Мәтін бөліктерін ерекшелеу

Пән Информатика сынып 5 Күн і 07. 02. 14 ж.

сабақ №: 21

Тақырып: Мәтін бөліктерін ерекшелеу

Мақсат:

Білімділік - Мәтін бөліктерін ерекшелеу тақырыбы бойынша оқушыларға жалпы түсінік беру

Дамытушылық - оқушылардың логикалық ойлау қабілеттерін, көре отыра есте сақтау қабілеттерін дамыту.

Тәрбиелік - оқушыларды ұқыптылыққа, жауапкершілікке тәрбиелеу.

Сабақ түрі : аралас

Сабақ типі: жаңа тақырыпты түсіндіру

Құрал-жабдықтар: ДК, оқулықтар, дәптерлер, тақта, тұсаукесер, (көзге арналған жаттығу), таратпа карточкалар, Word Pad мәтіндік редакторы.

Сабақ барысы

Сабақ кезеңдері

Бөлінген уақыт

Мұғалімнің іс - әрекеттері

Оқушылардың

іс - әрекеттері

Сабақ кезеңдері:

І.

Ұйымдастыру кезеңі.

Бөлінген уақыт: 2 мин

Мұғалімнің іс - әрекеттері: Амандасу. Оқушыларды түгендеу. Оқушылардың зейіндерін сабаққа аудару. Сабақтың мақсатымен таныстыру.

Оқушылардыңіс - әрекеттері: Амандасады. Кезекші сабақта жоқ оқушыларды айтады.

Сабақ кезеңдері: ІІ. Үй жұмысын тексеру

Бөлінген уақыт: 5 мин.

Мұғалімнің іс - әрекеттері:

Сұрақ-жауап:

1. Мәтіндік редактор деген не?

2. Мәтін элементтерін атаңдар және сипаттаңдар.

3. Мәтіндегі жаңа абзацты қалай құрамыз?

4. Мәтіндегі абзацтар бір-бірінен қандай символмен ажыратылады?

5. Абзацтың ең әйгілі қасиеттерін атап шығыңдар.

Сабақ кезеңдері: IІІ. Жаңа тақырыпты түсіндіру.

Бөлінген уақыт: 10 мин

Мұғалімнің іс - әрекеттері:

Мәтін теріп болған соң түзету және пішімдеу үшін мәтін бөліктерін (фрагмент) ерекшелей білу керек.

Тышқанның көмегімен ерекшелеу үшін құжаттың сол жақ, «ерекшелеу ернеуі» деп аталатын, ернеуін қолданады. Тышқанның сілтемесі оңға қарай бұрылған стрелка түріне айналады. Пернетақтадан ерекшеленген кезде Shift және Ctrl пернелері тіркесімдерін бірге басу керек.

Мәтін бөліктерін ерекшелеу тәсілдері

Тұтас жолды ерекшелеу. Егер тышқанның сол жақ батырмасымен жолдың басын бір рет шертсеңдер, жол тұтастай ерекшеленеді. Тышқанның сілтемесі бұл жерде ақ стрелка кейпіне енеді.
Егер экранның осы жерінде тышқанның сол жақ батырмасын екі рет шертсек, онда абзац ерекшеленеді.
Тышқанның сол жақ батырмасын үш рет шерту мәтінді тұтастай ерекшеленеді.

Мәтінді тұтастай бірден ерекшелеу үшін пернетақтадан бір мезгілде CTRL пернесі мен цифрлық қосымша пернетақтадан «5» санын басуға да болады.

Мәтін бөліктерін түзетуге: жою, қосу, жылжыту, көшіру, іздеу және алмастыруды жатқызуға болады.

Сабақ кезеңдері: ІV. Практикалық жұмыс.

Бөлінген уақыт: 10 мин

Мұғалімнің іс - әрекеттері:

Компьютердегі тәжірибелік

жұмыс оқулықта 166-167 бет.

Оқушылардыңіс - әрекеттері:

Егер тапсырмада көрсетілген файл

сендерге берілмесе, онда мәтінді өз

беттеріңмен теріңдер.

А деңгейі

Мәтінді теріңдер:

Сәтемір хан

Сәтемір жеті жасында атасынан жетім қалыпты. Күндерде бір күн Сәтемір далада ойнап жүріп, бір ескі тамның түбінде шаршаған соң сүйеніп, жан-жағына қарап жатса, бір аяғы ақсақ құмырсқа тамның төбесіне қарай өрмелеп барады да, орта шеніне барғанда құлап түседі; тұра салып тағы да өрмелейді, манағыдан гөрі жоғарырақ барғанда тағы құлап түседі. Үшінші рет құмырсқа және тырмысады; ақыры, бар күшін салып, қисая-мисия барып, тамның төбесіне шағып кетіпті.

Мұны көріп Сәтемір ойға қалды: «Құдай-тағаланың жаратқан жан-жануарының ең кішкентай осы құмырсқа екеш құмырсқа да тынбай жұмыс жасап жүр; өзі ақсақ, бір тырмысып, екі тырмысып, жығылып, сонда да қоймай, ақырында мұратына жетті, тамның басына шықты. Мұны көріп отырып менің де талап іздемей, жұмыссыз ойнап жүргенім ақылсызтық екен» деп, ойынын тастап, қалаға барады. Қалада бір білімді, оқымысты молда бар екен, соған үй сыпыруға жалданып, ақысына оқу оқыпты-мыс.

Ақырында сол Сәтемір асқан данышпан, айдай әлемге патша болған екен.

Құжатты өз бумаларыңда

Сәтемір хан деген атпен

сақтаңдар.

бұйрығын пайдаланып, мәтіндегі

«Сәтемір» сөзін «хан» сөзіне алмастырыңдар.

«; » белгісін «. » белгісіне

ауыстырыңдар. Пайда болған сөйлемдердегі бірінші әріптерді бас әріптерге ауыстырыңдар.

Өз бумаларыңның Сәтемір хан

файлындағы өзгерсітерді сақтаңдар.

В деңгейі

Мақалдар файлын

ашыңдар:

Өзін ғана ойланған - жамандықтыңң белгісі,

Өзгені де өйлаған -

Адамдықтың белгісі. Ағашты жемісінен таниды, Адамды ісінен таныйды.

Өз білмегеніңді кісіден сұра,

Үлкен жоқ болса, кішіден сұра

Оқусыз білім жок, ьь

Білімсіз күнің жоқ.

Оқу - білім бұлақы

Білім - өмір шырағы.

Сөздердегі қателерді түзетіңдер, артық символдарды алып тастаңдар, бос орындардың қойылуына назар аударыңдар.
Мәтінді әр мақал бір жолда жазылатындай етіп түзетіңдер.

Enter, BackSpase және Delete пернелерін қолданыңдар:

егер бір жолда екі мақал орналасса, онда курсорды бірінші мақалдың соңына қойып, Enter пернесін басыңдар;
егер бір мақал екі жолда орналасса, онда курсорды бірінші жолдың соңына қойып, Delete пернесін басыңдар (курсорды екінші жолдың басына қойып, BackSpase пернесін басуға да болады) .

Файлды өз бумаларыңда Мақалдар_1 деген атпен сақтаңдар.

С деңгейі

1 . Сөздер файлын ашыңдар:

Тапсырма Дабыл Бума

Үйдің төбесі Мектеп Бөлме

Қоңырау Программа

2. Delete, BackSpase пернелерін қолданып және алмастыру режимінде (Insert пернесін қосып) символдарды жойып, ауыстырып жаңа сөздер жасаңдар.

3. Құжатты өз бумаларыңда Сөздер_1 деп сақтаңдар.

Сабақ кезеңдері: V. Сергіту сәті.

Бөлінген уақыт: 2 мин.

Мұғалімнің іс - әрекеттері: Жаттығуды орындарында отырып орындау.

Оқушылардыңіс - әрекеттері:

Көз жаттығуын орындайық. (презентация көрсетіледі) Көзге арналған жаттығулар. ppt

Орнымызда отырып көзімізді алыс бір нүктеге қадап ұзақ қарау.
Басымызды қозғамай көзімізбен оңға, солға қарау.
Басымызды қозғамай көзімізбен жоғары, төмен қарау.
Көзімізді қатты қысып немесе қолымызбен жауып тұру.
Көзімізді жиі жыпылықтатып ашып жұму.

Сабақ кезеңдері: VІ. Бекіту.

Бөлінген уақыт: 7 мин

Мұғалімнің іс - әрекеттері:

Бақылау сұрақтары мен тапсырмалар

Мәтін теру ережелерін атаңдар.
Мәтіннің басына бос абзацты қалай қосамыз?
Мәтінді енгізгенде жіберілген қателерді түсіндіріңдер:

Планета тұрғындары арасында ондаған тілде сөйлейтін адамдар көп-ақ. Мәселен, К. Меццофанти (1774-1849 жж. ) 26 тілде, ал профессор Раск (1787-1832 жж. ), Д. Баурин (1792-1872 жж. ), доктор Гарольд Уильямс (1876-7928 жж. ) 28 тілде сөйлеген. Поуэлл Александр Янулас (1939 жылы туған) Канададағы Британ Колумбия провинциалды сотында 41 тіл бойынша қызмет істепті. Ал Ұлыбританияның ең ірі лингвисі саналатын Джордж Кэмбпелл (1912 жылы туған) 54 тілді меңгерген. Ол Би - би - си -де жұмыс істепті.

4. Мәтіндегі қолданылатын қандай амалдар түзетуге жатады?

5. Мәтіннің элементтерін жою үшін қолданылатын пернелерді атаңдар.

6. «Мәтінді ерекшелеу тәсілдері» кестесін толтыруды аяқтаңдар (5-кесте) :