Еліміздің бас қаласы қай қала

Жолдасбекова Гүлмира Жарасқызы.
Ембі №3 орта мектебінің
бастауыш сынып мұғалімі.
Мұғалжар ауданы.

Пәні: Сауат ашу.
Сыныбы: 1»А»
Сабақтың тақырыбы: А дыбысы мен әрпі.
Міндеттері:1. білімділік: А дыбысы мен әрпі таныстыру.Алғаш рет танысатын
әріптерінен келетін сөздерді, дыбысына байланысты буындар мен сөздерді
білуге үйрету.
2. дамытушылық: Сөздік қорын байыту., тіл байлықтарын дамыту. Дыбыстардан
сөз, сөзден сөйлем құрау қабілеттерін дамыту.
3. тәрбиелік: Оқушыларды сыпайылыққа, бір-бірінің ойын түсінуге, бірін-
бірі тыңдай білуге тәрбиелеу.
Сабақтың типі: Жаңа білімді игеру.
Сабақтың түрі: Ойын, мерекелік сабақ.
Әдіс-тәсілі: Сұрақ-жауап, көрнекілік.
Технология: дамыта оқыту.
Пән аралық байланыс: дүниетану, математика.
Көрнекілік: көкеністер, жемістер, заттық суреттер, а әрпінің баспа, жазба
түрі, себет.
Қажет құралдар: интербелсенді тақта, бор, тақта.
Сабақтың барысы. Ұйымдастыру.
2. Психологиялық дайындық.
1. оқушылар бүгінгі сауат ашу сабағы өзгеше өткелі отыр, оған себеп, бүгін
бізге қонаққа ата-аналарымыз, апайлар келіп отыр амандасып алайық.
Оң жақтағы көршіге
Сол жақтағы көршіге
Қайырлы таң дейміз
Содан кейін баршаға
Сәттілік біз тілейміз.

Партаға отырып. Шырылдады қоңырау
Біз сабақты бастаймыз.
Жақсы білім алуға
Алға қадам бастаймыз.
Психологиялық дайындық: Төртбұрыш неге ұқсайды.(оқушы ойы)
Мұғалім: ал, балалар маған ғаламтордан көмекші апай келіпті. Ол кейбір
тапсырмаларды дыбыс шығару арқылы көмекші апайдың дауысын естейсіңдер.
Мұғалім: Балалар жаңбырдан кейін аспаннан не көрінеді? (кемпіпқосақ)
Кемпірқосақ қандай болады? әртүрлі болады.түстерін атау.
Өткенді қайталау:
Қызыл түстегі тапсырма: Сұрақ- жауап.
Біздің Отанымыз қай ел? Қазақстан.
Мәтін: Бағылан: Менің Отаным –Қазақстан.
Қазақстан – үлкен ел. Бас қаласы-Астана.Қазақстанның жері бай. Жерастында
қазына өте көп. Биік тауларымен, мұнайымен, егінімен көзге түседі.Қазақстан
жан- жақты гүлденген елге айналады.
Инт. Тақтадан Қазақстан картасын көрсету.
2. Ел басшымыз кім? Н.Ә. Назарбаев.
3.Еліміздің бас қаласы қай қала? Астана.
Тақпақ. Еділ Ақниет: Отанымның төрінде,
Сарыарқаның өрінде.
Ту ұстаған Астана.
Әсем қала, бас қала.

Тақпақ. Хамза Ержан: Отан деген-Атамекен
Отан деген- туған жер.
Отан ана, Отан пана,
Қазақстан- туған ел.
3. Қай ұлтпыз? Қазақ.
4. Қай тілде сөйлейміз? Қазақша.
Олай болса 21 қыркүйек Тіл мерекесі екен. Өз тіліміз қазақ тілін
құрметтеуіміз керек. Басқа тілді да үйренуіміз керек, қазақ тілін
ұмытпауымыз керек екен.
Тақпақ. Жұмағали Ұлболсын.
Ана тілің- біліп қой.
Бостандығың, теңдігің.
Ана тілің- біліп қой
Мақтанышың елдігің.
5. Еліміздің рәміздерін ата? Елтаңба, ту, әнұран.
Тақпақ. Серік Гүлназ. Құт береке шаңырақ
Орын алған ол төрден.
Қанатты қос арғымақ.
Екі жақтан көмкерген.
Тақпақ. Ізбасар Мерхан. Көк аспандай көкпеңбек,
Қазақстан жалауы.
Көк емес ол тектен- тек,
Елдің ашық қабағы.
Тақпақ Саин Әли Бұлт баспасын күнімді
Тарылмасын өрісім
Биік ұстау туымды
Қасиетті борышым
Қызғылт түстегі тапсырма. Отбасы дегеніміз не? Кімдер жатады?
Отбасы мүшелерін орнына қою( жеке жұмыс)
Тапсырма: Сурет бойынша сөйлемнің сызбасын сызамыз. Диктант.(Әр оқушыға
парақша таратылады)
1. Айгүл гүл терді. 2. қозы шөп жеді. 3. мысық жіппен
ойнады.
Сары түстің тапсырмасы: Мектеп құралдар
Жұмбақ жасыру.№1
Сурет бойынша буынға бөлу, Сөйлем құрау.
Жасыл түстің тапсырмасы: ( сурет арқылы көкөніс пен жемістерді ажырату.)
Бақ пен бақша
Көк түстегі тапсырма: Аңдар мен жануарлар.
№3 жұмбақ шешу жауабын орнына қою.
Бекіту: Әліппеге дейінгі кезеңде не туралы үйренген екенбіз?
(Отан, отбасы, мектеп, аңдар, үй жануарлары)
Сергіту сәті: Оңға, солға түзу тұр.
Алға қарай бір адым, артқа қарай бір адым
Жоғар, төмен қараймыз, орнымызды табамыз.
Мағынаны тану:
Мұғалім: Балалар ортаға бір аң келеді. Танып алуымыз керек.(Аю)
Осы аңдың тісі ауырып қалыпты. Қайда бару керек.(Тіс дәрігеріне)
(Инт. Тақтадан тыңдау) А-А-А дыбысын айту.
Сурет арқылы сөздерді айту. АТА, АҒА,АРБА, АТ,
Оқулықпен жұмыс. А дыбысының баспа, жазба түрімен таныстыру.
Жеке жұмыс. Үш таяқшамен А әрпін салу.
Суреттерді атау. Буынға бөлу. Өз сыныбымызда А дыбысынан келетін ұл-
қыздардың атын білемізбе. Ал қаланың атын білеміз бе? (Ақтөбе, Алматы;
Астана, Ақтау,Атырау т.б)

А

Дәптермен жұмыс. Жазылуын тыңдаймыз.
(Инт. Тақтадағы тапсырмаларды орындау)
Жеке жұмыс: Асық суретін көрсету. Түсінік беру.(Асық ұсақ мал қой, ешкінің
асықты жілігінен алынатын жұмыр сүйек. Асық мергендікке, ептілікке
баулыйды)
Бекіту: Бүгінгі сабақта қандай дыбыспен таныс тық. А- қандай дыбыс екен?
Суретті жұмбақ шешу.
АЙ+ГҮЛ, АЛМА+ГҮЛ
Алма суретін көрсете отырып бес жолды өлең.
1. Не? –Алма
2. Қандай?-қызыл, жасыл, тәтті.
3. Не істейді? -өседі.
4. Сөйлем. Алма өте пайдалы. Алма ағашта өседі.
Бағалау. өз-өздерін бағалау. Құттықтау сөз.
Сабақ аяқталды. Назарларыңызға рахмет!

Мұғалжар ауданы.