Астана суреті слайд

Тәрбие сағат тақырыбы: Біздің Елбасымыз.
Тәрбие сағатының мақсаты:
1. Қазақ халқының тұңғыш президенті Нұрсұлтан ӘбішұлыНазарбаевтың өмір жолы, туып-өскен, оқып білім алған, қызмет еткен жерлері туралы мағлұмат беру.
2. Елбасының өмір жолынан үлгі ала отырып Отанын, халқын сүюге, ержүректілікке, азаматтыққа, ұлттық патриоттық сезімге тәрбиелеу.
3. Шәкірт жүрегінде елбасына деген сүйіспеншілік сезімін ояту, құрметтеу.

Көрнекілігі: слайдтар көрсету, шарлар, суреттер.

<<Нұрсұлтан Назарбаев-тұңғыш президент>> Біздің Елбасымыз-Н. Ә. Назарбаев атты стендтер, Елбасының портреті, оқушылар шығармасы.

Ән <<Елбасы>>
1 оқушы.
Ауыр күнді артымызға тастауы
Қиын сәтте қиындықтан қашпауы.
Тілім, дінім, ұлтым қайта көгерген,
Елбасымыз Нұрағаңның бастауы
Туды ұстап тура жолға түсіріп,
Жас Отанның өмірін де түсініп,
<<Елім, жерім>>деп ұрандап тайсалмай,
Бір керемет жасады-ау кісілік!

2 оқушы
Елбасымыз саған мәңгі разымыз,
Үлкен-кіші, ағайындар-бәріміз.
<<Ұлтым, елім>> деп қайғырған ұлы жан
Сіз біздердің піріміз де, әніміз.

3 оқушы
Біздің Презилентіміз-Нұрсұлтан Әбішұлы Назарбаев. Мемлекет басқару ісі-машақатты да, мәртебелі міндет. Басшы басқарған ел-ең бай мемлекет, халқы ең бақытты халық.

4 оқушы
Олай болма, бүгінгі тәрбие сағатымызды әділеттің ақ жолын ту етіп елінің егемендігін, ынтымықты, тұтастық, бірлікті ойлаған, ұрпақтың саналығына мән берген, ар мен намысты биік ұстаған, әлемдік деңгейдегі ірі қоғам қайраткері, тәуелсіз Қазақстан Республикасының тұңғыш Президенті Н. Ә. Назарбаевтың құрметіне арнағылы отырмыз! 1желтоқсан-Президент күніне орай өткізіліп отырған <<Біздің Елбасымыз>> атты тәрбие сағатын ашық деп жариялаймын!

5 оқушы
Тәуелсіздігімізді алғаннан соң халықтың басын біріктіріп Н. Ә. Назарбаев тұңғыш елбасы болды. Елбасының бастауымен менің Отаным әлемге танылды. Елім елдігін көрсетті, ерлігін танытты. Қазақ халқы егемендігін алып, Тәуелсіздікке қол жеткізгенде өз алдымызға ел бола алатындығымызға күмәнданған жандар да болған екен. Бірақ ар- намысты ту еткен Елбасымыз бен үкімет басындағы ел ушін еңбек еткен ағаларымыздың аянбай еңбек етуі осы нұрлы күндерге жеткізді.

6 оқушы
Бүгінгі күн бізге ОҢАЙЛЫҚПЕН КЕЛГЕН ЖОҚ. Тәуелсіз ел атану үшін, қанщама аға- апаларымыз ата- бабаларымыз тер төкті. Соның арқасында бүгінде біз, Тәуелсіз, дербес, әлем таныған Қазақстан атанып отырмыз. Қазақ деген атымызды алғанға дейін қазақ халқының басынан не өтпеді, не көрмеді.
1 слайд

7 оқушы
Қазақстан дейтін менің бар елім.
Жатыр алып жарты дүние әлемін!
Бұл даланы анам жаспен суарған,
Бұл даланы атам қолға ту алған,
Бұл далада жылап келіп, уанған
Бұл даланы көріп алғаш қуанған
Бұл далада өскен жанда жоқ арман!(Қ.Аманжолов)

8 оқушы
Әлем таныған, дарынды тұлға, іскер-саясатшы, Қазақстан Республикасының тұңғыш Президенті Н. Ә. Назарбаев сол күннен бері 21 жыл ел басқарып келеді. Ол Қазақстанды бүгінге әлемге әйгілі мемлекет етіп, атын шығарды. Ел экономикасын түзеп, болашақта көш бастаушы елдердің қатарына қосу үшін аянбай еңбек етуде.

Оқушы: Елі құрмет тұтқан, Нұрағамыз, Ел үшін еңбек еткен Елбасымыз-Н.Ә. Назарбаевтың өмір жолына шолу жасайық.

Отбасылық фото слайд.

9 оқушы
Нұрсұлтан Әбішұлы Назарбаев 6-шілде 1940 жылы Алматы облысы Қаскелен ауданындағы Шамалған ауылында тұған. Балалық шағы кейде айта беретініміздей таршылық жағдайда өтті. Үлкендердің мал бағуына, бау-бақша өсіруіне көмек көрсету керек болды, шөпшек теріп, отын жарды. Өзі еске алғандай, өсірген аз- маз өнімдерін сатып, үй-ішіне қажетті заттар алу үшін есек жеккен арбамен жақын маңдағы теміржол стансасына бару дегенің керемет мереке саналған. Мектепті жақсы оқып, жақсы білім алды. Ата-анасын қатты құрмет тұтты.

Металлург суреті слайд.

10 оқушы
Ол ерте есейді, орта мектепті бітіре салысымен Кеңес Одағындағы аса ірі Қарағанды металлургия комбинатының көлемді құрылысына аттанды. Құрылыста біраз еңбек еткеннен кейін бір топ қазақстандықтармен Украинаның Днепродзержинск қаласына барып металлург- жұмысшы мамандығын меңгерді. Бұл шойын құюшы, домна пешінің көмекшісі жұмыстарын атқарды, ал кейінірек инженер дәрежесіне көтерілді.

11 оқушы
Сол жылдары оның басшылық қасиеттері жарқырап көрінді. Қалалық, облыстық және республикалық көлемде басшы органдарда жауапты қызметтер атқарды. Металлургиялық комбинатында партком хатшысы, Теміртау қалалық, Қарағанды облыстық және республикалық партия ұйымдарында экономикалық салаға жауап беретін хатшы болды. Ол Қазақстан Үкіметін басқарғанда 44 жаста болды. Осылайша оның саяси өмірбаяны басталады.

Слайд

12 оқушы
1991 жылы 1-желтоқсанда республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайлады. Республика тарихында халық алғашқы рет саналы түрде өзінің тағдырын сеніп тапсырып, өз басшысын сайлады.

13 оқушы
1994 жылдың 16 желтоқсанында Қазақстан Республикасы Жоғарғы сессиясы <<Тәуелсіз демократиялық және құқылық мемлекет>> деп жариялады.

14 оқушы
Астана-ҚР-ның саяси, әкімшілік және мәдени орталығы. Елбасы-Н. Назарбаевтың жарлығына сәйкес 1997 жылы мұнда бұрынғы астанамыз Алматыдан Республиканың басшы орындары Президент кеңесі, ҚР-ның Үкіметі және Парламент көшіп келді. Еліміздің басқару жұмыстары осы жерден жүзеге асырылады. 1998 жылы 10-маусымда жаңа астананың ресми тұсау кесері болды. Қала Есіл өзенінің оң жағалауында Сарыарқаның солтүстік бөлігінде орналасқан. Бүгінгі таңда Астана ең әсем, жас, әдемі, көрікті қалаға айналды.

Астана суреті слайд.

15 оқушы
Көтереді шанырақ Астанам асқақ
Жаңарып қалам, жасарып далам!
Басыңнан серпі бодандық жүгін,
Кетпейді ойдан Отандық ұғым.
Арыстан жүрек, айбынды елім,
Таниды сені бар әлем бүгін.

Ән: <<Астана бәйтерегі>>

16 оқушы
2006 жылы 7-қантарда әнұран қабылданды. Егемен елім әнұраны жаңарды, <<Менің Қазақстаным>> жер жүзіне таралды.

17 оқушы
Сөйлесіп бір жүрген қай сөзінде де халықты биік қоясың,
Халықпен бір ашығасың да, халықпен бірге тоясын.
Жастықтың жалын шақтарыменен бірге айтып арман әндері
, Қазақстанның бақтарыменен бірге жапырақ жаясың.
Халықтың мұңы мұңдайтынын да, халықтың жыры жырлар жыр,
Көкірегіңде көнермей әлі өткен де кеткен жылдар жыр,
Соңыны ердік сол ғана бізді жеткізеді деп бақытқа,
Бақытқа баста байтақ еліңде, бақытсыздықтан құр қалдыр.

18 оқушы
Нұрсұлтан бар деп нұрыңа сенің шомылғандай боп жүрем мен,
Бейнеңді көрсем беймезгіл кезде қабағымды ашам түнерген.
Сүйеміз сені, санамыз, сөніп қалмай тұрғанда сүйеміз,
Алланың бізге бір өзі сеніп өкілісің сен жіберген .
Жесірге пана, қашанда қамқор боп жүрсің жетімге,
Ананың тілі, баланың тілі сөйлей білесің не тілде.
Қалам тербесек жүрек берді есеп басынан өткен жылдарға,
Саған сенбесек, кімге сенеміз осынау жердің бетінде...

Ән: <<Жаса Қазақстан>>

19 оқушы
Н. Назарбаев-бәрінен бұрын өз міндетін, өз тағайындалуын терең сезінетің, үлесіне тиген міндетті жауапты әрі қажырлықпен атқаратын адам. Ол әр қадамын шын мәнісінде өте мұқият есептейді: ол үшін саясатшы болу-бойға біткен дарынмен қатар күн сайынғы аса ауыр жұмыс және өмір дағдысы.

20 оқушы
Әлем елдерінің басшылары мен саясаткерлерінің Президент Н. Ә. Назарбаев туралы айтқан лебіздеріне құлақ түрейік.

<<Замандастар көзімен>>

Джордж Буш-АҚШ бұрынғы Президенті-Құрметті Нұрсұлтан Назарбаев. Сіздің басшылығыңызбен Қазақстан жаппай қырып жоятын қаруды тартпау ісінде әлемнің жетекші елдерінің біріне айналды. АҚШ,
Сонымен қатар Қазақстанға терроризмге қарсы жаһандық күресте
Көрсеткен достығы мен ынтымақтастығы қарсы ризашылығымды білдіремін!

Ким Дэ Чжун-Корея республикасының Президенті- Оның демократиялық, саяси жяне экономикалық өзгерістерді ойдағыдай іске асырып жатуының айғағы оларды әлемдік қоғамдастықтың кеңінен тануы болып отыр. Президент Н.Ә. Назарбаевтың басшылығымен Қазақстан жан-жақты дамып келеді.

Кофи аннан-БҰҰ-ның Бас хатшысы Қазақстанның ТМД-ның басқа елдерінен айырмасы сонда-бұл елде бейбіт өиір мен тұрақтылық орнап, экономикалық өрлеу байқалады. Қазақстан түрлі ұлттар бейбіт қатар өмір сүріп жатқан, этникалық саналуандық тартыстың емес, қайта татулық нышанына айналған мемлекеттің үлгісі бола алады.

21 оқушы
Осы орайда өркендеп өскен Қазақстанның әлемдегі бүгінгі орны мен беделін мақтанышпен атап айтуға болады. <<Ел-елбасына тірек, Елбасы-елге қалқан>>. Бұл-бүгінгінің шындығы. Н. Назарбаев десе-Қазақстан, ал Қазақстан десе Назарбаев ойға оралады деп, халықаралық қауымдастықтың мойындағынынан толық аңғаруға болады

22 оқушы
Халқым айтқан жер көтерер ел даңқын,
Елім айтқан ел көтерер жер даңқын.
Президентім,елбасы, аман болғай,
Мәңгі жаса, жас қазағым, өр халқым!
Барлығы: <<Осы тәуелсіз еліміздің намысын қорғайтын, бүгінімізді ертеңіне жалғайтын, қазақ елінің ертеңі, болашағы үшін жауап беретін ұрпақ екенімізді сезінеміз>>.

23 оқушы
Елбасы үлкен саясаткер болумен қатар жан-жақты дамыған тұлға, барлық қазақ азаматтары сияқты жылқыны жақсы көреді. Сондай-ақ өнерге де көп көңіл бөлетін адам. Бірнеше әннің авторы.

Слайд Атқа мініп отырған сүреті <<Үш қоңыр>> әнін тыңдау.

24 оқушы
Қазақстан Республикасында тұратын әрбір адам, әсіресе жастар ертеңі үшін алаңдамайды. Елбасының жолдауында көрсетілген: <<Қорытынды сөзімді жас ұрпаққа,Қазақстан жастарына арнасам деймін.Сіздер егемен Қазақстанда өмір сүріп жатқан азаматтардыең бірінші ұрпағысыздар. Сондықтан да сіздердің алдарыңызда іске асырудың біз қол жеткізбек болған болашақты өздеріңіз бен балаларыңыз үшін өз қолдарыңызбен орнатудың шексіз мүмкіндіктері ашылып тұр. Ендеше Қазақстанның болашағы сіздердің қолдарыңызда>>,-деді.

25 оқушы
<<Қазақстан-бақытты ел, Президенті танымды, халқы қарымды, досы көп ел екенін де мақтан тұтамыз. Ел тарихын тұлғалар жасайды. Тұлға-елдің тұғыры, Тұлға-елдің тұтқасы. Біздің Президентіміз Нұрсұлтан Әбішұлы Назарбаев осындай тұлға!

Ән <<Нұр аға>> хор. Сабақ аяқталды

Қазақстан Республикасының Білім және ғылым министрлігі

Тәрбие сағаты

Тақырыбы: <<Біздің Елбасы>>

5 -сынып

Өткізген: Нұрсұлтанова Ә.Т

Абай орта мектебі
2014-2015 оқу жылы