Тышқан ертегі

Ана тілі

Сабақтың тақырыбы: «Түйе мен тышқан» монғол ертегісі

Сабақтың мақсаты : 1)Білімділік: Ертегінің мазмұны мен идеясын ашу; Мүшел
туралы түсінік беру;Балаларды талдау ,талқылау, салыстыру және қорытынды
жасауға үйрету;

2)Дамытушылық:Оқушылардың тіл байлығын, сөздік қорларын байыту,есте сақтау
қабілеттерін дамыту;

3)Тәрбиелік: Еңбекшілдікке , іскерлікке тәрбиелеу

Көрнекіліктері: интерактивті тақта, «Қазақша жыл санау» кестесі, слайдтар,
«Балық» кескіні, «Күн шұғылалары» кестесі

Әдісі: сұрақ-жауап, топтастыру, салыстыру

Түрі: аралас сабақ

Пәнаралық байланыс: Дүниетану,математика, бейнелеу өнері.

Сабақтың барысы:

І. Ұйымдастыру кезеңі. Психологиялық дайындық.

Сәрсенбінің сәті

Сәттілікке толсын

Біздің алар бағамыз

Кілең бестік болсын !

Мақсат қою. Әрбір адам қандай іске кіріссе де , ісі сәтті аяқталғанын
қалайды. Бүгінгі сабағымыз сәтті болуы үшін мынандай мақсаттар қояйық:
тыңдай білу, салыстыру, бір жүйеге келтіру , талдау, қорытындылау. Сендер
мақсаттарыңа жеткілерің келе ме? Ендеше сабаққа жақсы , белсенді қатысайық.

ІІ. Үй тапсырмасын тексеру.

Ал, балалар үйге қандай тапсырма берілді ?

3-4 оқушыға Қ. Аманжоловтың «Қазақстан» өлеңін жатқа айтқызу.

- Қ.Аманжолов туралы не білесіңдер?Тағы қандай өлеңдері бар?

- 2011 жылы Қасым Аманжоловқа 100 толады. Бұл мерейтой Қарқаралыда,
Касым ақынның туған жерінде аталып өтеді.

Үй тапсырмасын бекіту.

- «Менің Қазақстаным» тақырыбында жазған шығармашылық тапсырмаларына
тоқталу.

ІІІ. Сергіту сәті. Ән «Отаным»

ІV. Жаңа сабақ. Отанын сүйетін азамат болып өсетіндеріңе сенемін.Сонымен
біздің Отанымыз- ҚР. Біз басқа елдермен достық карым-қатынастамыз. (1-2
желтоқсанда Астанада өткен ЕҚЫҰ(ОБСЕ) саммиті соның айғағы.) Сондай дос
елдің бірі- Монғолия.Біз бүгін монғол ертегісімен танысамыз.

-Қазір мына мысалдарды шығару арқылы сабағымыздың негізгі тақырыбын ашып
алайық.

|13-7 |20-8 |80+20 |9+9 |100-40 |16-9 |
|6 |12 |100 |18 |60 |7 |
|Е |т |і |е |г |р |

Нәтижесінде шыққын сандарды өсу ретімен қой. Қандай сөз шықты?

-Ертегі деген сөз шықты.Ертегі туралы не білесіңдер? Түрлерін атаңдар?

Әр ертегі түрлеріне мысал келтіріңдер.Балалар ,ендеше біз бүгін « Түйе мен
тышқан» монғол ертегісін өтеміз.

1) Топтастыру әдісі.

Ендеше түйе мен тышқан туралы не білетінімізді тірек-сызба арқылы
топтастырып көрсетейік.

үй жануары үлкен
кішкентай зияны көп

шұбат пайдалы

көлік шыдамды кеміргіш
ширақ

2)Мәтінмен жұмыс

-Ертегіні оқып беру

-Оқушыларға іштерінен оқыту

-Дауыстап оқыту

-Талдау. –Сонымен ертеде адамдар әр жылды нелердің атымен атауды ұйғарыпты?
Олар неше жылға атаулар берген?(Олар қандай атаулар , кәне , кім біледі
екен?) Ал 12-жылдың атауына нелер өз аттарын ұсынған? Олар бір-бірімен
қалай айтысты деп ойлайсыңдар? Ал адам мәселені қалай шешіңдер деген?Ал
түйе мен тышқан не деп келісті? Тауып оқы.

Түйе не істеді? Ал тышқан ше ? Күннің ең алғашқы шапағы таулардың
шыңдарына түскенде не болды? Неге тышқан бірінші көрді? Ал ұтылған
түйе не істеді ? Содан бері түйе күлді көрсе не істейді екен?
- Сонымен түйе неге жыл атына ие болмай қалған екен?

Ертегіні сахналау

- Қазақ халық ертегісі «Жыл басына таласқан хайуанаттар» ертегісіне қай
жерлері ұқсайды екен?

ІV.Бекіту.

1) «Сөзді тап» ойыны

Бойыңа сенбе, ... сен (дәптерге жазу)

Қарманған қарап ... (Еңбектенген адам берекелі болады.)

12 жыл – бір ... (Мүшел –уақыттың өлшем бірлігі. Адамның жасын
мүшелмен есептеген)

2)Қазақша жыл санауды оқыту. Тышқан, сиыр, барыс,қоян, ұлу, жылан,
жылқы, қой, мешін, тауық, ит, доңыз

«Жатқа біл» өлеңімен жұмыс

Түйе сеніп бойына,

Қалған ұмыт жылдардан.

Жатпа қарап , мойыма,

Талма , именіп ділмардан.

С.Мұқанов.

Әр сөздің бірінші әрпі жыл атауына сәйкес келеді.Жазып , үйде жаттап алу

3)«Балық » ойынын ойнайық. Балықтың денесіне жыл атауларын ретімен жазып
шыққан катар жеңімпаз болады. Кәне, кім жылдам екен?

V. Қорытындылау. Сонымен , балалар бүгінгі сабақтан не үйрендіңдер ?

Бағалау.

Үйде ертегіні оқып, әңгімелеу.

Құрметті «Бастауыш сыныпта оқыту » журналының редакциясы!

Сіздердің журналдарыңызды 2008 жылдан бастап жаздырып алып келемін.
Сабақтарды түрлендіріп өткізуге, жаңа технологияларды пайдалана
отырып,оқушы білімін арттыруда көмегі зор. 20 жыл еңбек өтілім бар.

Бала тәрбиелеу мен оқытуда жетістіктерге жетуде сіздердің әдістемелік
журналдарыңызды пайдаланып келемін.Сіздерге зор денсаулық, шығармашылық
табыс тілеймін.

Кожахметова Динара
Тимирбаевна

О.А.Жаутіков атындағы №1
қазақ орта

мектебінің бастауыш
сынып мұғалімі

Қарағанды облысы

Қарқаралы қаласы

-----------------------
Түйе

Тышқан

ертегі

Хайуанаттар туралы ертегілер

Тұмыс-салт ертегілері

Қиял-ғажайып ертегілер