Табиғат туралы кітаптарды насихаттау

<<Табиғат-тал бесігім>>
Сайыс сабақ

Мақсаты: Оқушыларды табиғатты аялауға, оны көркейтіп, қорғауға шақыру. Поэзияға
деген қызығушылығын арттыру, сөз қорын байыту. Табиғат туралы кітаптарды
насихаттау.

Көрнекілігі: Кітап көрмесі, табиғат туралы өлеңдер.

Дәйек сөз: <<Таза болса табиғат, аман болар адамзат>>

Жүргізуші: Адамзат табиғаттың ажырамас бір бөлігі. Табиғаттың тағдыры адамзаттың іс-әрекетіне байланысты. Бүкіл тыныс - тіршілігі табиғатпен етене байланыста болған, табиғат аясында көшіп - қонып жүрген ата-бабамыз табиғатты тиімді пайдалана да, қорғай да білген. Қазақ халқының төрт түлік малды өсірудегі жайылымды экологиялық жағынан сауатты пайдалануы - осының айғағы. <<Табиғат-тал бесігім>> атты іс-шарамызды бастауға рұқсат етіңіздер. Оқушыларымыз табиғат туралы не біледі екен, олардың табиғат туралы ойын, көзқарасын білу, тіл байлықтарын көбейту үшін сайыс түрінде өткізіп отырмыз. Іс-шарамыз 6а,б сыныптары арасында өтеді. Әділ қазылар алқасын сайлап алсақ.

Сайыс бөлімдері:
1. Команданың атын, эмблемасын таныстыру.
2. <<Табиғат-тал бесігің>> тақырыбына реферат жазу.
3. <<Табиғат сұлулығы>> тақырыбына сурет салу, қорғау.
Би <<Аққу>>
4. Табиғат туралы өлең оқу.
4. <<Табиғатым-тағдырым>> тақырыбына кітап көрмесін ұйымдастыру, таныстыру.
5. Табиғат туралы мақал-мәтел айтып жарысу, жұмбақ жасыру.(3 жұмбақ)

Ән <<Таң- тамаша табиғат>>

6. Шебер қолдар сайысы. Табиғат тақырыбына қол өнер бұйымын жасап келу. (моншақтан, ағаштан, жіптен, темірден, тастан т.б.)
7. Экологиялық құрылғы ойлап табу (ауа, су, табиғат тазалайтын), қағаздан, пластик бутылкадан құрастыру немесе суретін салу.
8. Викториналық сұрақтар. Әр сынып қарсылас топқа табиғат құбылыстары туралы
5 сұрақтан дайындайды.
9. Слайдтан тақырып таңдап, сол бойынша әңгіме құрастырып, айту.

Сөзді әділ қазыларға береміз.

Қорытынды: <<Табиғатым-тағдырым>>-деп қазақ атам айтқандай, адамзат денсаулығы, болашағы осы табиғатта, туған табиғатты аялайық!
Сайысқа қатысқандарыңа рахмет! Туған жер табиғатын сақтап, оны қорғауға өз үлестеріңізді қосыңыздар!