Нақыл сөз

БҚО, Орал қаласы
А.Байтұрсынов атындағы
№ 10 ЖОББ мектебінің
өзін - өзі тану пәні мұғалімі
Габдуллина Нурсауле Аскаровна

Тақырып: <<Адалдық - адамдықтың белгісі>>
Құндылық: Ақиқат
Қасиеттер: өз-өзіне адал болу, шыншылдық, қарапайымдылық
Мұғалiм: Габдуллина Н.А.
Сынып: 5
Сабақ мақсаты:
-Оқушыларға адалдық пен әділдік туралы әңгімелей отырып, ақиқат құндылығының мәнін ашу.
Міндеттері:
- оқушыларға шыншылдықтың ақиқатқа бастайтын жол екенін айта отырып, адалдыққа үйрету .
-Оқушылардың қарапайымдылық, әділдік қасиеттерін дамыту.
-Оқушылардың өзіне,өзгеге адал болуға тәрбиелеу.
Ресурстар:(құралдар, мәлiметтер)

Сабақ барысы:
1.Ұйымдастыру кезеңi. 5Т. 5жұмыс құралын түгендеу: күнделік, оқулық, жұмыс дәптері, қаламсап, қарындаш.
2.Тыныштық сәті. <<Нұрға бөлену>>
3.Үй тапсырмасын тексеру.
№23 сабақ 76 бет <<Ұстаздың шәкірттерін сынауы>> аңыз әңгімесін оқып келу.
Талдау сұрақтары:
oo Ұстаз шәкірттерін қалай сынады?
oo Шәкірттің <<өз ұрлығымды ішім біліп тұрады ғой>> дегенін қалай түсінуге болады?
oo Өз іс әркеттеріңізге іштеріңнен қысылып, ұялған кездерің болды ма?
Сабақ барысын талқылау:
4.Дәйексөзбен жұмыс.
<<Ақылды болсаң, арыңды сақта,
Ар-ұждан керек әр уақытта>> .
Нақыл сөз

> Неліктен әр уақытта Ар-ұждан керек ?
> Ар-ұжданды таза ұстау, өз-өзіне адал болу үшін бізге қандай қасиеттер қажет?
Интернет желісінен
5.Әңгiмелеу(Мұғалім сыйы)
<<Үш елек>>
Бір адам Сократтан былай деп сұрапты.
- Сенің досыңның маған не айтқаның білесің бе?
- Сәл кідір, - деп оны Сократ тоқтатты, алдымен айтқалы тұрғаныңды үш рет електен өткіз.
- Үш електен?
- Бірдеңе айтпас бұрын, алдымен оны електен өткізу керек. Алдымен шындық елегінен. Оның шындық екеніне көзің жете ме?
- Жоқ, мен тек естідім.
-Онда сен ол шындық па, жоқ па, оны білмейсің. Онда екінші елек жақсылық елегінен өтейік. Менің досым туралы жақсы нәрселер айтпаөқшысың ба, әлде жоқ па? Соны ойлан.
- Мен тек естідім.
- Бірақ ол шындық па, жоқ па өзіңде білмейсің. Үшінші електі қолданып көрейік. Сен айтқың келгенді менің тыңдауым соншалықты қажет пе?
- Жоқ, ондай қажеттігі жоқ.
- Сонымен, - деді Сократ, сен айтқың келгендеріңде шындық та, жақсылық та, пайда да жоқ. Оны айтудың қажеті не?
Талдау сұрақтары:
- Сократтың іс әрекетіне қарап, қандай адам деп айтуға болады?
- Сократтың бойындағы қандай жақсы қасиетті өз бойыңа алар едің?
- Өздеріңнің өмірлеріңде осындай жағдай кездесті ме?
Интернет желісінен
6. Шығармашылық жұмыс, топтық жұмыс.
Оқушыларды 3-топқа бөлу.
1<<Адалдық тобы>> Адалдық,шынайылық,ақ ниет,ар-ұждан деген тірек сөздерді пайдаланып,<<Адалдық - адамдықтың белгісі>> тақырыбында әңгіме жазу.
2 <<Ақиқат тобы>> Ар-ұждан, шындық, адалдық, уәде, жақсылық, таза ниет, сүйіспеншілік, өмір деген тірек сөздерді пайдаланып, <<Менің түсінігімдегі ақиқат>> әңгіме құрастыру.
3 <<Шыншылдық тобы>>. Жағдаятты талдап, өз ойларыңмен бөлісу.
Менің ең жақын досым мектепте бір баламен достасқан, ол күнде кешке қарай мені өзімен бірге серуендеп жүруге шақырады. Ол: <<Менің анам, сенімен бірге жүргенімді білсе, ол қарсы болмайды>>, - деді. Досыма үйінде ата-анасы ұрыспауы үшін, мен бірнеше рет телефон арқылы оларға өтірік айттым. Басында мен қиналмастан оларды жасырып жүрдім, ал қазір олар мені пайдаланып жүр, ал мен күнде өтірік айтуды ұнатпайтын болдым. Мен досымнан ажырағым келмейді. Сонда мен не істеуім керек?

7. Топпен ән айту. <<Құндылықтар әлемінде>>
1. Ақиқаттың әнін,
Айтамынмын күнде мен.
Бөбек әлемінің сырларын түсініп,
Нұрына шомылдым күннің.
Тыныштық жан - көркем,
Керемет ол неткен,
Ар- ұждан сөйлейді,
Жүректі тербейді
Бақытқа бізді жетелеп.
Қайырмасы:
Құндылықтар - мәңгі әнім,
Құндылықтар - өмір мәні
Ізгіліктің ғажап күйіне
Ертесіңдер сендер.
2 Дұрыс әрекеттер
Сүйіспеншілік береді,
Тыныштық орнайды,
Қиянат болмайды,
Адамзатқа әлемдегі.
Қайырмасы сол.
3. Керемет ол неткен,
Ар- ұждан сөйлейді,
Жылулық бөлейді
Жүректі тербейді
Бақытқа бізді жетелеп
Қайырмасы сол.
Сөзі:
Мұғалімдер шығармашылығы
Әні: <<Ертегілер әні>> сазымен

8.Үй тапсырмасы.
№24сабақ <<Қаз дауысты Қазыбектің шешімі>> аңыз әңгімені оқып келу. 78бет

9. Соңғы тыныштық сәтi.
Баяу әуен қойылады.Оқушылар денесін, басын тік ұстап, көзін жұмып отырады.
Мұғалім жай дауыспен:
<<Бүгінгі сабағымызды есімізге түсірейікші. Ісіміз де сөзіміз бен ойымыздай, болатынына сенемін. Сабақта көрініс тапқан жақсы қасиеттер жүректерімізде сақталып, іс жүзіне асырылсын. Жақсы ой ойлайық, жақсы сөз сөйлейік, жақсы іс жасайық! Осындай тыныштықта сәл отыра тұрайық. Қандай жан тыныштығы! Енді жайлап көздеріңді ашуға болады>>
Рахмет.Сау болыңыздар!