Сабақ жоспары :: Әртүрлі

Файл қосу

Ана тілім, ана тілім жүрегім

<<М. Әбдіхалықов атындағы орта мектебі>> ММ-сі

Сыныптан тыс шара

Тақырыбы: <<Әлем тілдері сөйлейді>>
(6-9 сыныптар арасында)

Өткізген мұғалім: А. Кулмырзаева
2014/2015 оқу жылы
Сабақ тақырыбы: <<Әлем тілдері сөйлейді>>
Сабақ мақсаты: Оқушыларға мемлекеттік тілдің өркендеп, мемлекеттік тілімізді сүюге, мәртебесін биік ұстауға, әр ұлттың өзіндік ерекшеліктері, салт-дәстүрі, діні, тіл ерекшелігі болатынын түсіндіру, оларды құрметтеуге тәрбиелеу. Оқушылардың ой-өрісін, дүниетанымын кеңейту, сөздік қорын молайту, жұрт алдында өз өнерін көрсетіп ауызекі сөйлеу мәнерін дамыту.
Сабақ әдісі: сайыс
Сабақ көрнекілігі: Слайдтар, тақырып бойынша плакаттар.
Кіріспе бөлім:
-Сәлеметсіздерме құрметті оқушылар! Біз сіздерді 22-қыркүйек тілдер мерекесіне орай ұйымдастырылып отырған 6-9 сыныптар арасындағы <<Әлем тілдері сөйлейді>> атты сайысымызға қатысып отырғандарыңызға қуаныштымыз.
6 в сынып оқушылары орындауында қазақ биі

Тіл- әрбір ұлттың заңы, сезімнің, ойдың жанды бейнесі. Тіл - біздің ұлттық қазынамыз, байлығымыз, халықтың күре тамыры, достық көпіріміз. Әр тілдің өзге тілдермен байланысы, өз тарихы, өз тағдыры болады. Тіл арқылы адамдар бір-бірін түсінеді, рухани мәдениетімен танысады.
<<Өзге елдің тілін білсең, көкірек көзің ашылады. Адам баласының өсіп-өркендеуі жолындағы бірінші қадамы- достықты кеңейту>> деп жазған ұлы Абай атамыз өзінің 25-ші қара сөзінде.

Ал, біздің елбасымыз Н. Ә. Назарбаев : <<.... өткенді еске түсіре отырып, болашаққа ұмтылу керек. Өзге ұлттармен бейбітшілік пен келісімде өмір сүріп олардың да мәдениеті мен салт-дәстүрін құрметтеу керек.>>-деген болатын.
Біздің еліміз көпұлтты мемлекет. Ол 130 дан астам ұлт өкілдері тұратын этносаяси ел- Қазақстан Республикасы. Міне, сол себепті 1998 жылдың 20- қаңтарында ҚР президенті бұйрығымен 22-қыркүйек Қазақстан халықтарының тілдер мерекесі болып белгіленіп, содан бері бұл мереке жыл сайын тойланып келеді.
Дүниенің ең сұлу ғажап тілі
Ол менің ана тілім- қазақ тілі
Осы тілде айтылған алашымның
Қуанышы, қайғысы, азат-мұңы.
Тілмен мәңгі қазақтың қазақтықы
Тілмен мәңгі қазақтың азаттығы

Ал, енді сайысқа қатысатын оқушыларымыздың әр елдің тілінде дайындап келген өлең-тақпақтарын тыңдайық. Алдымен әділ қазыларды тағайындап алайық.
1- мектеп директорының тәрбие ісі жөніндегі орынбасары - Қопашова Амангүл апай.
2- Ағылшын тілі пәні мұғалімі, әдіскер- Байманова Роза апай

Қатысушы оқушылар:

1. 6- в сынып оқушысы Жаңбырбаева Ақбота (ағылшын тілінде)
2. 6 а сынып оқушысы Елеусинова Альбина (түркмен )
3. 8 в сынып оқушысы Жуленова Сәуле (өзбек тілінде)
4. 6а сынып оқушысы Артықбаева Меруерт (ағылшын)
5. 8 б сынып оқушысы Надирханова Д. мен Келембай Назым. (Украин)
6. 7 ә сынып оқушысы Сарсенова Айдын (ағылшын тілінде)
7. 6 в сынып оқушысы Мерекеқызы Ақмарал (қазақ тілінде)
8. 6 а сынып оқушысы Теңелова Ақкүміс (Түрік тілінде)
9. 9 б сынып оқушысы Рамазанов Санжар (ағылшын)
10. 8 в сынып оқушысы Серікбаева Молдір (қазақ тілінде)

Қатысқан оқушыларға әділ қазыларымыз баға бергенше ортаға өзбек биімен 6 сынып оқушыларын шақырамыз.

Марапаттау.
<<Ана тілім, ана тілім жүрегім
Қадір тұтып оны әркез жүремін
Бойымдағы өнерімді аздаған
Өз тілімнің қасиеті деп білемін
Ана тілім- ең асылым, ардағым
Ана тілім-бар байлығым, бар бағым
Халқым үшін арнасам ән-жырымды
Ана тілі-өз тілімді арнадым.>>-

дей отыра бүгінгі сайысымызды аяқтаймыз. Барлық қатысқан оқушыларға рахмет айтамыз. Сау болыңыздар!

Ұқсас жұмыстар
Әли Қуан анам
Ана тілім қазақ тілім, туған тілім
Оқушыларды өз ана тілінің қадір-қасиетін біліп, өз ана тілінің көркемдігін сезініп, сөз құдіретін түсініп, оның адам өміріндегі маңызын ұғуға үйрету
Туған тілім - айбыным
Аяулы абыройлы ана тілім
Шешеннің тілі
Сабақтық өту барысы
Өзге тілдің бәрін біл, өз тіліңді құрметте жайлы ақпарат
Туған тілім тіл болудан қалса егер
Ана тілін білмеген адам
Пәндер