Қазақстанның әлемнің неғұрлым дамыған отыздығына енуін қамтамасыз ететін экономикалық өсім қарқынын қалпына келтіру

Ақтөбе облысы, Байғанин ауданы, Кемерши селосы
Қ.Жазықов атындағы орта мектеп
Мектеп директорының тәрбие ісінің орынбасары
Кулманова Злиха Санаковна

Жолдау сенім ұялатады

Елбасымыз Нұрсұлтан Назарбаевтың <<Қазақстан жаңа жаһандық нақты ахуалда: өсім,реформалар, даму>> тақырыбындағы Жолдауын интернет желісі арқылы оқыдым. Жолдауда барлық мәселе қамтылды.Оның ішінде 2017 жылдың 1 қаңтарынан бастап білім беру саласы қызметкерлерінің еңбек ақысы орташа алғанда 29 пайызға дейін артатынын жариялады. Бұл - біз үшін қуаныш.
Сондай - ақ, Елбасы тиісті орындарға бірқатар маңызды міндеттерді жүзеге асыруды тапсырды. Айта кетсек; Қазақстанның әлемнің неғұрлым дамыған отыздығына енуін қамтамасыз ететін экономикалық өсім қарқынын қалпына келтіру; мемлекеттік және менеджментті тереңірек реформалау; халықтық неғұрлым әлсіз буындарына атаулы көмекті кең ауқымды жаңғырту жұмыстарын атап өтті.
Осындай жұмыстарға жұмылған жұдырықтай қимылдап, Отанымыздың гүлденуіне бір кісідей үлес қоссақ, бұл тапсырмалардың уақытында орындалары сөзсіз. Демек, еліміздің жаңаша өркендеуіне, еліміздің жоғары елдер қатарынан көрінетініне сенімім мол.