8-сынып информатика сабағы: Word мәтіндік редакторының мәні, мәзірі, құралдар тақтасы және режимдері

Шығыс Қазақстан облысы

Күршім ауданы, Күршім ауылы

№3 Күршім гимназиясы

Информатика пәні мұғалімі

Кусманова Альмира Кадырханкызы

2012ж.

Сынып: 8

Сабақтың тақырыбы: Word мәтіндік редакторы: мәні, мәзір, құралдар тақтасы, режимдер.

Сабақтың мақсаты:

Білімділік: оқушыларды Word мәтіндік редакторы туралы түсінік қалыптастырып, редактордың мәні мен мәзірі, сонымен қатар құралдар тақтасының құрылымы жайлы білім беру.

Дамытушылық: сабаққа қызығушылықтарын арттыра отырып, есте сақтау қабілеттерін дамыту.

Тәрбиелік: оқушыларды жауапкершілікке, ұқыптылыққа, жолдастарын тыңдай білуге тәрбиелеу.

Сабақтың түрі: аралас.

Сабақтың типі: жаңа сабақты меңгерту.

Сабақта қолданылатын көрнекіліктер: интерактивті тақта, компьютер, оқулық, презентация, Word мәтіндік редакторы.

Сабақта қолданылатын технология: ақпараттық-коммуникациялық технология элементтері, деңгейлеп оқыту технологиясының элементтері.

Сабақтың жоспары:

Ұйымдастыру.
Жаңа сабақты меңгерту.
Жаңа сабақты бекіту.
Бағалау.
Үйге тапсырма беру.
Сабақты қорытындылау.

САБАҚТЫҢ БАРЫСЫ:

І. Ұйымдастыру.

1. 1 Оқушылармен сәлемдесу.

1. 2 Сыныптың сабаққа дайындығын бақылау.

1. 3 Оқушыларды түгендеу.

1. 4 Оқушыларды сабаққа жұмылдыру.

ІІ. Жаңа сабақты меңгерту (презентация арқылы баяндау, түсіндіру) .

2. 1 Word мәтіндік редакторы.

Microsoft Word бағдарламасы - бұл мәтіндік құжаттарды әзірлеуге, қарап шығуға, түрлендіруге және басып шығаруға арналған Microsoft Office қосымшасы. Басқаша айтар болсақ, Microsoft Word - бұл мәтіндерді енгізуге, түзетуге, пішімдеуге және басып шығаруға мүмкіндік беретін мәтіндік процессор. Сонымен қатар, бұл бағдарлама мәтіндік құжатқа суреттерді, диаграммаларды, кестелерді кірістіруге, орфографиялық және грамматикалық қателерді түзетуге және басқа да көптеген амалдарды орындауға мүмкіндік береді.

Бағдарламаны бірнеше тәсілмен іске қосуға болады:

Егер Сіздің компьютеріңізде Microsoft Office 2003 және одан бұрынғы нұсқалар орнатылған болса, Word қосымшасын былайша іске қосасыз:

Бастау - Бағдарламалар - Microsoft Office - Microsoft Word. Егер сіздің компьютеріңізде Microsoft Office соңғы нұсқасы орнатылған болса, онда Word-ты былайша табуға болады:

Бастау - Бағдарламалар - Microsoft Office.

Microsoft Word бағдарламасының терезесі (6. 1-сурет) мынадай негізгі элементтерден тұрады:

Тақырып жолағы - онда терезені басқару батырмалары және құжаттың атауы орналасады.

Мәзір жолағы. Мәзірдің әрбір тармағы бір типтес әмірлер тобынан құралады:

«Стандартты» құралдар үстелі - Жаңа, Сақтау, Ашу, Басып шығару, Көшіру, Қою сияқты негізгі стандартты әмірлерді қамтиды.

«Пішімдеу» құралдар үстелі - мәтін үшін талап етілетін параметрлерді және оның құжаттағы орнын (туралауды) белгілеуге арналған.

Сызғыш - құжаттың өрістерін және өрістерден шегінуді белгілеуге мүмкіндік береді. Көлденең сызғыш құжаттың оң жақтағы және сол жақтағы өрістері мен шегіністерін белгілейді. Тік сызғыш үстіңгі және төменгі өрістерді белгілейді. Шегініске мысал:

Тапсырмалар аймағы - пайдаланушы таңдауы бойынша орындала алатын құжаттың ағымдағы тапсырмаларын көрсетеді.

Айналдыру жолақтары - құжат ішінде қозғалып жүруге мүмкіндік береді.

Күй жолағы - құжаттың ағымдағы бетінің нөмірін, бөлім нөмірін, беттер санын және т. б. көрсетеді.

Әдепкіде құжат бет сызбасы режімінде көрініс табады, бұл жағдайда мәтінді беттерге бөлу автоматты түрде жүргізіледі. Біз құжат режімін мәзір жолағының Көрініс тармағындағы әмірлердің бірін таңдап өзгерте аламыз: Қалыпты - бет үзілімі жіңішке үзік сызықпен көрінеді немесе Толық бейне бетке - бұл ретте құжат толық бейне бетте көрінеді.

Құжаттарды әзірлеу тәсілдері

Microsoft Word ашық терезесінде жаңа құжат жасу үшін мына әрекеттердің бірін орындау қажет:

1. Стандартты құралдар үстеліндегі Жаңа батырмасын шерту.

2. Пернетақтада <Ctrl+N> пернелер тіркесімін басу.

3. Файл мәзірінің Жаңа әмірін орындау, содан кейін оң жақта қалқып шыққан Құжатты жасау үстеліндегі Жасау бөлімінде Бос құжат дегенді басу (6. 2-сурет) . Осыдан кейін жұмыс істеуге дайын бос Word құжаты ашылады. Бағдарлама құжатқа Құжат1 деп атау береді, бірақ Сіз құжатты сақтау кезінде оған бірегей атау таңуыңызға болады.

Соңғы аталған тәсіл дайын үлгілерді қолдануға да мүмкіндік береді. Үлгі - бұл басқа құжаттарды жасау кезінде қолданылатын арнайы құжат. Word жинағында недәуір жиі қолданылатын құжаттар түрлеріне: түйінхаттар, есептемелер, күнтізбелер және т. б. арналған бірнеше дайын үлгі бар. Үлгілерді қолдану қалыпталған құжаттарды әзірлеуді біршама оңайлатады, бұнда Сіз жай ғана ұсынылған деректерді алмастыра аласыз (6. 3-сурет) .

Ашық тұрған Word бағдарламасында бұрыннан бар құжатты ашу үшін мына тәсілдердің бірін қолдану керек: Файл мәзірінен Ашу әмірін таңдаңыз немесе пернетақтада <Ctrl+О> пернелер тіркесімін басыңыз, бейне бетте Ашу сұхбат терезесі пайда болады (6. 4-сурет) .

Ұқсас жұмыстар

Microsoft Word мәтіндік редакторы: мәні, мәзірі, құралдар тақтасы және құжат көрініс режимдері

MS Word мәтіндік редакторының мәні, мәзірі, құралдар тақтасы мен жұмыс кезеңдері

8-сынып информатикасы: MS Word мәтіндік редакторының сабақ жоспары

8-сынып: MS Word 2007 мәтіндік редакторының графикалық мүмкіндіктері - практикалық сабақ

8-сынып информатика сабағы: Microsoft Word мәтіндік процессорының графикалық мүмкіндіктері

Word мәтіндік редакторының графикалық мүмкіндіктері

MS Word мәтіндік редакторы: маңызы, мәзірі, құрал-саймандары және жұмыс кезеңдері

7-сынып информатика: WordPad мәтіндік редакторының қосымша мүмкіндіктері

8-сынып информатика пәні: MS Word мәтіндік редакторы бойынша технологиялық карта

5 «Б» сынып информатикасы: Құралдар тақтасы мен түстер палитрасы, Операциялық жүйелер және MS Word бойынша сабақ жоспары

Пәндер