Бала тәрбиесі сіз үшін үлкен мәселе

Ата-ана бақыты-бала
(ата-аналармен кездесу сағаты )
Мақсаты: Ата- аналардың мектеппен байланысын нығайта отырып, ата-анадан бала тәрбиесіне қатысты мәселелерден пікірлерін сұрау, еркін әңгімеге тарту.
Түрі: кездесу сағаты.
Жоспары:
І.Сәлемдесу топқа бөлу
ІІ. <<Бақытты отбасы>> туралы зерттеулермен таныстыру.
ІІІ. <<Бақытты отбасының бәйтерегі>>
ІV.Сергіту сәті: <<Көңілді күн>>
V.Ой жинақтау
VI. <<Аңдар мен жәндіктер>>
VII.
Өту барысы: Сәлеметсіздер ме? Қадірлі ата-ананлар! Қош келдіңіздер! Бүгін 5-7 сынып ата-аналарымен <<Ата-ана бақыты-бала>> атты кездесу сағаты өтеді.
Кіріспе: Әрбір ата-ана өз баласының тәрбиелі, саналы, мәдениетті, жүрген ортасына сүйкімді болуы үшін алдымен тәрбиені өзінен бастағаны жөн, яғни оғаш қылықтармен баласына үлгі-өнеге көрсетпеуге тырысқаны жөн. Ұлы педагог А.С.Макаренко: <<Тәрбие баламен сөйлесумен, әңгімелесумен, оған ақыл-кеңес берумен ғана шектелмейді. Тәрбие тұрмысты дұрыс ұйымдастыра білуде, балаға әркімнің өз жеке басы арқылы үлгі, өнеге көрсетуінде>> деген екен. Сондықтан жас кезінде баласына дұрыс тәрбие бере алмаған ата-ана кейін бармағын тістеп өкініп қалады. Ағашты қалай қисайтсаң солай өседі. Сондықтан балада ағаш сияқты. Қалай өсірсең солай өседі. Оның түзу жолмен жүріп білімді де саналы азамат болып өсуі біздің және ата-ананың қолында дегім келеді.
1. Сәлемдесу рәсімі:Әр елдің өзіндік сәлемдесу рәсімдері болады екен, әуеннің ырғағымен билей жүріп, иықпен, маңдаймен, қолмен, тізелермен амандасып шығыңыздар.
2. Британ зерттеулер орталығының сарапшылары жүргізген үш параметр бойынша <<бақытты елді>> анықтапты. Қойылған талаптардың біріншісі-тұрғындардың өз өміріне қанағаттануы, екіншісі-өмір сүру ұзақтығы, үшіншісі- экологиялық жағдайы.
Таңдауға Европаның 30 елі қатысқан. Нәтижесінде Скандинавия мемлекеттері ешкімге дес бермей, көшбасына шыққан. Атап айтқанда, Исландия1-ші, Швеция 2-ші, Норвегия 3-ші, Дания 6-шы орыннан көрініпті. 4-ші орынға жайғасқан Швецарияда Еуропа бойынша ең ұзақ өмір сүретін адамдар тұрады екен. Ал әлем бойынша бақытты елдер рейтингісінде Тынық мұхитында орналасқан арал мемлекет- <<Вануату>> деген ел көш бастайды екен. Демек мемлекет <<Бақытты>> болуы үшін оның атышушы алпауыт болуы міндетті емес.
Бақытқа жету, бақытты болу-бар адамның арманы. Дәулетті адамдар өздерінің зәулім сарайларында қалай бақытты болуды аңсап бас қатырса, кедейлер лашықтарында отырып, көздеген мұратына жетсем деп күнін күрсінумен өткізген. Әрқайсысы өз бақытын табу жолында мына өмірдің сан қилы соқпақтарынан өтуге бел шеше кірісіп, қаншама тауқымет көрсе де, кідіріссіз алға ұмтылумен болған.
3. <<Бақытты отбасының бәйтерегі>>
Ата-аналар өз отбасыларының ерекше қасиеттерін жазып, ағашқа бекітеді.
4. Сергіту сәті: <<Көңілді күн>> ән айту.
5. Ой жинақтау.
Үш топқа тақырып беріледі. Ата-аналар сол бойынша өз ойларын ортаға салады.
І.Бала-білімді әрі тәрбиелі болып өсуі үшін ата-ана қандай жағдай жасауы керек?
ІІ.Балаларды теріс қылығы үшін жазалау керек пе?
ІІІ. Мұғалім мен ата-ана байланысының тиімділігі бар ма?
6. <<Аңдар мен жәндіктер>>
Ата-аналарға қағаз бен қалам таратылады. Әр қатарға өздеріңе ұнайтын аңдар мен жәндіктердің аттарын жазыңдар. Әркім оқылған сөйлемдерді тыңдайды, өзінің кім екенін анықтау.
Қорытынды:
1. Мені жұрт.... деп ойлайды.
2. Достар арасында...
3. Сіз жұмыста...
4. Жарыңыздың алдында....
7. <<Сіз қандай ата-анасыз?>>сауалнама
1. Кез-келген өзіңіздің бар ісіңізді тастай салып баламен айналыса аласыз ба?
2. Балаңыздың ойын ескермей онымен ақылдаса аласыз ба?
3. Балаңызбен қарым-қатынас барысында жасаған қателіктеріңізді мойындайсыз ба?
4. Өзіңіздің қателігіңіз үшін балаңыздан кешірім сұрайсыз ба?
5. Өзіңіздің балаңыз жасаған ісі ашу шақырған кезде, өзіңізді ұстай, игере аласыз ба?
6. Баланың орынына өзіңізді қоя аласыз ба?
7. Бір сәтте сіз мейірімді адам деп сенуге бола ма?
8. Өзіңіздің басыңыздан өткен, балалық шағыңыздан ескерілетін жағдай айта аласыз ба?
9. Балаңызға уәде беріп, жақсы мінез құлқын ескере отырып уәдеңізді орындайсыз ба?
10. Балаңыздың жүрегін жарақаттайтын сөздерді, сөйлем тіркестерін атамауға тырысасыз ба?
11. Балаға өзіңіз қалаған ісін жасауға, өзін ұстауға кедергі жасамайтындай бір күн еркіндік бересіз бе?
12. Басқа бала сіздің балаңызға дөрекілік көрсетсе, себепсіз ренжітсе, көңіл аудармайсыз ба?
13. Баланың еркелеген дөрекі мінезінің уақытша екенін көре тұрып, соған қарсы тұра аласыз ба?
14. Ата-ананың аты-жөні........................................................................................
Балаңыздың аты-жөні........................................................................................
Құрметті ата-ана сіздің шын жүректен жауап бергеніңізге көп рахмет.
Жауабы: әрқашан жасаймын, келісемін-3 ұпай. Кейде ғана келісемін-2 ұпай. Келіспеймін-1 ұпай. Сауалнаманы бағалау өлшемдері немесе нәтижесі.
0-16 ұпай. Бала тәрбиесі сіз үшін үлкен мәселе. Бала туылғасын дұрыс қалыптастыру үшін педагог немесе психолог мамандардың көмегіне сүйенесіз.
16-30 ұпай. Сіз үшін балаға қамқорлық жасауға бірінші кезектегі маңызды іс, сіздің бойыңызда тәрбиешінің қабілеті бар, бірақ тәжірибеде бір қалыпты ретпен, бір қалыптағы, мақсатпен қолдануды әрқашан жасаймыз. Кейде қатал, кейде мүлде жұмсақсыз. Жауапкершілікпен ойлану керек.
30-39 ұпай. Бала сіздің өміріңіз үшін ең құнды болғаны. Сіз балаңызды тек түсініп қана қоймай, әр ойын тануға сыйлы сөзбен қарауға тырысасыз.
Қорытынды: Бала дегеніміз-болашақ. Балаларымызды қалай тәрбиелесек болашағымыз солай болмақ. Келешегіміздің қожасы балаларымызды білімді де мәдениетті, тәрбиелі де әдепті, кішіпейіл де қарапайым етіп тәрбиелеу өз қолымызда. Ұлт тәрбиесі-ұлт болашағы. Егеменді еліміздің ертеңгі болашағы жас ұрпақ тәрбиесі. Білімді денсаулығы мықты азамат өсіру үшін, мектеп болып ынтымақтасып атсалысуымыз қажет. Кейін опық жеп бармақ тістемеу үшін баланы қаршадайынан дұрыс тәрбиелеуге, бала бақытының шынайы бағбаны болуға атсалысқан жөн. Бала бақытының кепілі-ата-ананың өнегелі тәрбиесінде.