Мата қуыршақ Жүн қуыршақ

Бейнелеу және технология пәні мұғалімі
Шатанова Ақкенже Науанқызы
№42 << Ақ ниет>> гимназиясы
Орал қаласы
Батыс Қазақстан облысы

Сабақтың тақырыбы:Жүннен қуыршаққа киім дайындау.
Сабақтың мақсаты:
білімділік: басылған жүнмен жұмыс жасау арқылы иненің көмегімен
қуыршақты киіндіру тәсілін меңгерту . дамытушылық: ұлттық қолөнер негізіне сүйене отырып,оқушылардың
теориялық білімдерін шығармашылықпен ұштастыру ,іскерлік дағдыларын қалыптастыру,жеке немесе топтық жұмыста шапшаңдыққа машықтандыру арқылы қиялдарын дамыту
Тәрбиелік: жұмыс барысында эстетикалық талғам қалыптастыра
отырып,еңбексүйгіштікке,ептілікке,икемділікке тәрбиелеу.

Сабақтың түрі: аралас сабақ
Сабақтың әдісі:түсіндіру,сұрақ-жауап,сын тұрғысынан ойлау стратегиясы.
Сабақтың көрнекілігі: дайын қуыршақ,түрлі-түсті жүн,интерактивті тақта,№ 50,№ 60 инелер,паралон,қайшы т.б
Сабақтың жоспары: 1) Ұйымдастыру кезеңі 2 мин
Оқушылармен амандасу,түгелдеу
Жұмыс киімдерін және сабаққа дайындығын тексеру.
2) Қызығушылықты ояту. 8-мин
3) Үй тапсырмасын сұрау 2-мин
4) Мағынаны тану 25-мин
5) Толғаныс 6-мин
6)Оқушыларды бағалау ,үйге тапсырма 2-мин
Қызығушылықты ояту.
-Оқушылар біз өткен сабақта жүн талшығынан иненің көмегімен қуыршақ жасауды меңгерген болатынбыз,сабақты бастамас бұрын бәріміз ортаға жиналайық.Мына үстелдің үстінде номерленген өздерің жасаған қуыршақтарыңның денесі тұр ,әр қуыршақта қызыл және сары түсті қағаз бекітілген өз қалауларыңша таңдап екі топқа бөлініп отырамыз.
-Енді әр топ бойынша алдарыңызда номерленген суреттерді таңдап алып өткен сабақтарға байланысты берілетін тапсырмаларды орындайсыңдар.
1-топқа тапсырма. Қуыршақтың денесінің жасалу жолын реттімен қайталап айтып беріңдер.

2-топқа тапсырма. Қуыршаққа киім дайындау үшін жүнді басу жолын ретімен айтып беріңдер. (интерактивті тақта арқылы көрсету,оқушылар нұсқау сурет бойынша ретімен айтып шығады )

-екі топты тапсырмаларды орындаулары бойынша мадақтау.
Мағынаны тану.
Ойыншық дегеніміз не? Бұл сұраққа балалар ойнау үшін жасалған зат деп жауап беруге болады.
Демек ойыншық ежелден келе жатқан қол өнердің бір түрі.Балалық шақтан бастасақ,өзінің ойлау және тану қабілеті жетілген жасқа дейінгі шақта,бала үшін,оны қоршаған ортадағы нәрсенің бәрі жұмбақ.Бұл жұмбақты шешуге көмектесетін құралдың бірі ойыншық.Олар ойыншықты өзінің жан ашыр жақыны тұтып,жүрегіне жақын ұстайды.Ерте замандағы ойыншықтың бір түріне қуыршақ жатады.Ең көне египет қуыршақтарына төрт мың жыл толған.Ежелгі Грек пен Римде де қуыршақтардың көптеген түрлері табылған.Қуыршақтарды ағаштан,балшықтан жіптен матадан пластмассадан т.б материалдардан жасайды.Ал біздің қуыршағымыз жүннен жасалады.Бүгінгі сабақта біз дайын қуыршақ денелерін ұлттық нақышта киіндіруді үйренеміз.Ол үшін бізге мынадай жабдықтар қажет.
Қажетті құрал жабдықтар:

1.Басылған жүн,№50 жүнге арналған ине,паралон, қайшы.
Жұмысымызды бастамас бұрын алдымен жүнмен жұмыс жасаған кезде ескеретін қауіпсіздік ережелерді есімізге түсірейік.
А)басымызда орамал,алдымызда фартук және жең ұш киеміз.
Б)Жұмыс орнымызды дайындаймыз.
В)Инемен жұмыстанған кезде бір-бірімізді алаңдатпаймыз.
Г)Инені ұқыпты,абайлап ұстаймыз.
Д)Жүнді біріктіру кезінде инені саусаққа кіргізіп алудан сақтанамыз.
Е)сабақ соңында инені мұқият ыдысқа салып,орнымызды жинаймыз.
Сарамандық жұмыс.
Алдымен нұсқау карта бойынша түсіндіремін.Содан соң оқушылар өз беттерінше жұмыстанады.

Нұсқау карта

1.Басылған жүн матаны ені 2см болатындай етіп жолақ қиямыз.

2.Қиылған жолақты қуыршақ денесінің төменгі жағынан айналдыра 3 қатар бүрмелеп инемен біріктіреміз.

3.Денесіне дайын қолын инемен біріктіреміз.

4.Көйлек түсіне жақын басылған жүннен қуыршаққа казекей дайындап инемен біріктіреміз .
5. Дайын қуыршақ

Жұмыс соңында артық жерлерін дұрыстап,орнымызды жинастырамыз.
Сарамандық жұмыс кезінде оқушыларға бағыт беріп,қадағалап,қауіпсіздік ережелерін естеріне салып отыру.
Толғаныс.
Вен диаграммасы бойынша матадан жасалған қуыршақ пен жүннен жасалған қуыршақтардың айырмашылықтары мен ортақ қасиеттерін салыстыру.
-Ал енді оқушылар өздерің бұрыннан білетін ұлттық қуыршақ пен жүннен жасалатын қуыршақтың айырмашылығы мен ортақ қасиеттерін алдарыңдағы кестеге толтырып шығайық.
-кестеге оқушылар топ болып жазып,әр топтан бір оқушы қорғап айтып шығады.

Мата қуыршақ Жүн қуыршақ
1. Картоннан
2. Матадан
3. Желім қолданылады
1. Барлығы жүннен
2. Өзгертуге болады
3. Инемен жасалады
1. Қуыршақ
2. Қолдан жасалады
3. Әдемі

-Мінекей оқушылар біз бүгін өзіміз жасаған қуыршағымызды басылған жүннен көйлек пен кәзекей жасап киіндірдік.Біз осы сабақ арқылы жүн талшығының тағы бір қырынан танып ,өз қолымызбен әдемі қуыршақты жасауға болатынын ұқтық. Бүгінгі сабаққа барлығыңызда қызығушылықпен қатысып,шеберлік қасиеттеріңді көрсете білдіңдер,рахмет айта отырып енді жұмыстарыңды бағалайын.
Сабақ соңында екі топты алға шығарып мадақтап, бағалаймын.Сабақ аяқталды,сау болыңыздар.

Сабақтан көрініс