Мәдени ескерткіштермен таныстыру

Пшатаев Еділ Исламғалиұлы Индер ауданы Махамбет атындағы орта мектептің сызу, бейнелеу өнері пәнінің мұғалімі (І санатты)
Сабақтың тақырыбы: Мүсіндеу Сабақтың мақсаты: Білімділік: Мүсін өнері жөнінде оқушылардың білімдерін тексеру. Атырау қаласындағы мәдени ескерткіштер жөнінде мәлімет беру. Дамытушылық: Оқушыларды логикалық ой-қиялдарға , шығармашылық ізденістерге баулу. Тәрбиелік: Оқушылардың теориялық ойларын ықшамдап, ұйымшылдыққа, нақтылыққа жүйелі жұмыс істеуге тәрбиелеу. Сабақтың көрнекілігі: Қазақтың тұңғыш кәсіби суретшісі Ә. Қастеевтің портреті, тұңғыш кәсіби әйел суретшісі А. Ғалымбаеваның портреті, тұңғыш кәсіби мүсіншісі Х. Наурызбаевтың портреті, Атырау қаласындағы тарихи-мәдени ескерткіштер репродукциясы - <<Махамбет-Исатай>> ескерткіші (мүсінші Б. Әбішов), <<Д. Нүрпейісова>> ескерткіші (Н.Далбай), <<Құрманғазы>> ескерткіші(Е.Рахмадиев), <<Сұлтан Бейбарыс>> ескерткіші(К.Какимов), <<Мүсінші Х. Наурызбаев>> туралы бейнетаспа, плакаттар. Пәнаралық байланыс: тарих, география. Сабақ түрі: аралас сабақ, білік, дағды қалыптастыру сабағы. Сабақ әдісі: Ойын, топпен жұмыс, сұрақ-жауап, түсіндіру, топтастыру, Венн диаграммасы. Сабақ барысы: І. Ұйымдастыру кезеңі. Кезекші оқушыны анықтап, оқушыларды түгендеу. Сынып журналына тиісті мәліметтерді толтыру. Сыныпта оқушылардың білім алуы үшін үш топқа бөлу. Топ басшысын сайлау. Топтың аттарын қою. І-топ - <<Ер төстік>>. ІІ-топ - <<Бәйтерек>>. ІІІ-топ - <<Самұрық>> ІІ. Миға шабуыл стратегиясы. Алғашқы мүсін - ана мүсінің суреті ілінеді. - - суретте не бейнеленген? Ең ежелгі мүсіндер - аналардың мүсіні, ұрпақтарын өздері өмірге келтірген, аялап баққан аналарына деген құрметпен сый ретінде аналар мүсінін жасаған. Археология қазбалар кезінде мұндай мүсіндер көп табылған.Бірте - бірте жануарлар мүсінін және тұрмыстық заттарды сәндей болады. Мүсін өнері осылайша адам өміріне кеңірек ене бастады. ІІІ. Топтық жұмыс. Топтық жұмыс.Үш топқа мәтін беріледі. Екі жақты күнделік толтырып түсіндіріледі.

Тақырып
Оқушылар пікірі
І - топ

Монументтік мүсін, станоктік мүсін.

Тақырып
Оқушылар пікірі
ІІ - топ

Жұмыр мүсін, рельефті мүсін

Тақырып
Оқушылар пікірі
ІІІ - топ

Барельеф, горельеф

ІV. Топтастыру . <<Мүсін>> деген сөзді тақтаға ілемін.
МҮСІН

Станокты
Монументті

Жұмыр
Рельефті

Горельеф
Барельеф

V. Мүсінді жасаудың әдісін түсіндіру. - Каркас жасау. - Жалпы сомдау. - - Нақтылау. Сұрақ: Каркас кандай жағдайда қолданылмайды? VІ. Өз бетімен жұмыс. Үш топқа тапсырмалар беріледі. І топқа - Алдар көсені мүсіндеу. ІІ топқа - Рельефтік жұмыс. (Бізбикеш). ІІІ топқа - Шығайбайды сомдау. Ермексазбен жұмыс кезіндегі қауіпсіздік ережелері.
1. Ермексазды ауызға салма.
2. Жұмыс кезінде столды немесе партаны ластама.
3. Жұмыстан соң қолды сабындап жу. VІІ. <<Бұл кім>> тақырыбындағы бейнетаспаға саяхат. Таспаға қазақтың тұнғыш кәсіби суретшісі Ә. Қастеевтің, мүсіншісі Х. Наурызбаевтың және қазақтың тұңғыш әйел суретші А. Ғалымбаеваның фотосуреті ілінеді. Оқушыларға: - Бұл кімдердің суреттері? - деген сұрақтар қоямын. Оқушылардың жауабынан кейін мүсінші Х. Наурызбаев туралы бейнетаспа көрсетемін. VІІІ. Сабақты беркіту. Тақтаға ВЕНН диаграммасын сызып, оқушыларға толтыртамын. Оқушылар жұмыр мүсін мен рельефті мүсіндердің ерекшеліктерін жаза отырып, екеуіне ортақ қасиеттерін табады.

1.Монументті 2.Станокты 3. Образды сомдау 4. Бір жағынан қаралады.

1.Монументті 2.Станокты 3. Образды сомдау 4. Жан-жағынан қаралады.

ІХ.Мәдени ескерткіштермен таныстыру. Мәдени ескерткіштердің репродукциясын бір-бірлеп көрсетіп, оқушылардан ескерткіштердің кімдерге арналғанын сұраймын да, тақтаға орналастырамын. Ескерткіштердің бейнелеу өнерінің қай түріне жататынын және қаланың қай жерінде орналасқанын сұраймын.

Х.Сабақты қорытындылау. - оқушылар, бүгунгі сабақта мүсін өнерінің түрлері және Атырау қаласындағы мәдени ескерткіштері туралы мәлімет алдыңыздар. Біздер елімізді көркейтер жас бүлдіршіндер елімізде орналасқан тарихи ескерткіштерді қорғап, оларды күтіп ұстауымыз керек, себебі, ол - тарихи мұра.Сондықтан, оқушылар, дүние жүзі бойынша 28 сәуір - халықаралық ескерткіштерді қорғау күні қабылданған. ХІ. Үй тапсырмасы және оқушыларды бағалау <<Егер мен мүсінші болсам>>деген тақырыпта эссе жазып келу.