Қысқы серуендегі құстарды бақылау және оларға қамқорлық жасау: балабақшаға арналған тәрбие-танымдық іс-әрекет жоспары

Қысқы серуен кезіндегі бақылау.

« Қыстап қалған құстар»

Серуендегі бақылаудың мақсаты : Қыстағы айналадағы ерекшеліктерді бақылату, қойылған сұраққа жауапты толық беруге дағдыландыру. Қыстап қалған құстарға қамқорлық жасауға, оларды баптап күте білуге тәрбиелеу. Ойлау қабілетін, сөйлеу мәдениетін дамыту.

Балаларға сұрақ қою:

Балалар, жылдың қай мезгілі? Кім айтады?

Қыстың ерекшеліктерін айтып кету( балалардың жауабы)

Қане, тыңдйықшы, құстардың дыбысы шығады ма екен? ( үнсіздік)

Құстардың барлығы қайда кеткен?

Неге жылы жаққа ұшып кетеді?

Қыстап қалған қандай құстарды білеміз?

Олар неге ұшып кетпеген? Себебі ол құстар қысқа төзімді. Торғай, қарға, сауысқан, кептер балаларға осы құстар туралы тақпақтар айтқызу. Балалар, өткенде біз тіл дамыту сабағынан « қайтпай қалған қарлығаш» деген әңгімені оқыдық. Асан деген бала қарлығашқа қандай қамқорлық жасады?( қанатының сынығын байлап, қыстай үйде жем, су беріп ұстады) . Біздер де құстарға тоңып қалмас үшін ұялар жасадық, күнде серуенге шыққанда жем саламыз. Қане бәріміз жем шашайық

(жемсауыттарға жем, нан қиқымын салдырту) . Ағашқа жемсауытты ілгіздіру. Торғайларға ұқсап секіріп алайық. Қарғаларға ұқсап адымдап жүрейік.

Жылы жаққа ұшпайтын,

Біздің жаққа қыстайтын

Құстар жүрсе жуықта

Жем шашуды ұмытпа.

Құстарды біз атпаймыз

Қыста жемдеп баптаймыз.

Қамқор болып бәріне,

Қорғау заңын сақтаймыз.

Қане, балалар енді ағаштардың түбіне қар үйіп, біраз еңбекпен шұғылданайық. Неліктен ағаштардың түбіне қар үйіп қоямыз, себебі ағаштың діңі, тамыры аязға тоңбау үшін. Жарайсыңдар, балалар, енді келіңдер ойын ойнайық. « Ұядағы қарғалар» ойынын ойнату. Ойынымызы жалғастырамыз.

( өз бетінше) .

Ұқсас жұмыстар

Жабайы аңдар: бала-бақшадағы оқу-танымдық іс-әрекет

Балабақшаға арналған тіл дамыту сабағы: Қысқы киімдер

Көлік түрлері: балабақшаға арналған ұйымдастырылған оқу-тәрбие іс-әрекеті

Түрлі түсті әуе шарлары - мектепке дейінгі шығармашылық және танымдық іс-әрекет жоспары

Қысқы киімдер тақырыбы бойынша тіл дамыту және танымдық-шығармашылық сабақ жоспары

Бейнелеу өнері: Құстарды мүсіндеу және экологиялық тәрбие (ашық сабақ)

Тәрбие әдістері мен тәсілдері: сана қалыптастыру, іс-әрекет ұйымдастыру және педагогикалық қолдау

Ортақ іс табысы: қиянат жасамау, қамқорлық және бірлік туралы 4-сынып тәрбие сабағы

Балабақшада экология негіздері: Құстарды аялайық тәрбие сағаты

2-сәбилер тобына арналған Құстарға қамқорлық: табиғаттағы еңбек пен тәрбие жоспары