту мен тәрбиелеудің тұлғалық - бағдарлық мәселелері.
II. Негізгі бөлім
а) Бейінді оқыту - оқушының жеке тұлғасын дамыту құралы.
ә) Бейінді оқыту үрдісінде жеке тұлғаға бағытталған жаңа технологияларды пайдалану
III. Қорытынды бөлім

Мұғалім үшін оқыту мен тәрбиелеудің тұлғалық бағдарлық мәселелері, оқушы деңгейіндегі ғылыми жобаларды жасақтап, оны жүзеге асыру әдістері, оқушының жеке тұлғасын дамытуға бағытталған жаңа инновациялық технологияларды талдау тәсілдері- оқытудың негізгі бөлімдері ретінде қарастырылады.
Мұғалім ақпараттанушы емес, оқушының жеке тұлғалық және интеллектуалды дамуын жобалаушы. 12 жылдыќ жалпы білім беруге көшу мұғалімнен жоғары құзырлылықты, ұйымдастырушылық қабілеттілікті, оқушыларды қазіргі қоғамның түбегейлі өзгерістеріне лайық бейімдеу, олардың зерттеушілік дағдыларын дамыту бағыттарын талап етеді.
Елбасымыздың жолдауында <<Білім беру реформасы - Қазақстанның бәсекеге нақтылы қабілеттілігін қамтамасыз етуге мүмкіндік беретін аса маңызды құрамдардың бірі. Бізге экономикалық және қоғамдық жаңару қажеттіліктеріне сай келетін осы заманғы білім беру жүйесі қажет>>,- деп айқын атап көрсетті.
Еліміздің мәртебесінің биік болуы үшін қоғам мүшелерінің, келешек ел болашағы - жас ұрпақтың бейімділігі мен іскерлігіне тікелей байланысты болмақ. Ендеше саналы, салауатты, ұғымды, халқымыздың барлық дәстүріне де, әлем мәдениетіне де қанық, ел тізгінін берік ұстай алатын ұрпақ тәрбиелеу бізге сеніп тапсырылып отыр. Қазіргі заманғы білім беруге қойылатын басты талап - оның сапасын арттыру.
Орта білім берудің мақсаты - жедел дамып келе жатќан әлем жағдайында алынған терең білімнің кәсіби дағдыларының негізінде, өз бағытын еркін анықтайтын, өз мүмкіндіктерін іске асыра алатын, өзін - өзі дамыта алатын және өз еркімен дұрыс, адамгершілікті - жауапты дербес шешім қабылдайтын жеке тұлға қалыптастыру.
Бәсекеге қабілетті білім беру кеңістігін құру бағытында жүргізіліп жатқан қазақстандық білім беру реформасы бағыттарының біріне жалпы орта білім берудің жоғары сатысына бағдарлы оқытудың енгізілуі жататыны белгілі. 2006 - 2007 оқу жылдарында Қазақстанның жалпы білім беретін мектептерінің жоғарғы сыныптарына бағдарлы оқыту екі бағыт - қоғамдық - гуманитарлық және жаратылыстану - математикалық бағыттар бойынша енгізілді. Бағдарлаудың міндеті - мектептегі әрбір оқушы өзін табуы үшін, қандай қызмет саласына өзінің бейім екенін түсіну үшін оларға жағдай туғызу болып табылады. Мұндай талдауды жасаған оқушы, әрине, сәйкес орта арнайы немесе жоғары оқу орнына түсе алатын дайындық деңгейі болатынын біледі. Сондықтан бағдарлы оқытудың енгізілуіне сәйкес қойылып отырған тағы да бір мақсат орта жалпы білім беру деңгейінің орта және жоғары кәсіби білім беру ұйымдарымен сабақтастығын қамтамасыз ету.
Оқушылардың кәсіптік бағдарларын қалыптастыру жан - жақты зерттелген десек те, қоғамның жасаруы, нарықтық экономиканың өмірге дендеп енуі, жаңа реформалар мен саяси жүйенің өзгеруі оқушыға кәсіптік бағдар беруде жаңаша көзқарас тұрғысынан қарауды талап етеді.
Өз кәсібін дұрыс таңдай білген оқушы әр уақытта шығармашылықпен, жауапкершілікпен қарап, қабілеті мен бейімділігі белгілі кәсіп саласына қалыптасқанда ғана сапалы маман болатын белгілі жайт.
<<Білім беру жүйесінің басты міндеті - ұлттық және жалпы адамзаттық құндылықтар, ғылым мен практика жетістіктері негізінде жеке адамды қалыптастыруға, дамытуға және кәсіби шыңдауға бағытталған білім беру үшін ќажетті жағдайлар жасау.>>-деп Қ. Р. <<Білім туралы заңы>> 8 - бабында көрсетілген.
Адам өміріндегі жауапты кезеңдердің бірі - мамандық таңдау кезеңі болып табылады. Мамандықты дұрыс таңдау адамның кейінгі өміріне айтарлықтай ықпал етеді. Дұрыс таңдалмаған мамандық адамның жеке басына ғана емес, тұтас қоғамға кері әсерін тигізеді.
Кәсіби бағдар - бейіналды дайындық компоненттері сияқты оқушылардың болашақ бағытымен оқу орындарын таңдау мәселесін шешуге көмек бере отырып, кәсіби және мәдени дайындығын арттыру болып табылады. Кәсіптік бағыттылықты қалыптастырудың адами алғы шарттары жоғары сыныптарда туындайды, танымдық қызығушылық дамиды, жеке мәнді мақсат қою талабы, кәсіби мүдде пайда болады.
Қазақстан Республикасының орта білім жүйесінде бағдарлы оқытуды енгізудің мақсаты - жалпы білім беретін мектептің жоғары сыныптарында қызығушылықтарын, икемділігі мен қабілеттерін қалыптастыруға және үйлестіруге келіп саяды, сонымен қатар ол - оқыту процесінің тұлғалық бағдарын, жеке тұлғаның қасиеттерін жан - жақты дамытады.
Жаңа бағдарлы оқытудың барысында алдымызда тұрған келелі міндеттерді шешу дұрыс, оқушылардың өз бетімен жұмыс істеуіне, ойлауына мүмкіндік жасау, практикалық білімнің маңыздылығын ашатын әр түрлі интерактивті және топтық жұмыс түрлерін ұйымдастыру, оқыту әдістерін өзгерту, жоғарғы сыныптарда пайдаланатын оқу бағдарламаларын бейімді түрде дамыту.
Бағдарлы оқыту жалпы оқыту процесінің құрылымын, мазмұны мен ұйымдастырылуын өзгерту арқылы оқушылардың қызығушылығын неғұрлым толық ескеруге, олардың қабілетін дамытуға, жоғары сынып оқушыларына өздерінің кәсіби қызығушылығы мен оқуын жалғастыруға қатысты ұстанған бағыт - бағдарына сәйкес білім беру үшін жағдай туғызуға мүмкіндік беретін саралау мен даралау құралы болып табылады.
<<Бағдарлы оқыту>> мен <<кәсіптік білім беру>> ұйымдарын шатастыруға болмайды. Бағдарлы оқыту - бұл жалпы білім беретін мектептің жоғарғы буынында оқытуды даралауға, оқушыны әлеуметтендіруге, сонымен бірге мектептің жоғарғы сатысы мен орта және жоғары кәсіби білім берудегі сабақтастықты жүзеге асыруға бағытталған арнайы дайындау жүйесі. Ал кәсіптік білім беру деп жеке тұлғаның, қоғамның, мемлекеттің мүддесі үшін, нәтижесінде азамат сәйкес құжатпен куәландырылған нақты кәсіби мамандық алатын оқыту мен тәрбиелеудің мақсатты процесін түсінеді.
Бағдарлы оқытуды енгізудің міндеті бағдарлардың икемді жүйесін жасауға және мектептің жоғары сатысын бастауыш, орта және жоғары кәсіптік білім беретін мекемелермен үйлестіруге келіп саяды. Сонымен бірге бағдарлы оқыту жеке тұлғаға бағыттала отырып, мынадай міндеттерді де шешуді қамтамасыз етуі қажет:
* жалпы орта білім бағдарламасының жеке пәндерін тереңдете оқыту;
* білім мазмұнын саралауға және әр оқушының жеке білімдік траекториясын құруға жағдай жасау;
* жалпы орта және кәсіби білім арасындағы сабақтастықты, бағдарлы сынып оқушыларын жоғары оқу орнында білімін жалғастыруға дайындауды қамтамасыз ету.
Бағдарлы сыныптар оқушылардың сұранысы мен олардың нақты мүмкіндіктері, ата - аналар мен таңдалып алынған бағдар пәндерін оқытатын мұғалімдердің пікірлері, әдістемелік бірлестік ұсыныстары, болжау мәліметтері, тестілеу нәтижелері ескеріле отырып құрылады. Ол оқушыларға негізгі назарды болашақ кәсіби білімнің таңдалып алынған бағдарының негізін құрайтын пәндерді оқуға аударуға мүмкіндік береді.
Бір бағдарлы білім беретін мекеме таңдалып алынған бір ғана бағдарды, мысалы, жаратылыстану - математикалық немесе қоғамдық - гуманитарлық бағдарды жүзеге асырады. Әр бағдардың ішінде білім салалары бойынша бір немесе бірнеше мамандану бағыттары болуы мүмкін, мысалы, технология, жаратылыстану - математикалық бағдарда: химия - биологиялық, биология - географиялық, физика - математикалық, математика - информатикалық және т. б.
Жаңа технологиялар бойынша саралау формалары
Сыртқы саралау, Ішкі саралау қызығушылықтары бойынша оқыту
Оқушыларды пәндер бойынша даярлау: - оқушыларды даярлаудың міндетті деңгейі;- оқушыларды даярлаудың мүмкін деңгейі.
Қабілеттері бойынша оқыту
Жобаланған кәсіптер бойынша оқыту
Шешімнің келесі нұсқасын бір білім саласы аясында пәнаралық негізінде кіріктірілген сабақтарды жобалау мысалымен өткізген сабақтан көруге болады. Бұл кез келген білім сапасы үшін қолайлы:
1. Білім саласына енетін пәндердің құралдары арқылы дамытылатын біліктерді нақтылау.
2. Біліктіліктерді дамытудағы оқу пәндерінің мүмкіндіктерін белгілеу.
3. Оқу жүктемесі, көлемінде оқу пәндерінің күш - қуатын кіріктірудің уақыты мен орнын белгілеу.
4. Күтілетін нәтижесі:
- тапсырмалар топтамасын жасау;
- оқу жағдаятының сюжетін анықтау;
- кіріктірілген сабақты жобалау.
5. Оқушылар қызметін реттеу, кеңестер беру, оқыту нәтижелерін қадағалап отыру.
Білікті білім беру жағдайында білім, іскерлік, дағдылардың міндеті өзгереді. Білім беруді ұйымдастырудың қазіргі қолданыстағы жүйесінде білім, іскерлік, дағды оның ақырғы нәтижесі болып табылады. Біліктерді дамыту барысында пәндік білім, іскерлік, дағдылар біліктерді дамыту құралына айналады. Оқушылардың оқу жағдаяттарын шешу арқылы әр түрлі мағынадағы білім, дағдыларды пайдалануы үшін, оларды берілген мағынада құрудағы дербестігін жандандыру үшін ұйымдастырушылық, дидактикалық және әдістемелік жағдайлар жасай отырып, оқушыларды саналы іс - қимылға дайындайтын пәндік саладағы сауаттылықтан функционалдық сауаттылыққа қадам жасауына көмектесетінін мұғалімнің өзі түсіне білуі аса маңызды.
Жеке тұлғаға бағытталған сабақ дегеніміз - оқушыға деген құрмет, ізгі қатынас, оқушылардың тұлғалық ерекшеліктері ашылады, қасиеттері қалыптасатын, мүмкіндіктері жүзеге асырылатын оқыту алаңы. Жеке тұлғаға бағдарланған оқытудың тұжырымдамасы баланы жан - жақты дамытумен бірге, жеке және жас ерекшеліктеріне қарай қоғамдағы өзгерістерге бейім даму мүмкіндігінен айқындауды қарастырады. Жеке тұлғаға бағытталған бағдарламамен оқыту проблемалы бағыттағы шығармашылық сипатқа ие бола отырып, жаңа білімді іздену арқылы тәжірибеде қолдана білуде ықпал етуде, мұндағы басты міндет - баланың жалпы және өзіне ғана тән қабілеттерінің даму мүмкіндігі мен білім, білік, дағдыларын қалыптастыру және қолдану. Жеке тұлғаға арналған бағдарлама барысында білім беру жүйесінде шығармашыл, техникада, экономика мен басқаруда жаңа жолдар мен әдістерді таба білетін батыл да жаңашыл, ақыл - ойы дамыған адамдарды даярлауды талап етеді. Сондықтан оқу процесін жетілдіру оқушылардың танымдық белсенділігі мен іздемпаздығын арттыруға негізделген. Мұғалім оқушының пәнге деген қызығушылығын туғызуда басты роль атқарады. Біріншіден, оқушының мүддесіне сай жеке тұлғалық, өзіндік қызметін қалыптастырады, бұл істің келешектегі мәнін түсіндіріп береді. Сонымен бірге мұғалім жаңа мәселелерді шешетін қызмет мәнін жаңартып оқушы тұлғасының білімінің артуына септігін тигізеді. Әр сабақ тиімді өту үшін, сабаққа дайындалу барысында әр сынып оқушыларының ерекшеліктерін есепке алу қажет. Әр сабақты жақсы өткізу үшін мүмкіндік беретін ережелерді есте сақтап, оның орындалуын қадағалап отыру керек. Бұл ережелер:
1. Сабақтың тақырыптағы орнын анықтау, сабақтың жалпы міндетін білу.
2. Сабақ тақырыбына қатысты үш түрлі, ғылыми, ғылыми - көпшілік, әдістемелік кітаптарды таңдап алу, олардың мазмұнымен танысу.
3. Оқу бағдарламасын қарап шығу, түсіндірме хатты қайта оқып, берілген тақырып бойынша стандарт талаптарын анықтау.
4. Оқулық материалын еске түсіру, тірек білім, білік, дағдыны бөліп алу.
5. Сабақ міндеттерін нақтылау, басты міндеттерді бөліп алу, оны оқушыларға түсінікті, олар қабылдай алатындай етіп тұжырымдап жоспарға жазу.
6. Сабақта оқушы нені түсіну керек, нені есте сақтау керек, нені біліп, сабақтан нені үйренуі керектігін анықтау.
7. Оқушыларға оқу материалын қандай көлемде, қандай мөлшерде баяндау керек, жетекші идеяларды дәлелдейтін қандай қызықты деректерді келтіруге болатынын анықтау.
8. Оқушылардың жас ерекшеліктеріне қарай жеке бастарының психологиясын жете біліп, әр оқушының жүрегіне жол таба білу.
9. Әр сабақты өз дәрежесіне жеткізу.
Әр оқушыға жеке тұлға ретінде қарау үшін келесі ой - пікірлерге назар аудару қажет:
- жеке тұлға бұл білімнің мақсаты;
- білім деңгейі орташа оқушы жоқ;
- кемшіліктерге шыдамдылық;
- қатеге құқықты;
- тиым салмай, бағыттау; бұйрық бермей, ұйымдастыру; шектемей, өз шешімін қабылдай білу;
- мектепте оқу оқушыға мереке болу үшін оны жетістікке жеткізу, әр уақытта оқушының табысын жариялап отыру.
Қоғамның әлеуметтік және ғылыми - техникалық прогресі жылдамдап отырған заманда адамның интеллектуалдық еңбек үлесі өседі және білім деңгейінде, шығармашылық даралығына қойылатын талап жоғарылайды. Мектептегі кәсіптік бағдар - білім алушының кәсіптік қызығушылықтарына жеке қабілеттері мен психикалық - физиологиялық ерекшеліктеріне сәйкес білім беру және кәсіптік мүмкіндіктер саласында мамандық пен оқитын орнын еркін және сапалы құқықтарын іске асыруына ақпараттар мен консультациялық көмек беру. Мемлекеттің негізгі стратегиялық басылымдықтарының бірі - бәсекеге қабілетті мамандар даярлау. Тұлғаның бәсекеге қабілеттілігі интегративті параметрлерімен сипатталады: қабілеттер - мақсаттың нақтылығы мен құндылық бағдарлар, іске деген шығармашылық қарым - қатынас, психологиялық төзімділік, икемділік, тәуелсіздік, мінез еңбек сүйгіштік, үздіксіз өзін - өзі дамыту мен әрдайым кәсіби өсуіне талпынушылық. Тұлғаның қонымды, тұрақты қасиеттерін тәрбиелеу, қабілеттері мен бейімділіктерін белгілі бір кәсіп саласына икемдеу - мектеп мұғалімінің міндеті.
Қазіргі таңда Абай мектебі сол жаратылыстану-математикалық бағытта жұмыс жасайды. Мектебімізде 10 сыныптар бойынша сынып саны- 3, онда - 67 оқушы, 11 сыныптарда сынып саны 3, онда- -60 оқушы жаратылыстану-математикалық бағытын таңдап отыр. Келесі оқу жылынан бастап 9 сыныптардан да оқушыларды алдын-ала бейіндеу мақсатында тест жұмыстары, әртүрлі психологиялық сауалнамалар алынып жұмыстар жүргізілетін болады.
Мектеп директоры басшылығымен бейінді оқыту жөніндегі орынбасары,тәрбие ісі жөніндегі орынбасары,әлеуметтік-педагог,әдістемелік бірлестік жетекшілері,сынып жетекшісі, пән мұғалімдері,мектеп психологы, педагог- ұйымдастырушы, кітапханашы, мектептегі медицина қызметкері барлығы бірлесе жұмыс жасауымыз керек деп ойлаймын.Оған төмендегідей қызметтер мен міндеттерді бөліп беруді ұсынамын:

Бейінді оқыту мен бейінді оқытуға дайындықтың мектеп жұмысының
тәжирибесіне енгізу бойынша Абай атындағы орта мектебі мемлекеттік мекемесінің
білім беру процесіне қатысушылардың қызметтері, міндеттері.

Мектеп директоры
1. Мектеп директоры оқу процесінің жалпы басқарылуын жүзеге асырады.
2. Мектепте бейіндік оқыту мен дайындықтың нормативті-құқықтық базасын
қамтамасыз ететін заң актілерінің жоспарын ұйымдастырады және бекітеді.
1. Осы бағыталған қызмет бойынша оқу процесіне қатысушылардың міндеттерін анықтайды.
2. Педагогикалық кеңестің отырыстары мен басқосуларын өткізеді.
3. Жұмыстың берілген бағыты бойынша педагогикалық ұжымының жұмыстарын бақылауды жүзегеге асырады.
4. Білім беру жаңа жүйесі бойынша мұғалімдерге жағдай жасайды.

Бейіндік оқыту бойынша мектеп-директорының орынбасары
1. Мектепте бейіндік оқыту мен дайындықтың нормативтік-құқықтық базаын қамтамасыз ететін заң актілерін жоспарлауға қатысады.
2. Бейіндік оқыту мен дайындық бойынша педагогикалық ұжымының жұмысын
ұйымдастыру, жүзегеге асыру, мектеп жұмысының тәжиребесіне енгізу
жұмыстарына жауапты болып саналады.
3. Педагогикалық ұжымға мектеп жұмысын ұйымдастыру деңгейі мен сапаның көтерілуіне кепілдік беретін шаралар туралы ақпарат береді.
4. Мектеп директорымен бірлесе отырып жұмыстың берілген бағыты бойынша ұжым жұмысын ұйымдастыру мақсатымен педагогикалық кеңестің отырыстары мен бірлестіктерін өткізу.
5. Директормен бірлесе отырып оқушылардың бейіндік оқуды тәжірибеге енгізу бойынша міндеттерін анықтайды.
6. Директормен бірлесе отырып жұмыстың берілген бағыты бойынша педагогикалық ұжымның жұмысын бақылауын жүзегеге асырады.
7. Оқушылардың пәндер бойынша сабақ кезіндегі және сабақтан тыс уақыттағы жұмыстырын мадақтау жүйесінің жоспарын ұйымдастыру.
8. Таңдаған курс бойынша бейінді оқытатын кластар мен бейінді оқуға дайындайтын класс оқушыларының оқыту нәтижелерін бақылауды іске асыру.
9. Мектеп жұмысын бақылайды және ұйымдастырады.
10. Оқушылардың бейінді оқуты мен бейінді оқытуға дайындық бойынша ақпараттың және қорытынды шараларды ұйымдастырады.
11. Мұғалімдердің мектепшілік командасын ұйымдастырады.
12. Мектепте бейінді оқыту мен дайындықтың нормативтік-құқықтық базасын қамтамасыз ететін заң актілерін дайындауға қатысады.
13. ШТО-да оқитындардың оқуын бақылайды.
14. Таңдау бойынша курстар мен қолданбалы курстардың кестесін құрады.
15. Мектепте бейінді оқыту мен дайындықтың бойынша оқитындардың білім беру процесінің жүзеге асырылуы үшін қажетті жағдайларды қамтамасыз етеді.
16. Қоғамдық-гуманитарлық және жаратыластану-математикалық бағыттағы кластардың бейінді оқытудың мазмұнын?
17. Пәндер бойынша сабақтағы және сабақтарын тыс жұмыстары үшін оқушыларды мадақтау жүйесін енгізеді және дайындайды.
18. Мектепте тыс ұйымдармен бірлескен жұмысты ұйымдастырады, мектептің, ата-аналардың, құқық қорғау органдарының, қоғамның өзара іс-әрекетін реттейді.
19. Аудандық деңгейдегі білім беруде өткізілетін іс-шаралар туралы педагогикалық ұжымдарды ақпараттандырады
20. Бейінді оқыту мен дайындықты ендіру бойынша шараларды жүзеге асыратын мұғалімдер жұмысына қатысады.

Тәрбие ісі жөніндегі мектеп директорының орынбасары.
Мектептегі бейінді оқыту мен бейінді оқытуға дайындықтың нормативті-
құқықтық базасын қамтамасыз ететін заң актілерін дайындауға қатысады.
1. Оқушылардың кәсіби өзін анықтауы бойынша сынып жетекшілердің іс-әрекетін ұйымдастырылуын жүзеге асырады.
2. Мектепте тыс ұйымдармен бірлескен жұмысты ұйымдастырады, мектептің, ата-аналардаң, құқық қоғау органдарының , қоғамның өзара әрекеттесуін реттейді.
3. Аудандық деңгейдегі білім беру шеңберінде өткізілетін іс-шаралар жөнінде педагогикалық кеңесті ақпараттандырады.
4. Мектептік қоғамдық жұмыстарына белсенді қатысқан оқушыларды мадақтау жүйесінің жоспарын құрады және ендіреді.
5. Бейінді оқытуды ендіру бойынша жұмыс жасайтын мұғалімдер жұмысына қатысады.

Әлеуметтік -педагог
1. Мектепте бейінді оқыту мен дайындықтың нормативтік-құқықтық базасын
қамтамасыз ететін заң актілерін дайындауға қатысады
2. Әлеуметтік тәжірибе үшін орын іздеуге үйренушілердің іс-әрекетін реттейді.
3. Кәсіби өзін-өзі анықтауда әлеуметтік жағдайы төмен отбасыдан шыққан оқушылар мен қамқорлыққа алынған оқушыларға көмекті жүзеге асырады.
4. Қиын балалардың еңбек ету мониторингін жүзеге асырады.
5. Алдағы уақытта өздерінің кәсіби анықтаулар мақсатында оқушылар мен мұғалімдер, оқушылар мен қосымша білім берудің мұғалімдерімен, оқушылармен социумның өкілдерімен арасындағы қатынасты жүзеге асырады.
6. Бейінді оқытуды енгізу бойынша шараларды қамтамасыз ететін мұғалімдердің жұмысына қатысады.

Мектепшілік әдістемелік бірлестіктің жетекшісі
1. Мектепте бейінді оқыту мен дайындықтың нормативтік-құқықтық базасын
қамтамасыз ететін заң актілерін дайындауға қатысады.
2. Жұмыстың берілген бағыты бойынша әдістемелік бірлестіктің мүшелерінің-мұғалімдердің әрәкетін реттеу.
3. Таңдау бойынша, қолданбалы курстардың бағдарламаларын құрастыруда және таңдауда мұғалімдерге әдістемелік көмекті жүзеге асырады
4. Білім кеңестігінде және пән бойынша оқушылардың ғылыми-практикалық конференцияларын ұйымдастырады.
5. Аудандық деңгейдегі білім беруде өткізілетін шаралар жөнінде педагогикалық ұнамды ақпараттандыруды ұйымдастырады.
6. Пән бойынша сабақта және сабақтан тыс әрекеті үшін оқушыларды мадақтау жүйесінің жоспарын құру және енгізу.
7. Бейінді оқытуды енгізу бойынша шараларды қамтамасыз ететін мұғалімдердің жұмысына қатысады.

Сынып жетекші
1. Мектепте бейінді оқыту мен дайындықтың нормативтік-құқықтық базасын қамтамасыз ететін заң актілерін дайындауға қатысады.
2. Портфолио құрастыруда және кәсіби өзін анықтауда қатысушыларға көмек көрсетеді.
3. Оқушылар және олардың ата-анасымен жұмыс жүргізеді.
4. Оқушылардың алдағы уақытта өздерінің кәсіби анықтау мүмкіншіліктері жөнінде ақпарат алуға көмек береді.
5. Оқушылар мен мұғалімдердің, оқушылар мен қосымша білім берудің мұғалімдерімен және социумның өкілдерімен арасындағы қарым-қатынасты жүзеге асырады.
6. Түлектің қорытынды құжаттарының толтырылуына жауапкершілік артады.
7. Бейінді оқытуды енгізу бойынша шараларды қамтамасыз ететін мұғалімдердің жұмысына қатысады.

Мұғалім- пән бойынша
1. <<Мемлекеттік Білім беру Стандарты>> және <<Білім берудің 12- жылдық
концепциясы мен сабақ берілетін пән бойынша оқушылардың тәрбиесі
мен оқытылуы жүзеге асырылады.
2. Оқушының әлеуметтенуіне және оның кәсіптік бағытталуының қалыптасуына септігін тигізеді.
3. Оқушының жекелеген қабілеттерінің дамуына анықтайды және оған әсер етеді.
4. Таңдау бойынша, қолданбалы курстардың бағдарламаларын жоспарлауда және оларды жүзеге асыру үшін жауапкершілік артады.
5. Оқыту мен тәрбие берудің әр түрлі әдіс-тәсілдерін, формаларын қолдану.
6. Өз пәні арқылы жұмысты жүзеге асырады.
7. Бейінді оқытуды енгізу бойынша шараларды қамтамасыз ететін мұғалімдердің жұмысына қатысады

Психолог
Мектепте бейінді оқыту мен дайындықтың нормативтік-құқықтық базасын қамтамасыз ететін заң актілерін дайындауға қатысады.
1. Бейінді оқытудың дайындық процесін психологиялық тұрғысынан көмекті жүзеге асырады.
2. Оқушылардың және олардың ата-аналарының сұранысы бойынша жекелеген психодиагностика жүргізеді.
3. Тұлғаның кәсіптік бағытталған жекелеген диагностикасын жүргізеді
4. Бейінді оқытуды енгізу бойынша шараларды қамтамасыз ететін мұғалімдердің жұмысына қатысады

Педагог- ұйымдастырушы
Оқушылардың әр түрлі бағыт бойынша түрлі қызығушылық категорияларын
танытатын өзін-өзі басқаратын органдардың жұмысын жоспарлайды және ұйымдастырады.
2. Сабақтан тыс жұмыс үшін оқушылардың марапаттау жүйесін жүзеге асырады.
3. Бейінді оқытуды енгізу бойынша шараларды қамтамасыз ететін мұғалімдердің жұмысына қатысады.
Кітапханашы
1 Таңдаулы және қолданбалы курстар шеңберінде орындалатын оқушылардың шығармашылық жұмыстарын және мәнжазбаларды дайындауға әдебиетті таңдауда көмекті жүзеге асырады.
2. Бейінді оқытуды енгізу бойынша шараларды қамтамасыз ететін мұғалімдердің жұмысына қатысады.
Мектептің медициналық қызметкері
1. Оқушыларды тексерістен өткізуді жүзеге асырады.
2. Медициналық тексерістің қорытындысы бойынша оқушыларға және олардың
ата-аналарына кеңес береді.
3. Қосымша білім алуға өткізілуін жүзеге асырады.

Директордың бейінді оқыту жөніндегі орынбасары: С. Тлеков