Сабақ барысын талдау

Өзiн-өзi тану сабағының жоспары

Мектеп:Жамбыл бастауыш мектебі
№ 10-сабақ.
Тақырып : Жақсы сөз - жанға қуат.
Құндылық: Ақиқат
Қасиеттер: жақсы сөз,ізгілік, ізеттілік
Мұғалiм:Отегенова Д.С.
Сыныбы: 4 сынып
Оқушылар саны:22

Сабақтың мақсаты: Оқушыларға жақсы сөз туралы түсінік беру, ақиқат құндылығын ашу.

Міндеттері:
Жақсы ойдың адам өміріндегі маңыздылығын түсіндіру;
Жақсы сөздерді қолдана білу іскерліктерін дамыту;
Ізгілікке , ізеттілікке тәрбиелеу.

Ресурстар:(құралдар, мәлiметтер)
Сабақ барысы:
1.Ұйымдастыру кезеңi. Амандасу.
Тыныштық сәті: Орманға саяхат.
2.Үй жұмысын тексеру: 43 беттегі С.Мәуленовтың <<Мен елімді сүйемін>> әңгімесін оқу.
Сұрақтар:
1.<<Туған жерсіз адамның күні жоқ>> - дегенді қалай түсінесіңдер?
2. Өз елің сүю үшін адам бойында қандай қасиеттер болу қажет?
3. Сендерге өз елің несімен ыстық?
Сабақ барысын талдау:
Дәйексөз.
<<Жүректен шыққан сөз жүрекке жол табады>>.
Науаи
1.өзім оқимын
2.ұлдар оқиды
3.қыздар оқиды
4.хормен қайталайды

Әңгiмелеу.
Мұғалім сыйы.
Мультфильм <<Сыпайы қоян>>.
Сұрақтар:
1. Мазмұны бойынша сұрақтар:
Мультфильмнен не түсіндіңдер?
Қоянның жылы сөздерінің өзіне қандай көмегі болды?
1. Құндылығын айқындайтын сұрақтар
Жақсы сөз қалай әсер етті? Жақсы сөздің жанға қуат беретіні ақиқат па?
1. Өмірмен байланысты сұрақтар
Жылы айтқан сөздеріңнің өзіңе бір көмегі болды ма ?

Шығармашылық іс-әрекет, топтық жұмыс.
1.Сахналау. Топпен жұмыс.(жақсы сөздерді пайдаланып)
1. Сабаққа кешігіп келген оқушы мен мұғалім арасындағы әңгімеден үзінді.
2.Әжесі мен немересінің бір - біріне айтқан жылы сөздері.
3.Емханаға келген науқас пен дәрігер арасындағы диалог.
2.Ашық хаттар жасау. (бір-біріне алғыс айту,құттықтау т.б.)

Топпен ән айту.

Келші, келші балашым.
Айым болып тудың ба?
Күнім болып тудың ба?
Ата жолын қудың ба?
Әке жолын қудың ба?
Бұл дүниеге келген соң,
Сұрауы бар судың да..

Қуанышым, арай жүз
Сөйлесерміз талай біз
Бар ағайын жиналып,
Мәз боп саған қараймыз
Сендей бала ешкімде
Болмаған деп санаймыз

Жалғыз дара өзіңсін
Атасының көзісің
Әжесінің сөзісін
Аппақ мөлдір сезімсін
Мен барымды аямайм
Ботақаным сен үшін

Не деп енді мақтайын
Айтуға сөз таппаймын
Сөйлеп кетсем көбірек
Мен әжеме жақпаймын
Келші келші балашым
Бір иіскемей жатпаймын

Келші келші балашым
Бір иіскемей жатпаймын

Үй тапсырмасы.
Өздері жиі қолданатын жылы сөздерді жазып келу.

Соңғы тыныштық сәті.
Баяу әуен қойылады. Көздеріңді жұмып, бүгін не өттік соны көз алдарыңа елестетіңдер. Жақсы ой ойлайық, жақсы сөз сөйлейік, жақсы іс жасайық! Бүгінгі сабақтан алған әсерлеріңізді жүректеріңізге түйіп алыңыздар. Рахмет! Көздеріңізді ашуға болады.