Орта мерзімді сабақтар топтамасын жоспарлау

Орта мерзімді сабақтар топтамасын жоспарлау
Мен, 2014 жылы <<Өрлеу>> біліктілікті арттыру ұлттық орталағында оқытудағы кембридж тәсілінің Үшінші деңгей бағдарламасы бойынша білім алдым. Бұл бағдарлама барша қазақстандық ұстаздардан үлкен жауапкершілікті талап ететіні сөзсіз. Бірінші бетпе-бет кезеңінен кейін өзімнің оқыту және оқу тәжірибемді жүргізу үшін Үшінші деңгей бағдарламасының жеті модулін ықпалдастыра отырып, күнтізбелік жоспардағы 4 сабағымды белгілеп алдым.
§ 9. Көшпелі және отырықшы мәдениеттердің өзара әсері.
9.1 Отырықшы және көшпелілердің материалдық мәдениеті.
§10. Сәулет өнері және өнер
§11. Халық ауыз әдебиеті, жазу, дін
Тізбектелген сабақ жоспарын құру үшін әрбір сабақтағы оқыту мен оқу мақсаттарын құру керек болды.
Орта мерзімді жоспарлаудағы алдыма қойған мақсатым: сыни тұрғыдан ойлайтын құзіретті оқушы қалыптастыру. Сабақты жоспарлау барысында әр оқушыға жеке тұлға ретінде қарап, сынып оқушыларының білім-біліктігін нығайтатын тиімді әдіс-тәсілдерді таңдай білуге тырыстым. Оқушының айналасындағылармен тіл табыса білуге үйрететін топпен, жұппен жұмыс жасау үшін тапсырмаларды жинақтадым. Оқып үйренудің негізгі мақсаттарында оқушы тақырып бойынша нені білу керектігіне назар аудардым. Келесі қадамым сол оқып білудің мақсатына жету үшін жеті модульдің кіріктірілуіне мән бердім. Жеті модуль бір-бірімен байланысты екендігін теориялық білімімде меңгергендіктен, тізбектелген сабақтарыма барлық модульді қатыстырдым. Себебі, жеті модуль адам ағзалары секілді тығыз байланыста ұштасады.
Тізбектелген сабақтарымда модульді кіріктіру үшін түрлі әдіс-тәсілдерді жоспарладым.
Оқыту мен оқудағы жаңа тәсілдер модульін жандандыру үшін-миға шабуыл, Джиксо, топтық тергеу, РАФТ әдістерін пайдалануды ұйғардым.
Сабақтарымда сыни тұрғыдан ойлауға үйрету модульін кіріктіру үшін-Роун-Робин, Венн диаграммасы, кезбе тілші әдістерін пайдалана отырып, оқушыларды еркін сөйлеуге және сыни тұрғыдан ойлана білуге талпындырғым келді.
Оқыту үшін бағалау және оқуды бағалау- топтық бағалау, жұптық бағалау, бағалау критерийі арқылы бағалау, топ басшысының бағалауы, <<екі жұлдыз, бір тілек>> әдісін пайдалануды ұйғардым.
АКТ-ны әр сабағымда қолдану үшін бейнефильм көрсету, слайд арқылы сұрақтар дайындадым.
Талантты және дарынды оқушыларды оқыту модульін кіріктіру үшін жекелеген оқушылар үшін күрделенген тапсырмалар дайындадым.
Жас ерекшелігіне қарай оқыту модульін кіріктіру үшін деңгейлік тапсырмалар енгіздім.
Жоспарланғанған сабақтарым нәтижелі болу үшін түрлі көрнекіліктер дайындадым.Өз сабағымның оқушы сұранысына жауап беретіндей қызықты да мазмұнды жоспарлануы іс тәжірибеде жақсы нәтеже көрсетеді деп үміттендім.