Сабақтың кезеңдеріне тоқталсам

Түсініктеме хат
Бұл жұмыс жаратылыстану-ғылыми бағытанда (математика) орындалған.
Сабақтың тақырыбы <<Иррационал өрнектерді түрлендіру>> .
11 сынып оқушыларына сипаттама жасай кетсем. Сыныпта 15 оқушы бар. 5-оқушы екпінді. 1-оқушы денсаулығы туралы анықтама қағазбен оқиды. Сыныптың 60%-ы 10 сыныптан келген оқушлыр. Сынып оқушыларының бір-біріне деген қарым-қатынастары өте жақсы, кішіпейіл, түлек болып, ұшып кетулерін қимаймын.
Сабақтың кезеңдеріне тоқталсам.
1) Ұйымдастыру бөлімі:
<<Мен саған тілеймін>> тренинг арқылы сыныпта психологиялық ахуалды қалыптастыруды ұйымдастырдым. Орнымыздан тұрып << шеңбер құрып>> бір-бірімізге қарап жылы тілек айту <<Мен саған тілеймін... Жылы атмосфера орнауы.Олар бірі-біріне 11 сыныптарын жақсы бітіріп, алдағы ҰБТ-де жақсы нәтиже көрсетулеріне және қалаған мамандарына түсулеріне тілектерін айттып жатты. Олар бір-біріне тілек айтып жатқан кезде <<шеңбер>>-ге өзім кіріп оқушылардың кеуделеріне кезкелген смайлктерді қадап шықтым.Осылай смайлктің түстеріне қарай оқушылар топқа бөлініп отырды.
2) Өткен сабаққа шолу жасау және оқушылардың назарын пәнге тарту мақсатында доппен ойын ойнатылды.
Бір-біріне допты лақтыру арқылы сұрақ қойып, оған жауап береді.Соңында бүгінгі сабақтың тақырыбы айтылып, сабақтың мақсатымен таныстырылады.
3) Жаңа материалды меңгеру:
а)Жаңа материалды оқушылар топта берілген тапсырмаларды орындау арқылы өз беттерінше меңгереді.
1-топтың тапсырмасы:
Оқулықтан 1-ші және 2-ші мысалдардың шығарылу жолдарын талдау.
2-топтың тапсырмасы:
Оқулықтан 3-ші мысалдың шығарылу жолдарын қарастыру.
3-топтың тапсырмасы:
Оқудықтан 4- ші мысалдың шығарылу жолдарын қарастыру.
1-топ 2-топ 3-топ

ә) Ұжымда түсінгендерін өзге топ мүшелеріне түсіндіру: Мұнда оқушылар15 минут уақыттан соң әр топ мүшелері орындарын айырбастап, әр топтан жаңа топ құрылып, бір-біріне түсіндіреді.
Келесі тәрбіппен:

4) Сергіту сәті: Оқушылар орындарынан тұрып, шағын ойын ойнайды.
<<Тұрғын ,үй, дауыл>>. Мұнда оқушылар үш-үштен тұрады екі шеткі оқушылар үйлер, қолдарын жоғары көтеріп, үйдің шатырын жасап тұрады. Ал ортасындағы оқушы тұрғын. <<Үй, тұрғын дауыл>> сөздрі кезек-кезекпен айтылады.Сонда оқушылар орындарын айырбастап, жаңа үй, жаңа тұрғын жасайды. <<Үй>> сөзі айтылғанда екі шеткі оқушылар қозғалып, басқа оқушылармен жаңа үй құрайды. Бұл кезде тұрғындар орындарынан қозғалмайды. Үйлер жүгіріп тұрғындарға жаңа үй жасайды. <<Тұрғын>> сөзі айтылғанда үйлер қозғалмайды, тұрғындар жүгіріп, өздеріне жаңа үй таңдайды. <<Дауыл>> сөзі айтылғанда барлығы қозғалып, жаңа үй, жаңа тұрғын жасайды. Ослай ойынды екі минуттай жасауға болады. Бұл ойын оқушылардың жас ерекшеліктеріне қарамайды. Оқушыларды шапшаңдыққа, алғырлыққа баулиды. Әрі денелері шынығады.
5) Сабақты бекіту : Жаңа құрылған топ мүшелері алған мәліметтерін жинақтап, постер құрып, оны қорғайды. Оқушылар жаңа құрылған әр топты бағалау үшін <<екі- жұлдыз, бір-ұсыныс>> айтады. Бұл фронтальді бағалаудың бір түрі. Мұнда оқушылар өзге топтардың, екі жақсы жақтарымен, бір жеткіліксіз жақтары туралы өз ойларын айтады.
6) Алған білімдерін практикада қолдану үшін әр топқа екі тапсырма беріледі. Топта ақылдасып, талдап шығарады да топтан бір оқушы шығып, тақтада орындайды және қалай орындалғандығын түсіндіреді. Өзге топ мүшелері дәптерлеріне жазып алады. Оқушылардың өз жұмыстарын бағалау үшін Activote құрылғысымен тест тапсырады. Мұнда ҰБТ - де кездесетін 5-тапсырма беріледі.Тапсырманы әр оқушы жеке орындайды.Алған бағаларын күнделіктеріне қояды.
7) Сабақты қорытындылау. Рефлексия (кері байланыс).Смайлкке өз пікірлерін жазып, тақтаға ілу.
Бүгінгі сабақта:
маған ұнағаны
түсінбегенім
маған жеке көмек керек

8) Үй жұмысы: Күрделі түбірлер формуласын оқу және жазу. №111 (қосымша 109(4)-110 (4))
Оқытудың белсенді формалары:
Сабақтың көрнекілігі: Интерактивті тақта, Activote құрылғысы, плакаттар, оқулықтар.төс белгілер.
Сабақта қолданылатын әдіс, тәсілдері: Ұжымдық оқыту,топта жұмыс істеу, диалогтік оқыту, АҚТ, сыни тұрғыдан ойлау, өзін-өзі бағалау, топпен жұмыс,жеке жұмыс, сұрақ-жауап, талдау, қорыту.
Пәнаралық байланысы:Өзін-өзі тану пәні.
Интерактивті тақтада оқушылар есеп шығарады. Тест жұмыстарын орындайды.