Табиғатқа экскурсия жасау

Сабақтың тақырыбы: Сөйлем.
Сабақтың мақсаты:
1. Білімділік мақсаты: Сөйлем және оның түрлері, сөз тіркестері туралы алған білімдерін қайталау
2. Дамытушылық мақсаты: Табиғатқа экскурсия жасау арқылы оқушылардың ой - өрістерін, сөздік қорын, дүние танымдарын кеңейту, шығармашылық, іскерлік қабілеттерінің белсенділігін дамыту арқылы, топпен жұмыс істеуге баулу.
3. Тәрбиелік мақсаты: Оқушыларды сауаттылыққа, бір - бірін сыйлауға, туған жер табиғатын сүйіп аялауға тәрбиелеу.

Сабақтың түрі: Дәстүрлі емес. Қайталау сабағы
Сабақтың әдістері: Сұрақ - жауап, топпен жұмыс, көрнекілік әдісі, 5 жолды өлең, әр қалыпты жазу.
Көрнекілігі: Интерактивті тақта, үлестірме қағаздар
Пәнаралық байланыс: Ана тілі, дүниетану, математика, өзін - өзі тану

Сабақтың барысы: І Ұйымдастыру кезеңі
Сабаққа психологиялық дайындық
Бақыт, бақыт
Бақыт менде, бақыт сенде.
Бақыт барлық жерде.
Тыныштық, тыныштық
Тыныштық менде, тыныштық сенде
Тыныштық барлық жерде.
Бейбітшілік, бейбітшілік
Бейбітшілік менде, бейбітшілік сенде.
Бейбітшілік барлық жерде болсын!

ІІ. Өткенді қайталау.
Қызығушылықты ояту. Сабақтың тақырыбы мен мақсаты айтылады.
1. Үй жұмысын тексеру.
2. Ауызша жұмыс
- Қазақ алфавитінде неше әріп бар? Неше дыбыс?
- Дауыссыз дыбыстар қалай бөлінеді?
- Дауысты дыбыстар қалай бөлінеді?
- Сөйлем дегеніміз не?
- Сөз тіркесі дегеніміз не?
3. Үлгі бойынша сөз тіркестерін құрау.
4. Дәптерді ашып бүгінгі күнді жазу
Көркем жазу минуты: Т, У әріптерін жазу
4. Асан қайғы туралы аңыз.
Ерте заманда жалпақ далада данышпан Асан қайғы деген кісі болыпты. Ол әлемді өзінің сенімді арғымағымен аралаған екен. Ұзақ аялдаған жері сирек болыпты. Өйткені ол Жерұйықты іздеген еді. Жер бетіндегі жайлы қонысты адамдар табиғатпен толық үйлесім тауып нулы өлкені іздестіріп жүрген болатын...
Ендеше біз де бүгінгі сабағымызды ерекше өткізу үшін табиғатқа экскурсия жасайық.
5. Слайд. Табиғатқа экскурсия жасау.
6. Жұмбақ шешу
Қанатсыз құс маңып барады,
Көзінен жасы тамып барады. (Бұлт)
7. Слайд. Тапсырмалар орындау
Топпен жұмыс
І топ Бұлт және аспан сөздеріне фонетикалық талдау жасау
ІІ топ. Жұмбақтан сөз тіркестерін тауып жазу.
ІІІ топ. Бұлт сөзімен жайылма сөйлемдер құрастыру.
8. Слайд. Орманның суреті
- Ормандар Еліміздің қай аймақтарында орналасқан?
Оқулықпен жұмыс 138 - жаттығу
Мәтіндегі сөйлемдерді айтылу мақсатына қарай ажырату.
Қарамен жазылған сөйлемдерді көшіріп жазу.
Орман туралы Математикалық тапсырма есеп шығару.
Мақал - мәтел: Бір тал кессең, он тал ек.
9. Слайд <<Су бар жерде - тіршілік бар>> - дегендей көлді аймаққа саяхатымызды жалғастырайық.
Топпен жұмыс
І топ. Өзен - тұщы судың көзі. (Морфологиялық талдау)
ІІ топ. Ел өзен жағасына қоныстанады. (Синтаксистік талдау)
ІІ топ. Каспий - еліміздің ең үлкен көлі. (Сөйлемдегі сөздердің байланысын тап)
Суға байланысты тыйым сөздер: Суға түкірме, Суды адамға шашпа, Кірдің суын көлге төкпе
10. Слайд. Жазық алқап далаға экскурсия жасау.
Еліміздің көптеген жерлерін жазық дала алып жатыр.
- Даланың табиғаты қандай әсем!
Поэзия минуты: Оқушылар табиғат туралы білетін өлеңдерін айтады.
- Ал енді өзіміз 5 жолды өлең құрастырайық

Сергіту сәті:
11. Слайд. Таулы аймаққа саяхат
Еліміздің бестен бір бөлігін таулар алып жатыр. Ендеше тауға экскурсия жасайық. - Таудың табиғаты немен ерекше?

Шығармашылық тапсырма: Әр қалыпты жазу
І топ: Өтініш
ІІ топ. Хабарландыру
ІІІ топ Тілек

Ғасырлар даналығы: Биік тау алыстан көрінеді
Шыңға өрлеген шығады.
Сабақты қорытындылау: Рефлексия Не білдік? Не істедік?
Бағалау Балаларды мадақтау. Балалар бағалау парағын толтырады.
Үйге: Эссе жазу