Оқушыларға отбасындағы сүйіспеншілік туралы ұғымдарын кеңейту

Өзiн-өзi тану сабағының жоспары
Мектеп:А.Тайманов атындағы №34мектеп -гимназиясы
Мерзiм: 20.11.2015
Мұғалiм: Мажитова А.С.
Сынып: 3
Оқушылар саны: 22
Тақырып: № 11сабақ <<Шаңырақ жарастығы>>
Құндылық: <<Сүйіспеншілік>>
Қасиеттер:отбасындағы сүйіспеншілік, татулық, бәрін жақсы көру

Сабақ мақсаты: Оқушыларға шаңырақ жарастығын түсіндіре отырып, сүйіспеншілік құндылығының мәнін ашу.

Міндеттері:
Оқушыларға отбасындағы сүйіспеншілік туралы ұғымдарын кеңейту.
Оқушылардың өзара татулық қарым- қатынастарын дамыту
оқушыларды отбасы мүшелерін сыйлай білуге, бәрін жақсы көруге тәрбиелеу
Ресурстар: (құралдар, мәлiметтер)
Сабақ барысы:
1. Ұйымдастыру кезеңi.
Оқушылармен амандасып, <<Өзін- өзі тану>> сабағының ережесін <<5-Т>> қайталау.

Тыныштық сәтi. <<Нұрға бөлену>>
Үй тапсырмасын тексеру
Оқулықтағы 48 беттегі №11 сабақ <<Сүйіспеншілік>> мәтінің оқып, талдау.
Сұрақтар:
1. Мәтінде қандай қасиеттер айтылған?
2. <<Сүйіспеншілік бар жерде байлық пен сәттілік бар>> дегенді қалай түсінесіңдер?
3. Кайтарымы жоқ сүйіспеншілік біздің қандай іс- әрекетімізден көрінеді деп ойлайсыңдар?

Ескерту
1. Дәйексөз.
<<Сүйіспеншілік - жүрекке жылу, көңілге қуаныш ұялатады>>
Халық даналығы

1. <<Жүрек жылуы>> дегенді қалай түсінесіздер?
2. Жылулықты қалай сезінесіңдер?
3. 3.Қайтарымы жоқ сүйіспеншілікпен жасаған істерден соң кандай сезімде боласыңдар?

1. Оқиғаларды әңгiмелеу
аңыз әңгіме
<<Әжей>>
Бір елді мекенде әжей туратын болған. Ол әжейді барлығы да <<есі ауысқан>> әжей дейді екен.Әжейдің балалары да, туыстары да болмаған. Оның, әсіресе, іс-әрекетіне адамдар <<есі ауысқан>> дейтін. Әжей таң ата тұрып , дорбасын алып , өзен жағалауынан бір нәрсені іздейтін болған.
Оған таң қалып жүрген ауыл адамдары әжейден <<Жағалаудан таң ата не іздейсіз?>>- деп сұрайды. Әжей- <<Мен суға түсуге келген адамдардың аяғына сынған әйнектер кіріп кетпесін деп, сол әйнектерді теріп жүрмін және өзен де тіршілік иесі оған да тазалық керек>>- деп жауап береді.

1. Адамдар әжейдің іс-әрекетіне неге таң қалды?
2. Әжейдің іс- әрекетінің қайтарымын күтпеуі неде?
3. Адамдар барлығын шексіз жақсы көру үшін,бойында қандай қасиеттер болу керек деп ойлайсыңдар?

1. Шығармашылық іс-әрекет,топтық жұмыс.
Оқушыларды үш топқа гүлдер арқылы бөлу.
Оқушыларға баяу әуен қосылады.
<<Жақсылық тамшысы>>
Әр топқа тамшы үлгісінде ақ парақ, бояулар үлестіріледі. Әр топ өздері жасаған жақсы істері туралы жазады. Тамшы тәріздес суреттер тақтаға ілінеді. Әр топ өзгелерге жасаған жақсылықтарын жария етеді.

Шығармашылық жұмыс нәтижесін қорытындылау.
-Әр топтың жасаған жақсылықтарыңды қосқанда үлкен дарияға айналды,яғни әр адамның жаны жақсылыққа толы болса,отбасында,әлемде сүйіспеншілік болып, адамдар бақытты өмір сүреді.

2. Топпен ән айту.
<<Ризашылық әні>>
Сөзі мен әні: Луиза Хей
Ризамыз бүгінге,
Ризамыз бүгінге,
Ризамыз бүгінге,
Ризамыз қазірге!
Ризамын,ризамын,ризамын бүгінге!
Ризамын,ризамын,ризамын қазірге!

3. Үй тапсырмасы.
51 беттегі №12 сабақтың <<Бірлік>> мәтінің оқу.

4. Сабақтың соңғы тыныштық сәтi.
Музыка әуенімен
көзімізді жұмып, терең тыныс алып, оқушылар, қазір барлықтарың жақсы бір сезім әсеріне берілесіңдер. Бойларыңа үнемі жаңа шуақ еңгізіледі. Ол - сүйіспеншілік шуағы. Ол жылу аяқтарыңның басынан бастап, жоғарылап барады. Қызу шуақты, ыстық жылулықты сезіңіндер, жүрекке келді.Жүрекке келген жылы шуағымызды жүрегімізге ұялатып, басқалармен бөлісе білейік.
Рахмет. Көздеріңді ашуға болады.