Сабақ жоспары :: Әртүрлі

Файл қосу

Егеменді қазақ елі

№ 81 орта мектебі

Ашық тәрбие сағатының жоспары

<<Тәуелсіздік теңдігі, егеменді елдігім>>

Өткізген: Булеков Жарасқан

2016 жыл.

<<Тәуелсіздік теңдігі, егеменді елдігім>> тақырыбындағы ашық тәрбие сағаты

Мақсаты: 1.Оқушыларға қазақ халқының тәуелсіздік жолындағы ерлік күресі мен ғасырлар бойы басынан өткен қиыншылықтарын айта келіп, осы қиын жылдары елінің азаттығын, еркіндікті аңсаған ата - бабамыз туралы және қазақ елінің өткені, бүгіні, болашағы жайлы діріптеу. Тәуелсіз Қазақстанның 25 жыл ішіндегі қол жеткен жетістіктерімен таныстыру.

2. Қаншама құрбандықпен қол жеткен тәуелсіздігімізді құрметтей , қастерлей білуге тәрбиелеу, Қазақстанның келешегі үшін аянбай еңбек етуге шақыру.
3. Оқушылар бойында отансүйгіштік, патриоттық сезімдерін ояту.

Көрнекілігі: Еліміздің туы, Елтаңбасы мен Әнұраны, Отан, туған жер туралы нақыл сөздер, буклеттер.
Техникалық құрал: мультимедиалық қондырғы.

(Сабақты бастамас бұрын оқушылар ортаға шығып, шеңбер жасап тұрады. Шеңбер жасап тұрғаннан кейін, сағат тілімен айнала бір- бір ауыз сәттілік тілегін айтады.)
І. Кіріспе: Тақырып ашу (Б. Тілеуқановтың <<Елім менің>> әні)
Елім менің әнінен үзінді тыңдатып, өлең кімдікі екенін және не туралы айтылғанын оқушылардан сұрақ-жауап арқылы тақырып ашу.
oo Сонымен оқушылар, біздің бүгінгі тәрбие сағатымыздың тақырыбы <<Тәуелсіздік теңдігі, егеменді елдігім>> екенін білдік, ендеше қима қағаздар арқылы топқа бөлінейік.

Топқа бөлу (оқушыларды түстерге байланысты үш топқа бөліп отырғызу)
Мұғалім сөзі: Міне, көзді ашып жұмғанша, осы жылы Қазақ халқы тәуелсіздіктің 25 жылдығын тойлайды. Тәуелсіздікке жету - оңай жолмен келген жоқ, ол бәрімізге мәлім. Бұл қазақ халқының ғасырлар бойы көздеген арман-мұраттарының орындалуы.
Тәуелсіз мемлекетке айналу, бізге үлкен серпіліс, күш берді. Тарихи күш десе де болады. Біздің өз еркімізбен алға ұмтылуға, мемлекет болып өркендеуге жол ашылды.
Тәуелсіз мемлекет бола салысымен, көптеген шұғыл сұрақтарға шешім табылды. Неше түрлі ауыртпашылық әкелген Семей полигоны жабылды, Арал теңізі мәселесі шешілді, тарихи мұра, мәдениетіміз, қазақ тілі қайта жаңғыртылды, табиғи байлығымызды өз иелігімізге қайтара алдық.
Қазір біз болашағымызға сеніммен қарай алатын, зайырлы, өркениетті, индустриалдық жаңғырту жолында жоғарғы қарқынмен дамып келе жатқан мемлекетпіз.
ІІ. Бейнежазба көру
Ал балалар біз қандай түсті партада отырмыз? Бұл түстер нені білдіреді ?
Балалар өз жауаптарын айтады.
Балалардың жауаптарынан кейін қызыл түсте отырған балалар қазақ елінің өткенін, сары түсте отырғандар бүгінін, жасыл түсте отырғандар еліміздің болашағын айқындайтындай, бейнежазбадан не түсінгендерін қағаз бетіне бейнелеп өз қиялымен ұштастырады. (постер қорғайды)

ІІІ. постер қорғау
(Постер жасауға 5 минут уақыт беріледі)
Оқушылар жасаған постерлерін таныстырады және басқа топтар бағалау ретінде өз пікірлерін айтады.
ІV. <<Бәйтерек белестері>> ойыны
1. Біз қай мемлекеттің азаматымыз ?
2. Республикамыз басқа елдерден несімен ерекшеленеді ?
3. Туымызда не бейнеленген?
4. Тудың авторы кім? (Ш Ниязбеков)
5. Елтаңбаның авторын ата. (Шота Уәлиханов, Ж. Мәлібеков)
6. Елтаңбамызда не бейнеленген?
7. Тіліміз қандай ?
8. Әнұранның авторы кім? (Ш. Қалдаяқов, Ж. Нәжімединов, Н. Назарбаев)
9. Ұлтымыз кім?
10. Бәйтеректің биіктігі қанша?

V. Қорытынды
Елбасының сөзімен қорытындылау
"Еліңнің ұлы болсаң, еліңе жаның ашыса, азаматтық намысың болса, қазақтың ұлттық жалғыз мемлекетінің нығайып-көркеюі жолында жан теріңді сығып жүріп еңбек ет. Жердің де, елдің иесі өзің екеніңді ұмытпа!"
Ғасырларға жеткен бүгін жыр үні
Тәуелсіздік ұлылықтың ұлығы
Шаңырағы биік болып қазақтың
Қисаймасын берік болсын уығы.

Жеткен арман -- жаса Тәуелсіздігім
Өз қолыма берген ерлік, тізгінін.
Ие болған әлем ілтипатына,
Дербес, бейбіт мемлекетпіз біз бүгін, -дей келе әр бір таңымыз арайлы, күніміз шуақты, тәуелсіздігіміз тұғырлы болсын деген оймен тақтада тұрған күнге сәулесін шашып шуақ берердей тілегімізді жазып әсемдейік.
Егемен ел - Қазақстан

Ата - бабам арман еткен
Егеменді қазақ елі
Қуанышың көптен күткен
Құтты болсын дарқан елім
Қ-сы
Сен дегенде - Қазақстан
Жүректен от лаулап ұшқан
Гүлдей жайнап құлпыра бер
Егемен ел - Қазақстан.

Бүгін міне таныды әлем
Қазағымның кім екенін
Мақтанышпен мен өзіңді
Ән етемін, жыр етемін
Қ-сы
Тәуелсіздік - ұранымыз
Тәуелсіздік - жыр әніміз
Желтоқсангнан бастау алған
Тәуелсіз ел қыранымыз.

Осымен <<Тәуелсіздік теңдігі, егеменді елдігім>> атты ашық тәрбие сағатымыз аяқталды. Елімізде тыныштық, аспанымыз ашық, күніміз жарқын болсын!

Ұқсас жұмыстар
Тәуелсіздік тұғырым
Қ. Р. Президенті Н. Ә. Назарбаев өмірі мен шығармашылыққа толы атқарылған істері туралы
БҮБ стратегиясы
Елтаңба елі
"Сүйемін туған елімді дархан"
Ұлттық өлшемдер
Қазақстан туған елі
Тәуелсіздік шежіресі
Ұлты қазақ
Кемеңгер көшбасшы
Пәндер