Бала мен ойыншық

Ю. Гагарин атындағы орта мектебінің ІІ (негізгі) деңгей бағдарламасы бойынша сертификатталушы Актаева Жаннаның коучинг жоспары.
2016-2017 оқу жылы

Күні: 21.09.2016

Тақырыбы
<<Блум таксономиясының ҚМЖ құрудағы тиімділігі>>
Мақсаты
ҚМЖ құруда Блум таксономиясы арқылы жоспарлай отырып, оқушыларды сын тұрғысынан ойлатуға ең тиімді тәсіл екеніне көз жеткізу.
Сілтеме
Мұғалімдерге арналған нұсқаулық, үлестірме материалдар (екінші апта)
Күтілетін
нәтиже
Бақылау, тәжірибе, толғану, және ой жүгірту нәтижесінде алынған ақпаратты ұғыну.
Негізгі идеялар
Сын тұрғысынан ойлауды дамыту құралдары
Психологиялық ахуал:
Шеңберге тұрып бір-біріне жақсы тілектер айтып қолдарындағы гүлді бір-біріне ұсынады.
Топқа бөлу
Стикерлер арқылы топқа бөлу.
Көрнекі
құрал-жабдықтар
АКТ, интерактивті тақта, постер
Коучингтің
өту барысы

Коучтің әрекеті

Сергіту сәті

Тапсырма

Қорытынды

Рефлексия

1-тапсырма. <<Бала мен ойыншық>>
Баланың іс-әрекетін ретімен айту. Мысалы, көреді....
1-сұрақ: Бала жаңа ойыншықты әкеліп берсе қандай әрекетке барады?
Білу: көреді
Түсіну: ойнайды
Қолдану: жүргізеді (атады)
Талдау: сындырады
Жинақтау: қайта жинайды (жөндейді)
Бағалау: басқа түрлі жаңа ойыншық сұрайды.

Коуч түсіндірмесі
- Ойландыңыздар. Бүгінгі коучингтің тақырыбы Сын тұрғысынан ойлау турасына болмақ. Яғни бала ойыншықты көргенде қандай әрекетке барса да ойлана отырып істейді. Сондықтан біз де сабағымызды жоспарлауда оқушыларды біртіндеп жеңілден күрделіге қарай ойландыруымыз керек. Бенджмен Блумның төрағалығымен жасалған ойлау деңгейі оқушылардың білім алуына үлкен үлес қосатынына сенемін.

Музыкаға билеп көңіл көтереді.

2-тапсырма
Пән мұғалімдері бірігіп Блум таксономиясының ойлау деңгейін пайдалана отырып, қысқа мерзімді жоспар құрады. Оны қорғайды.
Мысалы: бастауыш сыныптар:
Сабақтың тақырыбы: <<Ақыл мен байлық>>.
Білу: ертегідегі кейіпкерлерді ата
Түсіну: ертегінің мазмұнын айтып бер
Қолдану: Кенже ұлдың жауабын түсіндіріп бер
Талдау: 3 ұлдың жауаптарын салыстыр, саған кімнің жауабы ұнады? неліктен?
Жинақтау: Адал еңбекпен көп ақша тапсаң, оны қайда жұмсар едің?
Бағалау: << Ақылды болсаң бай боласың және бай болсаң ақылдың қажеті жоқ>> деген тұжырымдардың дұрыс - бұрыстығын дәлелде.
<<Ақпан төңкерісі>> тақырыбына тапсырмаларды төмендегідей етіп Блумға салды:
Білу: Ақпан төңкерісі қашан, қайда басталды
Түсіну: Ақпан төңкерісінің себептерін түсіндір
Қодану: Ақпан төңкерісінің барысын сипаттап бер
Талдау: Саяси партиялардың бағдарламасын талда
Жинақтау: Өзіңді Алаш партиясының мүшесі ретінде санап, партия бағдарламасына қандай толықтыру енгізетініңді ойланып көр
Бағалау: Алашордашылардың қоғамдық қызметін бағала.

Әрбір бала - жанар шырақ, оны жаға білу мұғалімнің парызы мен міндеті.
Міндетке жету жолында еш қажымай, талмай, ерінбей еңбек ету керек.
Баланың дарыны мен қабілетін ұштау ұстаздың қолында.
Ащы термен шыққан тәтті балды сезінейік.
Шәкірт қанаты талмай, биік шыңға самғасын!

Сабақтан алған әсері туралы пікірін стикерге жазып, <<Ізгілік ағашына>> жапсыруды тапсыру.
Коучингке қатысқан мұғалімдерге алғыс жазылған конфеттер ұсынады.
Екі жұлдыз, бір тілек.

SWOT талдау
<<Оқыту үшін бағалау және оқу үшін бағалау - оқуға ынталандырудың кепілі>> тақырыбына өткен коучингке SWOT талдау.
Критерий
Нәтиже талдау
S.(Strengths) <<сильные стороны>> күшті жақтары
Мен 21 қыркүйек күні "Блум таксономиясының ҚМЖ құрудағы тиімділігі" тақырыбында коучинг өткіздім. Коучингтің мақасыты: ҚМЖ құруда Блум таксономиясы арқылы жоспарлай отырып, оқушыларды сын тұрғысынан ойлатуға ең тиімді тәсіл екеніне көз жеткізу. Коучингте шаттық шеңберіне тұрғызып, бір-біріне жақсы тілектерін айтқызып алдым. Мұғалімдер арасында жақсы психологиялық ахуал туғызып алдым. Содан соң стикерлер арқылы топқа бөліп алған соң топтық тапсырмалар бердім.
1-тапсырма. <<Бала мен ойыншық>> деп аталды.
Баланың іс-әрекетін ретімен айту. Мысалы, көреді....
1-сұрақ: Бала жаңа ойыншықты әкеліп берсе қандай әрекетке барады? - деген сауал тастап, постер қорғауға тапсырма бердім. Әр топ өздерінеше сомдап ойлану әрекетін жасады. Содан соң өзім Блум таксономиясы арқылы қысқа мерзімді жоспарды құрып жүргенім жөнінде таныстырып өттім. Содан соң әр пән мұғалімдері бірігіп өз бетінше бір тақырыпқа ҚМЖ құрауды ұсындым.мұғалімдер ҚМЖ-ды жақсы құра білді.
W.(Wefrnesses) <<слабые стороны>> әлсіз жақтары
Мұғалімдердің коучингке аз жиналуы. Оған өзімнің ықпал ете алмағандығым.
O.(Opportunities) <<возможности>> мүмкіндіктер
Мұғалімдерді коучингке қызығушылықпен қатыстыруға ықпал етуге жағдай жасаймын.
T.(Threats) <<угрозы>> қауіптер, кедергілер
Мұғалімдердің ойлау деңгейінің қаншалықты екенін білмеу мен үшін кедергі саналды. Тез ойланып, тез шешім қабылдау әр мұғалімнің міндеті деп білемін Сондықтан әр мұғалім жұмысқа кедергі болмауы керек.

SWOT талдау нәтижесінде алдағы уақытта қандай жұмыстарды жоспарлау керектігін анықтадым және "қаупті" деп отырған мұғалімдерді анықтап, келесі коучингке қатыстыруды алдыма мақсат етіп қойдым. Жалпы коучинг өз мақсатына жетті деп есептеймін.

Коуч: Актаева Ж.Т.