Зат есім етістік

Пәні: қазақ тілі.
Сабақтың тақырыбы. Етістікті қайталау.
Сабақтың мақсаты.
Бiлiмдiлiк: оқушыларға етістік туралы түсінік бере отырып,
сөйлем ішінен табуға, ажыратуға және сұрақтарын дұрыс қоя білуге үйрету.
Дамытушылық: сөздік қорларын, тілдерін, ой-өрістерін, есте сақтау қабілеттерін дамыту.
Тәрбиелiк: оқуға, еңбекке, ұқыптылыққа, әдептілікке, әсемдікке баулу.
Көрнекілігі: интерактивті тақта, кесте, суреттер, тест жазылған карточкалар,компьютер,
Әдіс - тәсілдер: сұрақ-жауап, түсіндіру,талдау-жинақтау, ойын,
Түрі: ойын сабақ
Сабақ барысы:
І.Ұйымдастыру кезеңі.Психологиялық дайындық.
ІІ.Қызығушылықты ояту.Ойын <<Гүл таңда>>
Интерактивті тақтада гүлдердің суреттері көрсетіледі. Оқушы гүл таңдағанда сұрақ беріледі.
Сұрақтар:
1.Етістік дегеніміз не?
2.Етістіктің сұрақтарын ата
3.Етістік сөйлемнің басында немесе соңында кездесе ме ?
Дұрыс жауап арқылы баланың жауабы тақтадан тексеріледі. Жауаптары дұрыс болса, гүл алады.
ІІІ.Жаңа сабақ .1.Жұмбақ шешу.
Ақ шатырлы бір қала
Суда жүзіп жүр дара.
Шешуі: кеме. (Кеменің суреті көрсетіледі)
2.Талдау. <<Кемелер>> ойыны.
Интерактивті тақтада кемелердің суреттері шығады. Әр кемені таңдағанда сөздер пайда болады.
Сөздер: гүл,әдемі,тазалады,ойнады,көрікті,балапан,отыз,жүгірді.
Мысалы:Дұрыс жауап берген бала кеменің суреті бейнеленген карточка алады.
3.Оқулықпен жұмыс.
Оқулық бойынша Фиалка тобы: 2 - жаттығу. 151 бет.
Берілген сөздерден етістіктерді тауып көшір.
Қуаныш,қуанады,түзу,түзелді,дүрсілдеді,әңгіме, әңгімеледі,жинады,көкшіл,көктеді.
Раушан тобы: Суретпен жұмыс..
Суретке қарап,шағын әңгіме құрастыр . Етістіктердің астын сыз.
Қызғалдақ тобы:4-жаттығу.Ертегіні түсініп оқып,Зат есім мен Етістіктің балаларына жол табуына көмектес. Ол үшін суреттегі сөздерді екі топқа бөліп жаз.
Зат есім: Етістік:
Сергіту сәті. <<Аяқпенен топ топ топ>> әнін айту.
Оқушыларға арналған ән қосылады, би қимылдарын қайталап, жаттығу жасалады. Музыка ойналып тұрады.
4. <<Бұлттар>> ойыны.
Интерактивті тақтада бұлттардың суреттері көрінеді. Әр бұлттың артында сөздер берілген. Осы сөздердің ішінен туынды сөздерді дәптерлеріне теріп жазып, сол сөздермен сөйлем құрау керек.
Дала, теңізші, жұлдыз, домбырашы, бала, сауысқан, күйші,домбырашы.
Дұрыс жауап берген оқушыларға бұлттардың суреті бейнеленген карточка беріледі.
5. "Жалғасын тап" ойыны. Көп нүктенің орнына тиісті етістікті қою керек.
1. Әсет түрлі түсті бояумен суреттер... айтады
2. Әнші ән... шығарды
3. Дәрігер балаларды... емдейді
4. Оқушы есеп... тазалады
5. Асан қора... салады

Қорыту.Венн диаграммасы.
Зат есім етістік
Заттың атын білдіреді. Заттың қимылын,іс-әрекетін білдіреді.
Бағалау. Оқушылар бағалау картасы бойынша бағаланады.