Ата - аналармен серіктестікте жұмыс жасау тәжірибемнен

Маңғыстау облысы, Бейнеу ауданы <<Бейнеу лицейі>>ММ-нің информатика пәні мұғалімі Исметова Дина.

Ата-аналармен серіктестікте жұмыс жасау тәжірибемнен

Жас ұрпақты жан-жақты жетілген, ақыл-парасаты, ой-өрісі биік азамат етіп тәрбиелеу- қоғамымыздың ең өзекті мәселесі.
Бала тәрбиесінің алғашқы алтын қазығы-жанұясы.Жанұялық тәрбие ата-ана мен бала арасындағы қарым-қатынастық жүйені ғылым мен өнер ретінде жан-жақты меңгерту қажет.
Сондықтан, мұғалім мен ата-аналардың өзара қатынасы міндеттерінің ең негізгісі-психологиялық-педагогикалық білімдерін көтеру болып табылады. Осы міндетті шешу ата-аналар жиналысы, конференциялар, сауалнамалар т.б шаралар арқылы жүзеге асады.
Мектеп ата-анамен оқушылар фракциясы қатысуымен өткізілген <<Мектептегі балалар және олардың ата-аналары>> жиналысы мұғалімнің де, ата-ананың да осы бағыттағы жұмыста негіз екенін көрсетіп, алдағы жұмыстарды нақтылауға көмектеседі. Ата-аналардың бәрі педагог емес,сондықтан баланы күшпен оқытпай, ойлау қабілеттерін арттыру деңгейіне баға береді.
<<Мен-баламның көзімін>> психотренингі, яғни ата-ананың өзін-өзі баласының көмегімен ашу арқылы бірден балаға үлкен талап қоймай, психологиялық ерекшеліктеріне үлкен мән беру керек екені дәлелденді.
Сонымен қатар, жаңа үлгіде өткізілген ата-аналар жиналысының да маңызы айтарлықтай. <<Баланың бас ұстазы ата-ана>>, <<Білім сапасын көтерудегі ата-ананың рөлі>> атты ата-аналар жиналыстарын өткізу жоспары төмендегідей үлгіде ұйымдастырым.
1. Тақырыптық ата-анлар жиналысын өткізу үлгісі <<Баланың бас ұстазы (ата-аналар тренингі).
1. Топқа бөлу (3 топқа) (геометриялық фигураның көмегімен).
2. <<Ассоциация>> жазу.
Мақсаты: Бала тәрбиесінде ата-ананың алатын орнының ерекше екенін түсіндіру; ата-ана бойына өздерін тәрбиеші мұғалім ретінде қарауда қызығушылықтарын дамыту; баламен дұрыс тіл табысуға, сөйлеу мәдениетін үнемі қолдауға ой салу.
1. Ата-аналар жинаған баллды ата- аналар өздері санап, нәтижесін жауап парақтарынан қарап қорытынды жасайды
2. Ассоциация жазу <<Өнегелі отбасы дегенді қалай түсінесіз?>> деген сұрақ қойылды (үш топқа бірдей)
3. Олардың әрқайсысына қандай талаптар қойылады? Талдау

Баланың сапалы білім алуы мұғалімге, балаға, ата-анаға байланысты екенін талдадық, соның ішінде білім негізі -- стандарт талаптарын орындау, яғни күнделікті сабаққа дайындалу кезінде оқушыға мұғалім мен ата-ананың көмегі, қадағалауы, уақыт бөлуі міндетті түрде қажет.
Қазіргі заман мектебі ата - аналарды да, балалрды да тәрбиелейтін, оларды өз тәрбие ықпалының объектісіне айналдыратын жетекшінің қызметінен бас тартуда. Баланың жеке тұлғасының дара қасиеттерін қалыптастыруда отбасы үлкен мүмкіндіктерге ие. Олар күнделікті отбасылық өмірде, отбасының дәстүрлері мен адамгершілік ұстанымдары, шежіресі,мен тарихы, отбасы мүшелерінің ортақ қызығуы мен мақсат - мүдделері арқылы іске асады. Бұл мүмкіндіктерді мектептің мүмкіндіктерімен үйлестіру - табысты тәрбиенің тағы бір негізі.
Ата - аналар ұйымының рөлін көтеру кез келген мектеп үшін оңай іс емес. Көп жағдайда бұл мәселе ата- аналарлың жұмыспен қамтылуына байланысты уақыттырының жетіспеушілігі сияқты объективті себептермен түсіндіріледі. Дегенмен, оның себептерін тек ата- аналар ортасынан іздеу дұрыс емес. Бастамшылық мектеп жағынан бәрібір басымырақ болуы керек. Өйткені, мектеп - қоғамның, отбасының және өзінің өз-ара тәрбиелік іс-қимылын үйлестіруші қоғамдық институт. Өзара іс- әрекеттің мақсаты мен міндеттерін мектеп жалғыз өзі, тиісты мәелеге тек өзінің ұстанымына сүйенген түрде анықтаса, ал ата-аналар оларды іске асыру сатысында ғана қамтылса, нәтиже төмен болады. Мектеп ата- аналар қауымы үшін әрқашан ашық болып,өзара ынтымақтастық және серіктестік жүйесін жетілдіруге бағытталып, олардың кез келген бастамасын көтермелеп отыруы қажет.
Мектептің ата-аналармен жұмысын ұйымдастыру нысандары әр түрлі болуы мүмкін. Жұмыстың бұл нысандары мен әдістерінің барлығы педагогикалық тұрғыдан негізделгендігі және ынтымақтастық пен өзара іс-әрекеттің біртұтас жүйесінде бірін бірі толықтырып отыруы өте маңызды.
Мектеп пен ата-аналардың жас жеткіншек бойында ұлжандылық, отан сүйгіштік қасиеттерді қалыптастырудағы ынтымақтастығын нығайту мақсатында жүргізілетін жұмыстар мынадай бағыттарда болады:
1. Әкімшілік - ұйымдастыру жұмыстары
2. Психологиялық - педагогикалық кеңес беру жұмысы
3. Ақпараттық - әдістемелік жұмыс
4. Диагностикалық талдау
5. Бұқаралық - мәдени жұмыс.
Оқушылардың бойында ұлтжандылық қасиеттерді қалыптастыруда ата- аналармен ынтымақтастықта өткізілетін жұмыс түрлерінен <<Тәрбие мен білім егіз>>, <<Әдептілік тәрбие бастау>>, патриоттық тәрбиеге байланысты <<Арман қала-Астана>>, <<Ар-намысым, қасіретім, қуанышым -желтоқсан>>, мерекелік күндерге арналған, ата- аналардың қатысуымен өткізілген <<Наурыз - жыл басы>>, <<Ұстазым, менің ұстазым>> ашық сабақтары, спорт жарысы <<Әкем, анам және мен>> мерекелерін атап айтуға болады.
Жетістік арқылы тәрбиелеу баланың және оның отбасының қадір - қасиеттеріне, құндылықтарына, мұраттарына сүйенген түрде оқушыны, ата- аналарды мейлінше тереңірек түсінуге деген мектептің ұмтылысын көздейді. Бала тәрбиесінің тиімді тәсілдерін отансүйгіштік қасиеттерді қалыптастыру мақсатында пайдалану екі жаққа да тиімді тәсіл болып табылары сөзсіз.
В.А.Сухомлинский <<Тек қана ата-аналармен бірге, жалпы күш-жігерді біріктіру арқасында мұғалімдер балаларға үлкен адамдық бағыт беруі мүмкін.>>-деп айтқанындай, даналық сөзге сүйенсек, мұғалімдер балаларға үлкен адамдық бағыт беруі үшін тек ата-анамен бірігіп жұмыс істеу керек екенін ескерткен. Сондықтан, балаңыздың тамағының тоқтығы мен көңілінің көктігіне қарайтын, құр асыраушысы рөлінен шығып, ендігі жерде, сіздің алдыңызда балаңыздың білім алу жолындағы серіктесі болу міндеті тұр дегім келеді.