4-сынып математикасы: Білімді тиянақтау - әдістемелік сабақ жоспары және бағалау тапсырмалары

Шығыс Қазақстан облысы

Глубокое ауданы, Алтай кенті

Жаңа Ертіс орта мектебі

Математика

Сабақ тақырыбы: « Білімді тиянақтау»

Орындаған: Турымова М . Ж .

Сыныбы: 4 «А»

2011-2012 оқу жылы

Сабақ тақырыбы: Білімді тиянақтау
Мақсаты:Оқушылардың білімін сараптау. Өздігінен білім алуға, еңбекке бейімдеу арқылы, жылдам ойлауға, ойынқорыта білуге, ұлтжандылыққа тәрбиелеу.
Керекті кұрал: Суреттер, сандар, карточкалар, макеттер.
Сабақ барысы:Ұйымдастыру

Кел ортаға шығайық,

Шеңбер жасап тұрайық.

Ақпыз, сары қарамыз,

Ағайынбыз бәріміз.

Бүгін біз еліміздің бас қаласы Астанаға саяхат жасаймыз. Алматыдан Астанаға көшу қай жылы басталды?

- 1997 жылы.

- Осы сан туралы не айта аламыз?

Дәптерімізді ашып, бүгінгі күнді жазамыз. Саяхатқа шықпас бұрын мына алтын ұя мектебіміз бізге жолдама беріп отыр ол жолдаманы жеңіп алу үшін сүрақтарға жауап беру керек.

Математикалық диктант.

- 1 км неше метр?

- Ауданның өлшем бірлігі?

- Ең кіші 4таңбалы сан?

- Бір жылда неше ай?

- 1тоннада неше кг?

- Жылдамдықты қалай табамыз?

Астанаға поезбен барамыз, оған билет алу керек ол үшін жылдамдыққа, уақытқа, қашықтыққа байланысты есеп шығарамыз.

Өскеменнен Астанаға дейін 950 км . Поезд сағатына 60км жылдамдықпен жүрді. Ол қанша уақытта Астанаға жетеді?

Астанаға жеттік. Автобусқа отыру керек. Билетте теңдеу бар шығарамыз. Сынып үш топка бөлінеді. Әр топқа теңдеу беріледі.

х*6=912 848+х=908 273:х=7

Бүгін жұма күні болғандықтан мешітке барайық. Мешітке кірмес бұрын мешіт құрылысына көз салайық. Ол қандай геометриялық фигуралардан тұрады?

Мешітке кіру үшін бірнеше логикалық есептерді шешіп жіберейік.

Кеше Айнұрдың туған күні болды. Ертең бейсенбі. Айнурдың туған күні аптаның қай күні болды?
Шөпте бірнеше қояндар тығылып отыр, бірақ бізге тек 10 құлақ көрінеді. Барлығы канша қоян тығылып отыр?
Ауылда 4 күн 4 түн боран соқты. Неше тәулік боран соқты?
Бір адам қалаға бара жатып, жолда 3 танысын қарсы кездестірді. Қанша адам қалаға барды?
1 кг темір мен 1 кг мақтаның қайсысы жеңіл?

Сергіту сәті:

Аспанға қарап ай көрдім,

Төменге қарап жер көрдім.

Оңға, солға бұрылып,

Егеменді ел көрдім.

Астана көркі-Бәйтерек.

Бәйтерек тарихына шолу.

Оқулықтан 128 беттегі №7 есепті шығару.

«Білімдінің беті жарық. Қайда барса да жолы ашық» дегендей, Астананың білім ошағы Еуразиялық ұлттық университетіне кіру үшін тест шешу керек.

1. Ұзындығы 9 см, ені 7см тіктөртбұрыштың ауданын, периметрін тап

а) 32, 16 в) 63, 32 с) 19, 14 д) 32, 9

2. Бірдей 9 ыдыста 45 кг бал бар. Осындай 12 ыдыста неше кг бал бар?