Екеуі бала кезден дос

Тәрбие сағаты: 5 сынып.
Тақырыбы: <<Досың сенің сенім артар тірегің>>
Мақсаты: Оқушылардың достық сезімі туралы білім деңгейін кеңейту. Дос қандай болу керек және оқушыларға кімдермен дос болу керектігін тереңірек түсіндіру, олардың досқа деген талғам, танымын шыңдау.

Адамдар арасындағы достық сезімі өмірде олардың бірін-бірі қажетсінуінен, құрмет тұтуынан,шынайы тілектестік пен өзіндей көріп сенуінен,біріне-бірі тірек,медет болуынан,қам-қайғысыз кезде ғана емес,әсіресе,қиын-қыстау күндерде қасынан табылудан,риясыз,есепсіз жомарттықтан көрінеді.Қазіргідей ақ пен қара айқасқан мына заманда көптеген адамдардың дос туралы ой-пікірлері де алуан түрлі.Дос болу,достаса білу,достың сырын сақтау,қиын уақытта достың қасынан табыла білу адам баласының адамгершілік ар ұятымен байланысты екені бәрімізге аян.Олай болса осындай жағдайлардан табылмай жататын достар қаншама? Достыққа жеңіл көзқараспен қарап дос көңілін қалдыратын қанша адам бар,адал емес амал достар қанша сондықтан достықты кім қалай түсінеді.
Дос қандай болу керек? Ой бөлісу.

Достықтың екі түрі бар:
Бірі - адал достық, екіншісі - амал достық.
Адал достық - өмірлік нұсқа болады,
амал достықтың өрісі қысқа болады.
Әйтімбет.
Өсиет әңгіме.
Данышпан
Ертеде бір ақылды қария болыпты. Бір күні ақылды қарияға бір жігіт келіп:
Ақсақал, мен қандай жігітпін? Сынаңызшы, - депті. Қария жігітке:
- Жолдасыңды көрсет, сонан соң айтамын, - депті. Жігіт жолдасын қартқа жіберіпті. Қария жігіттің жолдасымен ұзақ сөйлесіп, ақырында жігіттің өзін шақырыпты. Жігіт келген соң, қария өз ойын айтады. Сол кезде жігіт:
- О қария, неге олай дейсіз? Мені бұрын көрген жоқсыз ғой? - депті. Қария күліп:
- <<Жігітті жолдасына қарап бағала>> дейді халық, - депті.

Сергіту сәті.
Балалардың денесі, ойы сергітіледі.
Балалар денелерін түзу ұстап, бастарын жоғары көтеріп, ыңғайланып отырады.
Көздерін жұмуына да болады. Ауаны терең жұтып, еркін тыныстайды, айналадағы барлық тіршілік иісі оларды аялап, қоршап, қамқор болып жатқанын сезінеді.
Тұла бойлары жақсылыққа, махаббатқа толғанын сезінуге ұмтылады. Осылайша екі минуттай отырады.

Дос - өзіңмен мақсат-мүдесі, арман тілегі, талап талғамы бір адам.

Достық - жақындастық, тілеулестік, ниеттестік, жора-жолдастық.

Достық - адамдардың бір-біріне адал, қалтқысыз сеніп, бір мүдделі, ортақ көзқараста болатын қасиеті. Достық өзара жауапкершілік пен қамқорлықтың, рухани жақындықтың белгісі.

Достықтың негізі - достардың өмірге көзқарастары мен түсініктерінің ұқсастығы, бірлігі.
Ситуациялық сұрақ:
Ақылбек пен Асылбек төртінші сыныпта оқиды. Екеуі бала кезден дос. Ақылбек сабақтан келген соң, түскі тамағын ішіп, үйдегі жұмыстарын бітіріп, ертеңгі сабағын оқып болған соң далаға ойнауға шықты. Футбол алаңына барса, Асылбек те ойнап жүр екен. Олар ұзақ футбол ойнап, үйге кеш қайтты.Асылбек:
oo - Мен ертең сабаққа бармаймын, үй тапсырмасын орындамадым. Мені ағайға ауырып қалды дей салшы, - деп өз өтінішін Ақылбекке айтты...
oo -Ақылбек егер адал дос болса, қандай жауап берер еді деп ойлайсыңдар?
Мақалды жалғастыр.
Дәйексөз:Айнымас досы бар адам, - ең бақытты адам
Үй тапсырмасы: Дәптерге "Адал достар" тақырыбында әңгіме жазып келіңдер.