Орыс тілі пәні мұғалімі

<<Тәуелсіздік- бар бақыттың бастауы>> атты апталықтың қорытындысы туралы ақпарлама

Аудандық <<Ұлы Дала елі-Тәуелсіздіктің 25 негізі>> мерейтойлық іс-шарасына байланысты мектебімізде 5-10 желтоқсан аралығында гуманитарлық пәндер бірлестігі мүшелерінің ұйымдастыруымен <<Тәуелсіздік - бар бақыттың бастауы>> атты апталық болып өтті. Апталықтың алғашқы күні бірлестік жетекшісі Г.Сапарова апталықты ашып, оқушыларды апталықтың жүрісімен таныстырды.Мұнан соң оқу ісінің меңгерушісі Б.Таңатаров <<Елімнің бақытын тербеткен-Тәуелсіздік>> атты баяндама жасап, оқушыларға тәуелсіз Қазақстанның осы кезге дейінгі жеткен жетістіктері туралы түсіндірді. Апталықтың екінші күні орыс тілі пәні мұғалімі А Дүйсенбаева мен ағылшын пәні мұға-лімдері Г.Карабекова мен З.Сақтабаева үш тұғырлы тіл- болашақ бастауы екенін оқу-шыларға айта отырып, <<Тәуелсіздік-мәңгілік елдің тұғыры>> тақырыбында оқушыларға үш тілде Отан,Тәуелсіздік, Егемендік, Азаттық туралы өлеңдерді мәнерлеп оқытты. Апталықтың үшінші күні Желтоқсан құрбандарын еске алу мақсатында қазақ тілі пәнінің мұғалімі Н.Күзенбаеваның ұйымдастыруымен мектеп оқушыларын қатыстыра отырып <<Қайсар рухты қазақ>> атты сахналық қойылым қойылды. Апталықтың төртінші күні тарих пәнінің мұғалімі Қ.Әзизаева <<Тәуелсіздік бізге не берді?>> тақырыбында оқушылармен сұхбат жүргізді. Сұхбат барысында оқушылар тәуелсіздіктің арқасында осындай бейбіт өмір сүріп жатқандары туралы құнды-құнды пікірлкер айтты. Апталықтың бесінші күні оқушыларды тарих пәнінің мұғалімі Г.Бөлтекова қазақ елінің осы кезге дейінгі жүріп өткен жолы туралы <<Еркіндігім- елдігім, тәуелсіздігім-теңдігім>> атты бейнефильммен таныстырды. Апталықтың алтыншы күні бірлестік жетекшісі Г.Сапарова апталықты қорытындылап, апталық барысында белсенді қатысқан оқушыларды арнайы мақтау қағаздарымен және бағалы сыйлықтармен марапаттады.

Маңғыстау облысы, Бейнеу ауданы, <<Ақжігіт орта мектебі>> ММ
Орыс тілі пәні мұғалімі: А.Дүйсенбаева