Оқу шеберханасындағы қауіпсіздік ережелері

Оқушы-

Арнайы киімі жинақы болуы тиіс. Шашы бас киімге жинақталған болуы тиіс.

Берілген операциялар кезегін бақылай отырып тек мұғалім тапсырған жұмыстарды орындауы тиіс.

Мұғалімнің рұқсатынсыз станоктарда жұмыс істемеуі тиіс.

Тек жарамды аспаптармен жұмыс істеп, өз орнымен қолдануы тиіс.

Жұмыс орнынан жанқа мен ұнтақтарды арнайы щеткамен тазалауы тиіс.

Станокта жұмыс істеу кезегін бақылап, жұмыс істеушіге жақындамауы, кедергі жасамауы тиіс.

Жұмыс кезінде сөйлесіп, бөтен істермен айналыспауы тиіс.

Сабақ соңында жұмыс орның тазалап, бұйым мен аспаптарды мұғалімге өткізуі тиіс.

Барлық еңбек қауіпсіздік ережесі бұзылу және жарақат алу жағдайында тез арада мұғалімге хабарлауы тиіс.

Есіңде болсын.

Жұмыс орныңды дұрыс, таза ұста. Құрал сайман, станоктар әр уақытта таза болсын. Құралды ыңғайлы, өзіне керек жерге қой. Киіміңді, бойыңды ластамауға бейімдел.

Жабдықтар мен металл өңдеу станоктарында жұмыс істегенде мынадай ережелерді есте сақтаған жөн:

1. Жабдықтарға келетін электр сымдарының сырты резеңкемен қапталған болу керек.
2. Егер ток өтетін сымдардың кері жерлері жалаң болса, тездетіп электр мамандарына хабарлау керек.
3. Электр сайман арқылы жиі-жиі токтың корпусқа тұйықталуы болмауы, сондай-ақ жұмыс алдында ток келетін сымның дұрыстығын тексеріп отыруы керек. Электр аспабы жерге қосылуы тиіс. (Заземление) болмаған жағдайда электр станогында жұмыс жасауға тиым салынады. Қорғаушы резеңке құралдарды пайдалану алдында кемістігін тексеріп алу.
4. Құрғақ бөлмелерде кернеудің шамасы 42В-тан аспауы керек.
5. Ток соққан адамға арнайы нұсқауларға сәйкес көмек көрсетілуі қажет.
6. Адам токқа түскен жағдайда ток ажыратқыш-қосқышты дер кезінде ажырату керек. Егер жұмысшы электр желісіне жабысып қалса, оны құтқаруы үшін, тіпті электр желісін шауып тастауға да болатынын білген жөн.
7. Резеңке қолғап пен резеңке етік кию ток соғудан сақтайтынын естен шығармаған жөн.

Жұмыс алдында.

1. Жұмыс барысына арналған халат, фартук, бас киімдерді ретке келтіріп кию. Халаттың жеңіндегі түймелерді дұрыс қадау.
2. Верстактың үстінде артық заттар болмау, сабаққа керекті құрал саймандар ғана болу.
3. Жеке мүлікті тексеріп алыңыздар, мұғалім берген құрал-саймандарға еге болыңыз. Жұмыс орнында артық еш нәрсе тұрмасын.

Жұмыс барысында.

1. Верстакқа өңдеуге берілген детальды қатырып қысу керек.
2. Жарамды құрал саймандармен ғана жұмыс жасаңыз.
3. Әр амалды өзіне тиісті сайманмен атқар.
4. Ағаш сүргілеу саймандары өте жақсы даярланған болу қажет.
5. Технологиялық операциялар қосу, әрлеу, бұрғылау, жалғау, верстактың белгіленген жерлерінде орындалуы қажет.
6. Жұмыс орныңды әрдайым тазалап отыр.
7. Жұмыс кезінде әр нәрсеге алаңдама.

Жұмыстан кейін.

1. Жасап жатқан бұйымды, қалған материал қалдықтарын кезекшіге немесе мұғалімге тапсыр.
2. Жұмыс орныңды ретке келтір. Қолмен сыпыруға, ауызбен үрлеуге болмайды.
3. Верстактың қысқыштарын қысып қойыңыз.
4. Өздеріңізді ретке келтіріңіз.
5. Мұғалімнің рұқсатынсыз шықпаңыз.