Жүйелік блоктың құрамы

Пән аты: Информатика
Класы: 5 <<А>>
Сабақтың тақырыбы: Компьютердің негізгі құрылғыларының міндеттері және мүмкіндіктері.Пернетақта.
Сабақтың мақсаты:
Білімділік: Оқушыларға компьютердің негізгі құрылғыларының міндеттері және мүмкіндіктері туралы толық мағлұмат бере отырып,олардың түрлерімен және атқаратын қызметтерімен таныстыру. Пернетақта туралы түсінік беру және оның қызметімен таныстыру.
Тәрбиелік: Оқышыларды тәрбиелікке,ұқыптылыққа үйрету.
Дамытушылық: Оқушылардың компьютерлік сауаттылығын одан әрі дамыта отырып, қауіпсіздік ережесін үнемі сақтап отыруға үйрету.
Сабақтың түрі: Аралас сабақ.
Сабақта қолданылатын көрнекті құралдар: компьютер,интер.тақта, электронды оқулық
Сабақтың өту барысы:
1. Оқушыларды ұйымдастыру.
2. Үйге берілген тапсырманы тексеру.
3. Жаңа тақырыпты түсіндіру.
4. Сабақты бекіту.
5. Үйге тапсырма беру.
6.Бағалау.
Үй тапсырмасы бойынша сұрақтар
> Компьютер дегеніміз не?
> Компьютердің қандай түрлері бар?
> Компьютер қайда және қалай қолданылады?
> Дербес компьютердің түрлерін атаңдар?
Жаңа тақырыпты түсіндіру:
Компьютердің құрылымы
Барлық компьютерлердің бір бірінен айырмашылығы олардың құрамына кіретін құрылғылар жиынының әртүрлі болуында.
Дербес компьютер үш бөліктен тұрады:
* ақпаратты шығару құрылғысы - монитордан
* ақпаратты енгізу құрылғысы - пернетақтадан
* жүйелік блокта орналасқан ақпаратты өңдеу және сақтау құрылғылары.
Бұл құрылығлары міндетті болып табылады. Бұл құрылғылардың біреуінсіз компьютер жұмыс істей алмайды. Басқа барлық құрылғылар міндетті емес немесе қосымша болады.
Жүйелік блоктың құрамы
Аналық тақша - жүйелік блоктың басқа құрылғылар жалған негізгі бөлігі. Аналық тақша арқылы жүйелік блоктың құрылғылары өзара байланысып, ақпарат алмасу іске асады.
Процессор - жүйелік блоктың <<миы>>. Көбіне оның жылдамдығына компьютердің жұмыс өнімділігі тәуелді.
Жедел - жады - компьютердің деректерді уақытша сақтау жады. Ол тек компьютер жұмыс істегенде ғана қолданылады. Жедел жады мектептегі сабақ тақтасына ұқсас. Сабақ жүріп жатқанда тақтаға жазып, одан ақпарат оқисың. Сабақ аяқталғанда барлық ақпарат тақтадан өшіріледі. Тақта жаңа сабаққа дайын.Компьютер жедел жады да осындай.
Қатты дискі - ақпаратты ұзақ уақыт сақтауға арналған құрылғы.Онда тұтынушының программалары мен файлдары сақталған.
Видеокарта - жүйелік блоктың ішінде орналасқан құрылғы. Видеокарта жүйелік блогындағы бейнені мониторға шығаруға <<дайындайды>>.
Дыбыскарта - компьютерде дыбыспен жұмыс жасау үшін қажет
Желіліккарта - компьютерді басқа компьютермен желі арқылы біріктіру үшін немесе Интернет желісіне қосылу үшін керек.
Пернетақта (Клавиатура)
Пернетақта - компютерге ақпарат енгізетін құрылғы. Онда 101 немесе 105 перне болады .Таңбалық деректерді енгізу қызметін атқарады және негізгі енгізу құрылысы болып табылады.
Шартты түрде пернетақтаны 5-бөлікті бөлуге болады:
-басу пернетақтасы (алфавитті- цифрлық және таңбалық ернелер)
-функционал пернелер: F1-F12
-арнайы операциялар пернелері: Enter, Esc, Tab6, Ctrl, Alt, BackSpace
-меңзерді басқару және редакциялау пернетақтада.
Функционалдық пернелер- Олар символдық пернелердің үстінде орналасқан. Олар компютердің күрделі операцияларын тез орындай. Әр түрлі программаларды әр түрлі қызмет атқарады.
Символдық пернелер - пернетақтаның негізгі бөлігі. Символ, цифр енгізуге болады.
Нұсқаушы немесе меңзерді экранда басқару пернесі. Меңзерді экранда жылжытуға арналған.
Цифрлық-қосыма NumLock пернетақта арқылы қосылып ажыратылады.
Enter - енгізу пернесі - белгілі бір әрекетті аяқтағанда басылады.
Бос орын - символдарды бір-бірінен ажыратады.
<-- немесе Backspace пернесі алдыңғы символды өшіреді.
Shift - бұл кіші әріптерді алкен етуге және керісінше орындауға болады.
Caps Lock - алкен әріптер енгізіледі.
Delete - меңзердің оң жағында орналасқан символдарды өшіреді.
кейбір амалдарды орындау үшін пернелердің комбинациясын пайдаланады. Ctrl Alt
Сабақты бекіту сұрақтары:
> Дербес компьютердің негізі құрылғыларын ата?
> Жүйелік блоктың қызметі қандай?
> Пернетақта дегеніміз не?
> Пернетақтаның қанша пернесі болады?
> Пернетақтаның қандай түрлерін білесіңдер?
> Enter пернесі қандай қызмет атқарады?
Үйге тапсырма: Компьютердің негізгі құрылғыларының міндеттері және мүмкіндіктері. Пернетақта.
Бағалау: