Мектеп кітап ханасы

<<С.Сейфуллин атындағы орта мектеп>>

Дайындаған:Аманова Салтанат

2016 жыл
С Сейфуллин атындағы орта мектебі бойынша
2015-2016 оқу жылының 2-12 ақпан аралығында өткізілген
<<Өзін-өзі тану: Махаббат пен шығармашылық педагогикасы>>
тақырыбындағы онкүндіктің қорытындысы туралы
х а б а р л а м а
Біз XXI-ші ғасырда, адам санасының шарықтап дамыған уақытында өмір сүру мүмкіндігін алып отырмыз. Бұл бізден осы заманның сұранысы мен талабына сай білімді, рухани байлықты қажет етеді. Баланың жеке тұлға ретінде үйлесімді қалыптасуы мен дамуы өзін-өзі тани білгенде ғана жүзеге аспақшы. Осы орайда көптеген жылдар бойы аналық жүрек жылуын бала өміріне арнап келе жатқан Сара Алпысқызының авторлығымен енгізілген <<Өзін-өзі тану>> адамгершілік-рухани білім беру бағдарламасының маңыздылығын және сырлы әлемге толы дүние екендігін баршаға жариялау мақсатында С Сейфуллин атындағы орта мектебінде Атырау облысы білім беру басқармасы әдістемелік кабинетінің 2016 жыл 18 қаңтар №1548/85 хатына, аудандық білім бөлімінің 2016 жыл 19 қаңтар №22 бұйрығына сәйкес, мектеп директорының 2016 жылғы бұйрығын орындау мақсатында ағымдағы жылдың 2-12 ақпан аралығында 1-11 сынып оқушыларының қатысуымен <<Өзін-өзі тану>> пәнінің <<Өзін-өзі тану: Махаббат пен шығармашылық педагогикасы>> тақырыбында дәстүрлі онкүндігі өткізілді.

Онкүндіктің мақсаты: Өзін-өзі тану пәнінің авторы С.А.Назарбаеваның еңбегін таныту, оқушылардың бойына рухани-адамгершілік қасиеттерді дарыту, ұлттық және жалпы адами құндылықтарды дамыту, өзара келісім мен өзара түсіністікке баулу, мейірімділік пен адамзатқа деген сүйіспеншілікті қалыптастыру.
Онкүндіктің әрбір күні - мейірімділікке толы мерекеге айналды. Атап айтсақ 2-12 ақпан аралығында онкүндікті өткізу үшін мектеп бойынша әдістемелік бірлестікте іс-шаралар жоспары жасақталып,жоспарға сәйкес шаралар өтті.
Онкүндіктің алғашқы күні мерекелік салтанатты жиынмен ашылды.Жиынға қатынасқан 1-11 сынып оқушылары онкүндіктің жоспарымен таныстырылды, барлық сынып оқушыларын аталған онкүндікке белсенді атсалысуға шақырылды.
3 ақпанда <<Мәңгілік адамгершілік құндылық>> тақырыбында кітап көрмесі жасақталды, онда мектеп кітапханашысы Э.Зинешеваның ұйымдастыруымен
өзін-өзі тану туралы мағлұмат алатын <<Самопознание kz>>, <<Өзін-өзі тану>> журналдарының топтамасы, <<Мен АДАММЫН>>, <<Тағылым>>, <<Қазақтардың дүниетанымы>> С.Назарбаеваның еңбектері т.б өзін-өзі тану негізінде, баланың адамгершілік - рухани әлеуетін көтеру мақсатында ақпарат көздерімен толықтырылды.
4 ақпанда <<Өзін-өзі тану - біздің әлеміміз>> айдарымен қабырға газеттері шығарылды.
5 ақпанда өзін-өзі тану пәнінен <<Өзімшілдік пен көпшілдік>> тақырыбындағы ашық сабағын 4ә сыныбында мұғалім Г.Жұмағұлова өткізді. Сабақ барысында мұғалім тұлғаның бойында кездесетін өзімшілдік пен көпшілдік туралы айта келіп, баланың жан-жақты қалыптасуы үшін ата-ана мен мектеп, достарының
қарым-қатынасында махаббат, сүйіспеншілік, адамгершілік, қайырымдылық, әділдік, ұйымшылдық, мәдениеттілік қасиеттері кісілік келбетін сақтайтын тұлға тәрбиелеуге керек екендігін сөз етті. Сонымен қатар әр отбасындағы қалыптасқан дәстүрлер жайында балалармен пікір алмасу болды.
Онкүндік аясында 6 ақпанда 9 сынып оқушыларымен мектеп психологы А.Өмірбекова мен тәлімгер М.Сахипова <<Қайырымдылық жылы жүректен >> шарасын ұйымдастырып, жалғыз басты, қарт кісілерге көмек көрсетіп,
үлкендердің ризашылығына бөленіп, олардың батасын алды.
8 ақпанда саз пәнінің мұғалімі А.Мусағалиева <<Өнерін өрге өрлеткендер>> тақырыбында 6 сыныпта ашық сабақ өткізді. Бұл сабақта оқушылар өз ойларын еркін жеткізіп, Отан, туған жер, өмір туралы әндерді шырқап, әннің шығу тарихы, әнді орындаушы, әнді сүйемелдейтін аспаптар, олардың шығу тарихы, орындалатын арнайы орындар туралы айтып,талдап, үлкен белсенділік танытты. Жалпы бұл орайда оқушылардың пәнге деген қызығушылығы артты.
9 ақпанда Өзін-өзі тану пәнінің мұғалімі, мектеп психологы А.Өмірбекованың 7-сынып оқушыларына дайындап, өткізген <<Жүрек жылуы>> атты тренингі сәтті өтті. Өткізілген тренингте оқушылар өздеріне, қоршаған ортаға және бүкіл адамзатқа деген қарым-қатынасын айқындайтын адамгершілік мінез-құлықтарының әлеуметтік маңызын арттырды.
Оқушы шығармашылығын жариялау мақсатында 1-11 сынып оқушылары жұмыстарынан <<Өзін-өзі тану және мен>> тақырыбында сурет және эссе байқауы ұйымдастырылып, өткізілді. Оған балалардың Отан, достық, қайырымдылық, отбасы, табиғат тақырыптарына салынған суреттері, эсселері жинақталды.
Байқау барысында 4-сынып оқушылары С.Нұрболатұлы,Ұ.Альмұханова,
5-сыныптан Н.Дүйсенғалиева, Н.Сайынова, 6-сыныптан М.Қожасова, Н.Сағатова,
Б.Тұрсынғалиев, 10-сыныптан А.Бакишева, Ж.Атажанова,11- сыныптан Ә.Шеркешбаевалардың жұмыстары көпшілік көңілінен шықты.
10 ақпанда 3-5 сынып оқушылары аралығында <<Өмір деген бір нәзік сәуле екен ғой>> тақырыбымен көркемсөз оқушылар сайысы өткізілді. Сайысқа қатынасқан А.Әмірханова, А.Асқар, А.Әлібекқызы А.Ермағанбетова аталған сынып оқушылары оқулықта берілген авторлардың өлеңдерін жатқа айтты.
Жас жеткіншектердің рухани дамуын жетілдіру мақсатында 4а-сынып оқушыларына дайындаған психолог В.Харкеннің <<Мейірімге толы жүрек>> тренингі өткізілді. Өткізілген шараның соңынан оқушыларға психологиялық кеңестер берілді.
11 ақпанда саз пәнінің мұғалімі А.Мусағалиева мен мектептің көркемдік жетекшісі Н.Сатимовтың ұйымдастыруымен 3-9 сынып оқушылары арасында <<Сенің жұлдызды сәтің>> атты ән байқауы өткізіліп, оқушылардың әнге деген қызығушылықтарын арттырды.
Оқушылардың дарындылық қабілеттерін ашу бағытында <<Өзін-өзі танудың ғажайып әлемдері>> тақырыбымен шығармашылық қолөнер туындылары байқауы өткізілді. Байқауға А4 форматты қағаздан дайындаған <<Қос аққу>>, <<Әсем гүлдер>>, домбыра, гүлдестелер дайындалса, қолдан дайындалған желпуіштер, пластикалық бөтелкеден дайындалған гүл, мата қалдықтарынан дайындалған ойыншықтар тартымды болды.
12 ақпан күні <<Өзін-өзі тану: Махаббат пен Шығармашылық педагогикасы>> онкүндігінің қорытынды шарасы ретінде <<Мейірімділік, махаббат, қайырымдылық әлемі>> атты концерттік бағдарлама ұйымдастырылды.Одан әрі <<Махаббатпен жылынған жүрек>> тақырыбымен онкүндік қорытындыланып, жоспарға сай өткен шараларда белсенділікпен қатынасып, өз шығармашылықтарымен танылған оқушылар мектеп әкімшілігі, пән мұғалімдері атынан дипломдармен марапатталды.
<<Өзін-өзі тану: Махаббат пен Шығармашылық педагогикасы>> өскелең ұрпаққа берген білімімізбен тәрбиеміз, келешекте еліміздің өркендеп өсуі мен дамуына ықпал жасасын. Мектебімізде әлі де осындай игі істер жалғасын табады.

<<Бекітемін>>
Мектеп директоры:
Р.Курганбаева

С.Сейфуллин атындағы орта мектебі бойынша
2015-2016 оқу жылының 2 - 12 ақпан аралығында өткізілетін
<<Өзін-өзі тану: Махаббат пен Шығармашылық педагогикасы>>
тақырыбындағы онкүндіктің іс - шаралар жоспары

№
Өткізілетін
іс-шараның атауы
Жұмыс түрі
Өтетін орны
Күні
Қатысатын
сыныптар
Жауапты орындаушы
лар
1
<<Махаббат пен Шығармашылық педагогикасы>> онкүндіктің ашылуы
мектеп жиыны
(линейка)
2 қабат дәлізі
2.02
1-11
сыныптар
С.Аманова
ӘБ жетекшісі
пән мұғалімдері
2.
<<Мәңгілік адамгершілік құндылық>> С.Назарбаеваның еңбектері
кітап көрмесі,
альбом жасау.т.б
Мектеп кітап
ханасы
3.02

Э.Зинешева кітапханашы
3
<<Өзін-өзі тану - біздің әлеміміз>>
қабырға газеттері

4.02
5-11 сыныптар
сынып жетекшілері
4
<<Өзімшілдік пен көпшілдік>>
ашық сабақ
<<Өзін-өзі тану>> кабинеті
5.02
4ә сыныбы
пән мұғалімі Г.Жұмағұлова
5.
<<Қайырымдылық- жылы жүректен>>
жалғыз басты,
қарт кісілерге көмек

6.02
8-11
сыныптар
Мектеп тәлімгері,
С.Аманова,
А.Өмірбекова
6
<<Өнерін
өрге өрлеткендер>>
ашық сабақ
<<Өзін-өзі тану>> кабинеті
8.02
6 сынып
пән мұғалімі А.Мусағалиева

<<Жүрек жылуы>>
тренинг
<<Өзін-өзі тану>> кабинеті
9.02
7 сыныптар
А.Өмірбекова -
мектеп психологы
7.
<<Өзін-өзі тану және мен>>
сурет байқауы,
эссе байқауы

9.02
1-11 сыныптар
Пән мұғалімдері
8
<<Өмір деген бір нәзік сәуле екен ғой>>
Көркем
сөз оқушы
лар байқауы
<<Өзін-өзі тану>> кабинеті
10.02
3-9
сыныптар
С.Аманова -
ӘБ жетекшісі
Э.Зинешева -
кітапханашы
9
<<Мейірімге толы жүрек>>
тренинг
<<Өзін-өзі тану>> кабинеті
10.02
4а сыныбы
В.Харкен - психолог
10
<<Сенің жұлдызды сәтің>>
ән байқауы
Акт залы
11.02
3-10 сыныптар
А.Мусағалиева
11
<<Өзін-өзі танудың ғажайып әлемдері>>
көрме
1қабат дәлізі
11.02

С.Аманова -
ӘБ жетекшісі
12
<<Мейірімділік,
махаббат,
қайырымдылық әлемі>>
Концерт
тік бағдарлама
Акт залы
12.02

Н.Сатимов - көркемдік жетекші
12
<<Махаббатпен жылынған жүрек>>
Онкүндік
тің жабылуы
марапат
тау
2 қабат дәлізі
12.02

Дайындаған: әдістемелік бірлестік жетекшісі: С.Аманова

<<Мәңгілік адамгершілік құндылық>> тақырыбында
<<Өзін-өзі тану>> жобасының авторы С.А.Назарбаеваның
еңбектері жайлы кітаптар көрмесі туралы хабарлама

Мақсаты: Сара Алпысқызы Назарбаеваның туған күніне арналған іс-шаралар аясында оқушыларға Ел анасы туралы ауқымды ақпарат беру, оқушылардың өзін-өзі тәрбиелеу, өзін-өзі жетілдіру арқылы болашаққа құштарлығын дамыту.
Мектеп кітапханасында <<Мәңгілік адамгершілік құндылық>> атты кітап көрмесі ұйымдастырылды. Өзін-өзі тану пәні өзімізді қоршаған ортаны тануда көптеген жаңалықтар мен қызықты дүниелерге жол ашатындығын, қабілеттері мен мүмкіндіктерінің ашылуына барынша жағдай жасайтындығын, даналық сөздердің мәнін ұғынып, өнегелі аңыз - әңгімелерді оқып білу арқылы өмірді тануға мүмкіндік алып, адамгершілік қарым - қатынастың мәнін ұғатынын оқушыларға түсіндіре отырып, жас өспірімдерді адамгершілікке, азаматтыққа, елжандылыққа тәрбиелеу.
Кітап көрмесіне келген оқушыларға <<Өзін-өзі тану>> жобасының авторы, ел анасы Сара Алпысқызы Назарбаеваның өмірі мен қызметі туралы, адамның денсаулығы және П.К.Ивановтың <<Детка жүйесі>> (1999ж. бірлескен авторлықта), <<Өзіңе жол>> П.К Ивановтың ілімі Сау тұлғаны тәрбиелеудің әдісі ретінде ( 1999 ж), <<Өмір этикасы>> (2001), <<Сүйіспеншілікпен>> (2001ж ) атты еңбектерімен таныстырылды.

<<Мәңгілік адамгершілік құндылық>>
кітап көрмесінен көрініс

Көрмеге қойылған кітаптар:
1.Тоғысбаев Б., Сужикова А. Тарихи тұлғалар.Танымдық көпшілік басылым.
Мектеп жасындағы оқушылар мен көпшілікке арналған .<<Алматы кітап>>ЖШС 2005.-368 бет
2. Кенжеахметұлы С. Қазақ халқының салт- дәстүрлері. Алматы:<<Алматы кітап>> ЖШС 2005.-284 бет, суретті.
3. Кенжеахметұлы С. Қазақ халқының тұрмысы мен мәдениеті.-Алматы: <<Алматы кітап>>ЖШС,2006.-384бет, суретті
4. Матайқызы Д.Ұрпағым саған айтам.-Алматы:Өлке, 2011-136 бет. 2басылым.
5. Матайқызы Д.Айналайындарым менің...- Алматы:Өлке,2002.-208 бет
6. Әуезов М.Абай жолы.-Алматы,2000.
7. Ахметова З.Шуақты күндер.-Алматы,1987.-89 бет.
8. Момышұлы Б.Ұшқан ұя:Повесть,әңгіме,нақылдар-Алматы: Атамұра 2003. 240 бет.
9. Сухомлинский В.Көгілдір тырналар.-Алматы:Мектеп,1976-3 бет
10. Алтынсарин .Таза бұлақ:өлеңдер, әңгімелер, мысалдар, ертегілер Алматы:Жазушы, 2003.
11. Өтетілеуұлы Е Әдептілік-әдемілік.-Алматы:Алматы кітап,2002.
12 . Соқпақбаев Б.Менің-атым Қожа.-Алматы:Жазушы,2001.
13. Ең қымбат нәрсе.-Алматы:Аруна,2007-72бет-<<Әлем ертегілері>>
топтамасы.
14. Тазша бал - Алматы:Алматы кітап,2002 -41бет
15. Алтын балық-Алматы:Алматы кітап,2002-41бет.
16. Өнегелі ертегілер. Қазақ ертегілерінің антологиясы - Алматы:Аруна,2007-
72бет
17.Батырлар жыры.(Құраст. Е.Дүйсенбайұлы) -Алматы:Жазушы,2009.352бет.
Сондай-ақ <<Аруна>> баспасы мектеп жасындағы балаларға арналған <<Сен білесің бе?>>атты тарихи-этногафиялық кітаптар топтамасымен шығарылған <<Қазақстанның төл мерекелері>>, <<Ұлттық ою -өрнектер>>, <<Салт дәстүрлер,
<<Ұлттық киімдер>>, <<Ер қанаты болған бес тұлпар>>, <<Алтыбақан>>, <<Наурыз>>т.б кітапшалармен таныстырылып, осы кітаптарды алып оқуға ұсыныс жасады.

Көрмені дайындаған: Мектеп кітапханашысы - Э.Зинешева

Өзін-өзі тану 4ә сынып пән мұғалімі Г.Жұмағұлова

Сабақтың тақырыбы: Өзімшілдік пен көпшілдік
Құндылық: дұрыс әрекет.
Қасиеттер: сыйластық, бірлік, көпшілдік
Сабақ мақсаты: Адам өміріндегі <<Дұрыс әрекет>> құндылығының
мағынасын кеңейту.
Міндеттері:
1. Оқушыларға <<көпшілдік>>, <<өзімшілдік>>, ұғымдары туралы түсінік беру.
2. Оқушыларды өзара сыйластық қарым-қатынастарын дамыту.
3. Оқушыларды көпшілдікке, бірлікке тәрбиелеу.
Ресурстар: т/т қағаз, стикерлер, қайшы, АҚТ
Сабақ барысы:
* Ұйымдастыру кезеңі.
1. Тыныштық сәті.
Көзімізді жұмамыз, терең демаламыз. Әр демімізбен өзімізді еркін, тыныштықта сезінеміз. Қазір біз орманға дем алуға барамыз. Елестетіңіз, сыныптан шығып, дәлізден өтіп, далаға бет аламыз. Таза ауаны сеземіз, самал ескен жылы жел мен күннің нұры ақырын ғана бетімізден өбеді, шашымызды сипайды.
Біз ақырын орманға қарай бет аламыз. Абай болайық, жердегі жәндіктерді аяғымызбен басып кетпеуге тырысайық. Бір минут тоқтап, айналамыздағы әсемділікке көз салайық. Құлпырып өскен гүлдердің иісі мұрынды жарады, қандай керемет иіс! Айналамыздағы әрбір әсемдікті көзімізден таса қылмай, ары қарай бет аламыз.Орманның ішіне де келдік. Құстардың әсем әуені, шөптердің сыбдыры жан дүниемізді жаулап алғандай. Айналамызда түрлі ағаштар. Сол ағаштың ішінен бір қайыңды таңдап алыңыз. Бауырында отырып, біраз тыныстап алыңыз.Мен бақыттымын, менің жан дүнием тыныш. Табиғат қандай тамаша! Мен табиғаттың бір бөлшегімін, менің табиғатқа зияным тимеуі керек, кез келген уақытта мен осы ағаштың түбіне келіп дем аламын. Енді орнымыздан ақырын тұрып, айналамызға тағы көз жібереміз. Келген ізімізбен мектепке қарай аяндаймыз. Сыныпқа келіп өз орнымызға отырайық! Тыныштық пен разылықты жүрегімізде сақтап, көзімізді ашамыз, бір-бірімізге қарап, күлімсірейміз!
2. Үй тапсырмасын тексеру: 19 сабақ. Данышпан атаның ақыл-кеңесін білдіретін түйіндеме сөздер: (Презентация)
Адамдарға .... (ізет білдіріңдер!)
Түсінбегеніңді ... (сұрап ал!)
Айтылған ... (сөзге мән бер!)
Әңгімені ... (мұқият тыңда!)
Сөйлеушінің .... (сөзін бөлме!)
Сөйлеп тұрған адамға .... (көңіл бөл!)
3. Дәйексөз. Болмағын кекшіл, болсайшы көпшіл! (Абай.)
3.1. Дәйексөзді хормен айтқызу.
3.2. Дәйексөздің мәнін ашу: дәйексөздің мағынасын қалай түсінесіңдер?
3.3. Дәйексөзді дәптерге жазғызу.
3.4. Қорытынды: Өзімшіл адамның достары болмайды, себебі ол тек өз қамын ойлайды. Көпшіл адам барлығымен тіл табыса алады. Оның бойында кеңпейіл, сыйластық, т.б жақсы қасиеттер көрінеді.
4.Сабақ барысын талдау:
1. Мұғалім сыйы.
Бейне ролик <<Өзімшіл Көксарай>> не мультфильм <<Великан - эгоист>>
Сұрақтар:
1. Көксарайдың бойындағы қандай қасиеттерді байқадыңдар?
2. Көксарайдың әрекеттері туралы не дейсіңдер?
3. Бейнероликті көрген кезде қандай ой туды?
- Өмірлеріңде осыған ұқсас жағдайлар болды ма?

2. Топтық жұмыс
Дәптерде жұмыс. Терме диктант: бауырмалдық, басқалармен санаспау, өз қамын ойлау, белсенді, жомарттық, менмендік, тәкаппарлық, қауымшыл, өркөкіректік, ақкөңілдік, өз басының пайдасын ойлау.
5.Шығармашылық жұмыс: <<Ғажайып қапты>> толтыру:
-Өзін-өзі тану елінің биіктегі <<Адамгершілік шыңына>> да жетіп қалған сияқтымыз.Олай болса, балалар, мына <<Ғажайып қапты>> әркім сыныпқа арнап жақсы тілек қағазға жазып толтырайық.
6.Үйге тапсырма: <<Өмірде ерлікке орын жетеді>> тақырыбында ойтолғау жазып келу.
7.Топпен ән айту. <<Дос болайық бәріміз>> сөзі: Х.Талғаров, әні:И.Нүсіпбаев

Әрқашан дос, біргеміз,
Ажырамас іргеміз.
Ілгері жүріңдер,
Достық жырын біліңдер.
Ту ғып ұстап бірлікті,
Еңбекті сүйіңдер!

Қайырмасы:
Дос болайық, бәріміз
Жарасып тұр әніміз.
Тыныштықты сақтаймыз,
Атсын күліп таңымыз.

Қайраттанып қарышта,
Озып шыққан жарыста.
Батыл бас, жас ұлан!
Самға биік, алысқа,
Жұлдыздарға, ғарышқа,
Бойда күш тасыған.
Қайырмасы:
8. Соңғы тыныштық сәті. Ақырын музыка үнін қосу. <<Музыка осени>>
Слайдтар. Бірлесіп орындалған жұмыстардың суреттері. (ағаш отырғызу, үй тұрғызу, құмырсқалардың илеуі т.б.)
Жүрегіміз мейірімділікке толып, тек жақсылық ойлап жүрейік, жақсылық жасай білейік.Өзімшіл болмай,көпшіл болайық балалар.

Сабақты дайындап өткізген: Г.Жұмағұлова.

<<Өмір деген бір нәзік сәуле екен ғой>>
тақырыбындағы көркемсөз оқушылар байқауы туралы
хабарлама
Онкүндік аясында 10 ақпан күні <<Өмір деген бір нәзік сәуле екен ғой>>
тақырыбында көркемсөз оқушылар байқауы өткізілді. Сайысқа 3-5сынып оқушылары қатынасты.
Аталған сайыстың негізгі мақсаты:
- рухани ләззат беріп, қиялға қанат бітіретін, тұлғаның рухының өсіп-жетілуіне азық болар поэзияның қадірін ұғындыру;
- адамның өзіндік қабілетін, мінез-құлқын, бүкіл адамзатқа деген қарым-қатынасын айқындайтын өзін-өзі тану пәнінің рөлін түсіну.
Сайысты бірлестік жетекшісі С Аманова ашып, "Өзін-өзі тану" жобасының авторы С.А.Назарбаеваның өмір жолынан оқушыларға шағын мағлұмат беріп өтіп, бейнеролик көрсетті.
- Сара Алпысқызы Назарбаева 1941 жылдың 12 ақпанында Қарағанды облысы Қызылжар селосында дүниеге келді. 1992 жылғы ақпан айынан бастап -- <<Бөбек>> республикалық балалар қайырымдылық қорының негізін қалаушы және президенті. Бүгін - <<Бөбек>> қорының негізін қалаушы, Сара Алпысқызының туған күні. <<Бөбек>> қорын құрып, жетімдерге жәрдемдескен, <<Өзін-өзі тану>> пәнін білім бағдарламасына енгізіп, жеткіншектерді ізгілікке баулыған тұлға. 2010 жылдың 1-ші қыркүйегі - <<Өзін өзі тану>> пәнін Қазақстан Республикасының үздіксіз білім беру жүйесіне жаппай енгізді.
Қоғам өзгерген сайын заман талабына сай білім парадигмасына да өзгерістер енуде. 21 ғасыр - ақпараттар ғасыры. Ересек түгілі, жас балалардың өздері де күніне бірнеше ақпаратты ой елегінен өткізеді. Ауыл балалары көп уақытын далада ойынмен, үй шаруасына көмектесумен өткізсе, қаладағы балалар сабақтан келген соң теледидар мен компьютер алдында алтын уақыттарын зая кетіріп жатады. Көретіні атыс - шабыс пен шетелдік мультфильмдер, тәрбиеден жұрдай шетелдік бағдарламалар. Міне осындай ақпараттардан баланың санасын тазалайтын, көңілін сергітетін, ұлттық құндылықтарды ұлықтай білуге үйрететін пән деп осы "Өзін-өзі тану" пәнін айтуға болады.
Келесі кезекте оқушылар өздері жаттаған өлеңдерін оқып берді. Оқушылар таңдаған өлеңдер ішінде М.Мақатаевтың, Ә.Табылдиевтың, М.Жұмабаевтың, Ш.Құдайбердіұлының, Қадыр Мырза Әлінің, Ә.Тәжібаевтің, Қ.Әбілдақызының, С.Торайғыровтың шығармалары жиі кездесті. Шараға 3-5сынып оқушыларының ерекше қызығушылықпен қатысқандары қуантты. Сайыс соңында ең көп өлең жаттап, мәнерлеп оқу шеберлігімен көрінген оқушылар дипломдармен марапатталды.

Хабарламаны дайындаған: С Аманова

<<Өмір деген бір нәзік сәуле екен ғой>>
көркемсөз оқушылар байқауынан көрініс
С.Сейфуллин атындағы орта мектеп

Тақырыбы:
(тренинг сабақ)

Өткізген: психолог В.Каркен

Ақпан.2016 жыл
Тақырыбы: <<Мейірімділікке толы жүрек>>
Мақсаты:
1.Адамдардың бір-біріне деген мейірім шапағатының мән-мағынасын түсіндіру;
2.Жанында жүрген адамдарға деген сүйіспеншілікті дамыту;
3.Жанында жүрген достарына, адамдарға мейірімді, адал болуға тәрбиелеу.
Көрнекілігі: бұлт басқан аспандағы күн, кемпірқосақ, бұлт және оның тамшылары, қоқыс жәшігі, парақшаларға жазылған сандар, түрлі-түсті парақшалар.
Барысы:
І.Кіріспе сөз:
Мұғалім: Сәлематсыздар ма құрметті ұстаздар және оқушылар.Бүгінгі өзін-өзі тану сабағынан <<Мейірімділікке толы жүрек>> атты ашық сабағымызға қош келдіңіздер!
ІІ.Шаттық шеңбері:
Шеңбер болып тұрайық жылы жүзбен,
Бізге келсін қуаныш нұр іздеген.
Мейірім толған жанымыз жүрегіміз,
Үлгі алсын көрген жан мына бізден.
Оқушылар: Үлкенге де сіз
Кішіге де сіз
Бар адамға құрметпен
Бас иеміз біз.
Барлық балалардың дендері сау болсын, бақытты болсын!
(жаймендеп сазды әуен ойналып тұрады)
ІІІ бөлім:
-Балалар өмірде жаман адам тумайды.Егер нәпсісі рухынан жоғары үстем болса, ондай адам бойынан жақсы іс-әрекеттерді табу қиын. Ал, барлық жақсы қасиеттер яғни шыншыл, мейірімді, еңбекшіл, ақылы мол адамда болады. Осының бәрі рухтан шығады.
Рух дегеніміз- адам бойындағы бір күшті қуат, сезім,т.б. Күн адамның рухы болса, күннің сәулесін ақыл деп алайық.
-Мына күнге қарайықшы, осы жарық күнді біз мейірман шуағын төгетін құдіретті анаға теңейік. Бірақ күніміздің бетін жартылай бұлт басып тұр, яғни бұл ана жүрегіндегі көлеңке сезімі.
О, хош келдіңіз, күн көктегі,
Арманым болар көп тегі.
-Балалар, күннің бетіндегі бұлттарды ашып, ана көңілін сергітуіміз керек.
-Күннің көңілін сергіткілерің келсе, оны бұлттан құтқару керек.(оқушылар шығып, күн үстіндегі бұлттарды алып, артындағы <<Мейрімімге - толы жүрек>> тақырыбын шығарады)
ІҮ бөлім:Тренинг ойындар
<<Жылылық сезімі>>
Шарты:Адамдар бір-біріне жылы сезімін білдіріп, тек жақсылық ойлау,
игілік жасау арқылы мейірімділік таныта алады.
Оқушылар бір-бірінің алақандарын алақандарына қойып жақсы тілек тілейді.

<<Балалар достығы>>
Шарты: Балалар шеңбер бойымен тұра қалады. <<Қолға-қол, иыққа-иық,басқа-бас, бетке-бет, мұрынға-мұрын, құлаққа-құлақ>> деген кезде жанында тұрған балалармен бір-бірінің денелерін түйістіреді.Соңында адамға-адам деген кезде балалар бір-бірімен құшақтасады.

<<Мейірімділікке адымдар>> ойыны
Шарты: Егер <<иә>>деген жауап болса оқушылар алға бір адым жүреді,ал егер <<жоқ>> деген жауап болса онда орнында тұрып қалу.
1.Мұғалімнің түсіндіргенін мұқият тыңдау.
2.Әңгімені бөліп, бөтен әңгімеге араласу.
3.Үлкенге және қызға орын беру.
4.Үлкенге көмектесу.
5.Ойыншықты тартып алу.
6.Жолдастарыңмен дөрекілену.

<<Жақсылық тамшылары>>
Шарты:Балаларға тамшылар үлестіріліп сол тамшыларға адам бойында кездесетін жақсы қасиеттер, мейірімді істерді жазып, алдарындағы бұлттың төменгі жағына жапсырып, жақсы қасиеттермен,мейірімді істермен толтырып бұлтты нұрға айналдыру.

Ү бөлім: Балаларды әрқашан күннің шуағындай бір-біріне күлімдеп мейірімді, әдемі,шаттанып көңілді болып жүруге және жаман қасиеттерді бойымызда болдырмау мақсатында барлығын ортаға шығарып флеш-моб би билету.

ІҮ бөлім: Қорытынды.

<<Мейірімділікке толы жүрек>>
тренингтен көрініс

<<Қайырымдылық- жылы жүректен>>
қайырымдылық күнінен көрініс

Саз пәні: 6 сынып.
Сабақтың тақырыбы: <<Өнерін өрге өрлеткендер>>
Сабақтың мақсаты: а) ансамбль, камерта туралы мағлұмат беру;
б) орындаушылық шеберлігін,дауыс ырғағын,мелизмдерін дамыту;
в) өнерді құрметтеуге, ізгілікке тәрбиелеу.
Сабақтың түрі: жаңа сабақ
Сабақтың көрнекілігі: оқулық, аспап, интерактивті тақта.
Сабақтың барысы:
I. Ұйымдастыру кезеңі: Амандасу,түгендеу,құралдарын тексеру.
II. Үй тапсырмасын тексеру: Сұрақ- жауап, ән айту.
III. Жаңа сабақ:
<<Қазақстан камератасы>> ансамблі 1997 жылы құрылған профессор Г.Мырзабекова консерваторияның ең мықты 16 талантты жас музыканттардың басын қосып камералық ішекті аспаптар ансамблін жасақтады. Ансамбльдің атын <<камерата>> қойды.

Камерата Италияның <<камера>> яғни <<бөлме>> немесе <<палата>> деген ұғымды білдіреді. Бұл ансамбльдің ерекшелігі әр музыкант жеке солист болуымен қатар өте шебер орындаушы болып саналады.
<<Қазақстан камератасы>> ансамблінің жоғары деңгейдегі орындау мәдениеті әлемнің көптеген мемлекеттерінде танымалдылыққа қол жеткізді.
IV. Түсініп ал:
XVI-XVIII ғасырларда Еуропа мәдениетінде <<камералық музыка>> ұғымы ақсүйектерге қатысты болған.
Камералық ансамбльдер дуэт түрінде құрылып үлкейе келе ансамбль, оркестрге жеткен.
V. Дауыс жаттығуы: до, ре, до;
ма, ме, ми, мо, му;
бра, бре, юро, бру.
VI. Ән айту: <<Ана туралы жыр>>, <<ағаларым>> қайталау
VII. Қорытынды:
1. <<Қазақстан камератасы>> қашан құрылды?
2. Неге камералық музыка деп атайды?
I. Үйге тапсырма: шығарманы талдау.
II. Бағалау:

Сабақты дайындап өткізген: пән мұғалімі А.Мусағалиева.
<<Жүрек жылуы>>
Мақсаты: <<Қайырымдылық>>, <<мейірімділік>> адамгершілік
кұндылықтары туралы түсініктерін кеңейту.
Міндеттері: - мейірімділік, кайырымдылық туралы түсініктерін кеңейту;
- камқорлық жасауға жетелеу;
- мейірімділікке тәрбиелеу.

Туристік саяхат: Саяхатқа шығарда әрбір оқушы өзінің атының бірінші
әрпінен басталатын зат алып шығу керек.

Шарды жару арқылы сұрақтарға жауап беру
1.Үлкендер еркелеткенде қандай күйде боласыңдар?
2.Жақсы көретін адамдарға қандай тілек айтқың келеді?
3.Басқаларға жақсылық жасаған кездерің болды ма?

"Ауызша воллейбол"
Балалар шеңбер бойымен тұрады. Допты бір-біріне берген кезде балалар адамгершілік қасиеттер туралы айтулары керек. Мысалы: шыншылдық, мейірімділік, адамгершілік, әділдік, кішіпейілділік, батылдық, ұстамдылық, жанашырлық.
Шығармашылық жұмыс:
Жүрегінен шыққан мейірімділік, қайырымдылық, жанашырлық, жан жылуы кімдерге , нелерге арналатынын өлең шумақтарымен немесе суреттермен ақ қағаз беттеріне жазамыз немесе суретін саламыз.
Жүрек жылуы:
Тапсырма: стакандағы суға тек қана жақсы тілектер айтамыз.
Жүректен жүрекке:

Тренингті дайындап өткізген: пән мұғалімі А.Өмірбекова
<<Сенің жұлдызды сәтің>>
ән байқауынан көрініс

<<Өзін-өзі танудың ғажайып әлемдері>>
көрмеден көрініс