Паскаль программалау тілінде енгізу операторын ата

1 топқа сұрақтар:
1) Шаманың (санның) жүзден бір (1100) бөлігі? (1%)
2) Ақпараттың өлшем бірлігі (бит, байт )
3) Столда 3 пицца жатыр, сен солардың екеуін алдың сонда сенің қолыңда қанша пицца қалды? (2 Дәл өзің алған екеуі)
4) Күш бірлігі не деп аталады? ( Ньютон )
5) Компьютердің миы (Процессор)
6) Трапецияның ауданын қалай табамыз? (STP=a+b2∙h)
7) Дене өзінің көлемін және пішінін сақтайды, сонда бұл дене құралған зат қандай күде болады? ( қатты )
8) Дененің өз қозғалысы салдарынан болатын энергияны не деп атайды? (кинетикалық энергия )
9) Қандай сандар 2-ге бөлінеді? (Жазылуы жұп цифрмен аяқталатын натурал сандар 2-ге бөлінеді)
10) Мәліметтер енгізу пернесі (Enter)
11) Паскал программалау тілі қай жылы пайда болды? (1968-1971 жылдары)
12) Қандай фигура төртбұрыш деп аталады? (әрбір үшеуі бір түзуде жатпайтын төрт нүктені тізбектей қосатын қиылыспайтын төрт кесіндімен шектелген жазықтықтың бөлігінен тұратын фигура)
13) Будың сұйыққа айналу құбылысы (конденсация)
14) Қағазға басып шығару құрылғысы ( Принтер )
15) Дене өзінің көлемін сақтайды, бірақ пішінін өзгертеді. Сонда бұл дене құралған зат қандай күйде болады? (сұйық)

2 топ сұрақтары
1)Қабырғалары a және b болатын тіктөртбұрыштың ауданы неге тең? (S=a*b)
2) Дыбыс жазу құрылғысы (микрофон)
3) Дене өзінің көлемін сақтайды, бірақ пішінін өзгертеді. Сонда бұл дене құралған зат қандай күйде болады? (сұйық)
4) Паскаль программалау тілін кім ойлап шығарды? ( Швейцариялық ғалым Никлаус Вирт)
5) 50 қандай санды 2-ге тең бөледі? (100)
6) Дененің өз пішінін өзгертуі (Деформация)
7) Ток көзін ойлап тапқан ғалым (Вольта А)
8) Ақпараттық ең кіші көлем бірлігі ( бит)
9) Зат бөлшектерінің ретсіз қозғалысы салдарынан болатын жанасқан заттардың бір-біріне өзара араласуы (Диффузия)
10) Қандай натурал сандар 3-ке бөлінеді? (Цифрларының қосындысы 3-ке бөлінетін натурал сандар)
11) Нәрсенің 1/4 -і қалай аталады? (Ширек)
12) Өткізгіштің ұштарындағы токты өлшеуге арналған құрал (вольтметр)
13) Енгізу құрылғысы (пернетақта )
14) Қандай төртбұрыш <<параллелограмм>> деп аталады? (Қарама - қарсы қабырғалары қос - қостан болатын төртбұрыш)
15) Вирусты емдейтін программа (антивирус)

3 топ сұрақтары
1)Нәрсенің 12 бөлігі қалай аталады? (Жарты)
2) Тізбектегі ток күшін реттеуге арналған прибор (реостат)
3) Екілік санау жүйесінің сандары (0 және 1)
4) Бір дененің екінші дененің бетімен қозғалған кезде пайда болатын күш не деп аталады? (үйкеліс күші)
5) Қандай сандар 10-ға бөлінеді? (Жазылуы 0 цифрымен аяқталатын натурал сандар)
6) Қағаздағы кескінді компьютерге енгізуге арналған құрылғы? (сканер)
7) Жыпылықтап тұратын тік сызықша ( курсор)
8) Егіс даласында 30 қарға қонақтап отырды. Фермер соның төртеуін атып түсірді. Далада қанша қарға қалды? (Өлген 4 қарға)
9) Үшбұрыштың ауданын есептеу формуласын айт. (S=(a∙h)/2)
10) Дене массасының оның көлеміне қатынасына тең физикалық шама ( тығыздық)
11) Грек тілінен аударғанда жылу және күш деген мағына беретін физика бөлімі қалай аталады? (термодинамика)
12) Паскаль тілінде программа неше бөліктен тұрады және олар қалай аталады? ( 3 бөліктен, тақырып, сипаттау бөлімі, операторлар бөлімі)
13) Қандай төртбұрыш <<ромб>> деп аталады? (Барлық қабырғалары тең параллелограмм ромб деп аталады)
14) Термометрдегі сұйықтықты не деп атайды? (сынап)
15) Компакт дискіні оқуға арналған құрылғы ( CD-ROM)

4 топ сұрақтары
1)Қандай натурал сандар 9-ға бөлінеді? (Цифрларының қосындысы 9-ға бөлінетін натурал сандар)
2) Адамның денсаулыққа зиянды компьютер құрылғысы (монитор)
3) Атмосфералық қысымды өлшеу үшін қандай металл барометр қолданылады? (анероид)
4) Қандай төртбұрыш <<квадрат>> деп аталады? (Барлық қабырғалары тең тіктөртбұрыш)
5) Пифагор теоремасын тұжырымдап айт. (Катеттердің квадраттарының қосындысы гипотенузаның квадратына тең)
6) Паскаль программалау тілінде енгізу операторын ата? (Read, Readln)
7) Қандай бөлшек дұрыс бөлшек деп аталады? (Алымы бөлімінен кіші бөлшек)
8) Сұйық немесе газдағы дененің кері итеруші күші не деп аталады? (Архимед күші)
9) Ағылшын физигі және матиматигі. Ол денелер қозғалысының негізгі заңдарын және тартылыс заңын ашқан (Исаак Ньютон)
10) Бір адамның 14 түйесі бар екен, соның үшеуінен басқасының бәрі өліп қалыпты. Қанша қалды? (3)
11) Пернетақтадағы өшіру пернелерін ата (Delete, Backspace)
12) Сұйықтың ішіндегі өте ұсақ қатты бөлшектердің қозғалысын не деп атайды ( Мысал айту - Броундық қозғалыс)
13) Информатика кабинетінде жұмыс ережесі қалай аталады? (Қауіпсіздік ережесі)
14) Заттың қатты күйден сұйық күйге ауысуы (балқу)
15) ДК құрамына кіретін негізгіқұрылғыларды атап шық (Жүйелік блок, монитор, пернетеқта, тышқан)

5 топ сұрақтар
1) Қандай сандар 5 ке бөлінеді? (Жазылуы 0 немесе 5 цифрымен аяқталатын натурал сандар 5-ке бөлінеді)
2) Паскаль программалау тілінде шығару операторын ата? (Write, Writeln)
3) Квадрат (шаршының) ауданының формуласы? (S=a2)
4) Қандай бөлшектер аликвоттық бөлшектер деп аталады? (Алымы 1-ге тең)
5) Массасы 1 кг отын толық жанғанда бөлінетін жылу мөлшерін көрсететін физикалық шама (отынның меншікті жану жылуы)
6) Ақпаратты тасымалдау құралдарын ата (Компакт-диск, дискета, флэшка)
7) Атом құрылысы және құрамын зерттеу жөнінде тәжірибелер жасаған ағылшын ғалымы (Резерфорд)
8) 1 байт неше бит бар? (8 бит)
9) Спутник немесе планетаның қозғалыс траекториясы, әдетте шеңбер немесе овал түрінде болады (орбита)
10) Компьютер дегеніміз не? (Ақпараттық процестерді өңдеуге арналған құрал)
11) Ядро құрамындағы оң зарядты бөлшектер (протондар)
12) Бір адам дөңгелек саябақтың маңында тұрады. Саябақты сағат тілінің бағытымен айналып өту үшін оған 80 минут уақыт керек, ал енді ол саябақты сағат тілінің бағытына қарсы айналып өтетін болса, 1 сағат 20 минут жұмсайды екен. Неге? (Өйткені 1 сағат 20 минут дегеніміз 80 минут болады)
13) Атом ядросындағы бейтарап бөлшек (нейтрон)
14) 1. Пернетақтадағы цифрларды енгізу пернесі қалай аталады? ( Num Lock)
15) Трапецияның анықтамасын айт. (Екі қабырғасы ғана параллель болатын дөңес төртбұрыш трапеция деп атайды)