Практикалық тапсырма

Тақырыбы: <<Не? Қандай? Қалай?>>
Мақсаты: оқушылардың математикалық сауаттылығын арттыру, шығармашылық ойлауын дамыту, практикалық тапсырмаларды тапсырмаларды орындауда жүйелілік, нақтылық, логикалық қабілеттерін қалыптастыру, пәнге қызығушылығын арттыру.
Көрнекілігі: слайд, проектор, сыр сандық.
Шарты: командалар саны - 3, әр сұрақ оқылғаннан кейін ойлануға 1 минут, практикалық тапсырмаларға - 3 минут, барлық командалар бір уақытта жауапты жауап параққа жазу арқылы жауап береді, сарапшылар тексереді, қызықты, ерекше, дұрыс жауаптар оқылады.
І.Ұйымдастыру
ІІ. Негізгі бөлім.
Сұрақтар:
Сұрақ №1
0-ден 9-ға дейінгі цифрларды жазып көрсетіңдер.

Сұрақ №2
Грек философы Зенон қызықты парадокстардың қатарында А нүктесінен В нүктесіне дейінгі қатықты жүріп өтуге болмайды деп көрсеткен. <<А-дан В-ға дейінгі қашықтықтың алдымен жартысын жүру керек, содан кейін қалған жолдың жартысын , содан кейін одан қалған жолдың жартысын жүру керек. Осылай шексіздікке дейін жалғаса береді.>> деген. (1/2)+1/4+1/8+1/16... математикалық білімдеріңді қолданып, А нүктесінен В нүктесіне дейінгі қашықтықты толық жүруге болатынын дәлелдеңдер.
Жауап: Шексіз кемімелі геометриялық прогрессияның қосындысының формуласымен есептеу арқылы <<1>> деген жауап алынады, яғни толық жол жүрілді.

Сұрақ №3
Практикалық тапсырма. Құралдар: Үш бірдей кубик, сызғыш. Ешбір есептеулерсіз кубиктің диагоналін есептеңдер.

Сұрақ №4
Практикалық тапсырма. Құралдар: карта, қол сағат, сызғыш. Жайық өзенінің Қазақстан территориясындағы бөлігінің ұзындығын табыңдар.

Сұрақ №5
Бір бөлмеде үш лампочка және олармен жалғанған үш қосқыш бар. Әр лампочканың қосқышын қалай анықтауға болады. Бөлмеге тек бір рет кіруге болады.

Сұрақ №6
Блиц.
1. 0 мен 1 санының арасына қандай таңба қойғанда 0-ден үлкен, 1-ден кіші сан шығады? Жауап: 0,1 /үтір/
2. Ребусты шеш. ?2 жауап: <<Екінші дәрежелі сұрақ>>
3. Барлық нүктелері бір нүктеден бірдей қашықтықта жататын фигураны ата. Жауап: сфера

Сұрақ №7
Екі оқушы альбом алу үшін дүкенге келді. Біреуіне 10 теңге жетпеді, ал екіншісіне 70 теңге жетпеді. Екеуі ақшаларын қосса да, альбом алуға жетпеді. Альбом неше теңге тұрады?
Жауап: альбом 70 теңге тұрады

Сұрақ №8
Жазықтықта екі қиылыспайтын параллелограмм берілген. Екеуін бірдей бөліктерге бөлетіндей түзу жүргізіңдер.

Сұрақ №9
Бұл қандай фигура?
Шарждар. Бұл фигураларды құрайтын бөліктерді біріктірсе қандай фигура шығады? Бұл қытай шытырманы қалай аталады?
Жауап: квадрат

Сұрақ №10
Жылдың соңғы айы декабрь деп аталады. <<дека>> - гректің он деген сөзіне шыққан. Сол сияқты <<декалитр, <<декада>>, т.б. сөздер шыққан. Бұл сәйкессіздікті қалай түсіндіресіңдер?
Жауап: жыл басы - наурыз деп есептегенде, желтоқсан айы 10-шы.

Сұрақ №11
Сыр сандық.
Бұл зат Ежелгі Грекияда ойлап табылған. Оны қолдана білу шеберліктің белгісі деп саналған, ал қолданып есеп шығара алу - нағыз жоғары ақыл иесі деп есептелген. Осы уақытқа дейін оның құрылымы еш өзгерген жоқ. Бұл қандай зат?
Жауап: циркуль

Сұрақ №12
Рим нумерациясы. М - 1000, D - 500, C - 100. L - 50. X - 10, V - 5, I - 1. Тарихи ғимараттың маңдайшасынан MDCCLXXXIX деген жазуға қарап, бұл ғимараттың қай жыл тұрғызылғанын айтыңдар.
Жауап: 1789 жыл
ІІІ.Қорытынды.