Paint сурет салу программасы

№13 ЖАЛПЫ БІЛІМ БЕРЕТІН БАСТАУЫШ МЕКТЕП МЕКЕМЕСІ

Тақырыбы: < редакторы>>

4-сынып
Информатика пән мұғалімі: Джолдасова Б.Н.

2013-2014 оқу жылы

Cабақтың тақырыбы: Paint графикалық редакторы.
Сабақтың мақсаты: 1.Білімділік: оқушыларды Paint графикалық редакторымен, редактордың терезе элементтерімен таныстыру. Paint графикалық редакторында жұмыс істеу тәртібін үйрету.
2.Дамытушылық: оқушылардың білімін кеңейтіп, компьютерде жұмыс істеу шеберлігін одан әрі шыңдау және оқушылардың өздігінен жұмыс істеуін дамыту.
3.Тәрбиелік: жауапкершілікке, өз бетімен жұмыс істеуге, жұмыс нәтижесіне жетуге, ұйымшылдыққа, жан-жақты болуға, ізденімпаздылыққа тәрбиелеу.
Сабақтың түрі: Аралас сабақ.
Сабақтың әдісі: Түсіндіру, баяндау, сұрақ-жауап, ойын әдісі.
Көрнекіліктер: ДК, мультимедиялық құралдар, тақырып бойынша дайындалған слайдтар, оқулық, жұмыс дәптері, таратпа карточкалар.
Пәнаралық байланыс: математика, бейнелеу өнері.
Сабақтың жоспары:
І. Ұйымдастыру кезеңі: 2мин
ІІ. Үй тапсырмасын тексеру 5мин
ІII. Жаңа тақырып 20мин
IV. Практикалық жұмыс 10мин
V. Сабақты бекіту 5мин
VI. Үйге тапсырма 1мин
VІІ. Бағалау. 2мин

Сабақтың өту барысы:
І. Ұйымдастыру кезеңі:
1) оқушылармен сәлемдесу, түгендеу;
2) оқушылардың зейіндерін сабаққа аудару;
3) сабақтың мақсатымен таныстыру.
ІІ. Үй тапсырмасын тексеру.
(сұрақ-жауап әдісі бойынша)
1) Дискілерді қалай пішімдейді?
Мой компьютер-->Форматировать-->Быстрое-->Начать
2) Объектіні сыртқы тасымалдаушыға көшірудің неше жолы бар?
3 жолы бар: көшіру /копировать/ жіберу /отправить/, тышқан көмегімен жылжыту арқылы.
3) Нысанды себетте қанша уақыт сақтауға болады?
Себеттен оны жойғанша немесе қайта қалпына келтіргенше.
4) Себеттен нысанды көру үшін не істеу керек?
Себет қапшығының белгішесінде екі рет шертіп, оны ашу керек.
5) Себеттен нысанды қалай қалпына келтіреді?
Нысанды белгілеп қапшықты-қалыпына келтіру /Файл-Востановить/ командасын орындау арқылы.
6) Себетті қалай тазалайды?
Себетті ашып, Себеттер тазалау /очистить корзину/ командасын орындау арқылы.
7) Дискжетекті /диск/ пішімдеудің неше әдісі бар?
Пішімдеудің екі әдісі бар: толық және тез.
8) Қапшықтар себеттен қанндай мақсатпен жойылады?
Жаңа бағдарламалар мен құжаттарға орын босату үшін.

ІII. Жаңа тақырып.
Paint графикалық редакторы
Paint сурет салу программасы. Әр түрлі графикалық кескіндерді салуға, өңдеуге мүмкіндік береді. Бұл программаның көмегімен қарапайым суреттен бастап, күрделі графикалық шығармаларға дейін жасауға болады.
Paint программасында өзіміз сурет салуымызға, Windows-тің басқа қолданбаларынан алмасу буферіне көшірілген дайын суреттерді мәтінге қоюға, сондай-ақ сканердің көмегімен алынған күрделі кескіндерді енгізуге болады.
Paint программасын іске қосу
Paint графикалық редакторын іске қосу үшін, келесі әрекеттерді орындау керек.
1. Іске қосу (Пуск) батырмасын шертіңдер.
2. Бас мәзірден Программалар (Программы) командасын таңдаңдар.
3. Ашылған бағыныңқы мәзірден Стандартты командасын таңдаңдар.
4. Келесі бағыныңқы мәзірден Paint графикалық редакторын таңдаңдар.
Бұдан былай осындай әрекеттер тізбегін мына түрде жазамыз:
Іске қосу-->Барлық программалар-->Стандартты--> Paint
(Пуск-->Все программы-->Стандартные-->Paint)
Командалар орындалғаннан кейін, экранға Paint графикалық
редакторының терезесі шығады.
Көріп отырсыңдар, терезе Windows жүйесінің стандартты түрі сияқты, бірақ мұнда салынатын кескіннің түсін таңдап қана қоймай, оның фонының түсін де таңдауға болатын түстер палитрасы қосылған. Терезенің үлкен бөлігін бос кеңістік - сурет салу алаңы алады. Оның сол жағында таңбашалар тобы - құралдар тақтасы орналасқан. Терезенің төменгі жағында түстер палитрасы бар.
Түстер палитрасының көмегімен екі түрлі түсті таңдауға болады: негізгі - біз онымен сурет салатын түс және қосымша - бұл фон беретін түсі. Программаны іске қосқанда, ешқандай әрекет болмаса, келісім бойынша кескіннің түсі - қара, ал фонның түсі ақ болып шығады.
Политраның сол жағында бірін-бірі жабатын екі квадрат орналасқан. Жоғарғысы сурет түсін көрсетеді. Ол таңдаған түсте тышқанның сол жақ батырмасын шерту арқылы таңдалады. Төменгі квадрат фон түсін көрсетеді, ол үшін таңдаған түсте тышқанның оң жақ батырмасын шерту қажет.

Сурет салу кезеңі
Сурет салу процесі мынадай негізгі кезеңдерден тұрады:
1. Құралды таңдап алу керек.
Paint графикалық редакторында 16 құралды пайдалануға болады. Олардың міндеттерін білу үшін, тышқанның нұсқағышын қажетті құралдың үстіне орналастыру керек. Сонда ішіне олардың міндеттері жазылған кішкене төртбұрыш пайда болады.
Сурет салу кезеңдері мына құралдар арқылы жүзеге асырылады:

Ерікті аймақты белгілеу құралы, бұл қисық пішінді үзіндіні
таңдау қызметін атқарады.
Белгілеу құралы, суреттің тік төртбұрышты үзіндісін таңдау
қызметін атқарады.
Өшіргіш/түрлі түсті өшіргіш, бұл суреттің белгілі бір
бөліктерін өшіруге арналған құрал.
Құю (Заливка) құралы, бұл тұйық контурдың ішін кескін
немесе фон түсін бояйды.
Түс таңдау құралы, бұл кескіннің немесе фон түсін, суреттің
кез келген нүктесінің түсіне өзгертеді.
Масштаб құралы, бұл суреттердің жеке үзінділерін үлкейтіп,
кішірейтуге мүмкіндік береді.
Қарындаш құралы, кез-келген сызықты әр түрлі жуандықта
сызуға арналған.
Қыл қалам ерікті сызықтарды салуға арналған. Қылқалады
қажетті түрін таңдап алуға болады.
Бүріккіш құралы, пульверизатор эффектісіне жетуге мүмкіндік
береді.
Жазу, бұл сурет ішіне мәтін орналастырады.
Сызық, түзу сызықтар салуға арналған.
Қисық, тегістелген сызықтар салуға мүмкіндік береді.
Тік төртбұрыш, тік төртбұрыштар салуға арналған.
Көпбұрыш, ерікті пішінді тұйық көпбұрыштар салады.
Эллипс, шеңбер және эллипс салуға арналған құрал.
Бұрыштары дөңгеленген тік төртбұрыш. Бұрыштары
дөңгеленген квадраттар мен тік төртбұрыштар салуға мүмкіндік
береді.

2.Сызықтың қалыңдығын, қылқалам түрін немесе төртбұрыштың типін тағайындау.
Мұны құралдар тақтасының тура астыңғы жағындағы арнайы аймақта жасауға болады. Сызықтардың қалыңдығын бірден бастап, бес нүктеге дейін салуға болады және қылқаламның, төртбұрыштың бірнеше түрлерін пайдалануға болады.

3.Кескіннің түсін таңдау.
Сурет салатын түсті таңдау үшін, палитрадағы қажетті түстің төртбұрышына тышқан нұсқағышын орналастырып, сол жақ батырмасын басыңдар.

4.Фонның түсін таңдау.
Фонның түсін таңдау үшін, палитрадағы қажетті түске тышқан нұсқағышын орналасьырып, оң жақ батырмасын шертіңдер. Бұл саты фонды пайдаланып объектілер жасайтын құралдармен жұмыс істегенде қажет (тік төртбұрыш, көпбұрыш, эллипс, дөңгеленген көпбұрыш).

5.Ал, енді сурет саламыз.
Сурет салуға қажетті қандай да бір құралды таңдау үшін, келесі әрекеттерді орындау керек:
1. Сурет салуға қажетті құралды таңдап, оған тышқанның нұсқағышын орнатып, оны шертіңдер.
2. Палитрадағы қажетті түстің төртбұрышына тышқан нұсқағышын орналастырып, сол жақ батырмасын шертіңдер.
3. Нұсқағышты сурет салатын орынға жылжытып апарыңдар.
4. Тышқан батырмасын басып тұрып нұсқағышты қажетті бағытта тасымалдаңдар.
5. Суретті салып болған соң, тышқанның батырмасын жіберіңдер.

IV. Практикалық жұмыс.
Жаңа тақырып бойынша тапсырмалар орындайық.

Карточкамен жұмыс істеу

1-карточка.

Тік төртбұрыш пен түзу сызық құралын пайдаланып үйдің суретін сал, және оны боя.

2-карточка.
Эллипс пен Қисық сызық құралдарын пайдалана отырып, төмендегі суретті салып оны боя.
Үлгісі:

V. Сабақты бекіту.
1.Paint редакторының терезе элементтерін, арнайы параққа толтыру.

2. <<Ой сергіту>>, Paint редакторының құралдарын еске түсіру.

3.Суреттерді сақатау.
Рaint терезесінің меню қатарындағы файл-сохранить немесе сохранить как батырмасын басамыз, содан соң сохранить терезесі шығады да файл имя денеген жерге сурет атауын жазамыз да сохранить батырмасын басамыз
VI. Үй тапсырмасы.

1. Paint графикалық редакторының құралдарының қайсысы қандай міндет атқаратынын жатқа айту.

VІІ. Бағалау.

Ұқсас жұмыстар

Paint графикалық редакторының командалары

PAINT графикалық редакторы практикум сабағы

Paint сурет салу редакторы

Paint гарфикалық редакторының құралдары

БҮРІККІШ ҚҰРАЛЫН ПАЙДАЛАНУ

Шығармашылық тапсырма Paint редакторында сурет салу

Қарапайым графикалық редакторы. суретті ашу. 7-сынып

Қарапайым графикалық редакторы

Paint графикалық редакторының сурет салу құралдары

Paint графикалық редакторы туралы ақпарат. 7 сынып

Пәндер