Бала тілі - бал: отбасы тәрбиесінде ата-ананың рөлі мен баламен қарым-қатынасты жетілдіру

Тақырыбы: Бала тілі - бал.

(ата-аналарға арналған дөңгелек үстел)

Мақсаты: отбасы тәрбиесінде ата-ананың балаға тәрбиелік ықпалын арттыру, қазіргі кездегі баланың дамуына, жеке тұлға болып қалыптасуына ата-ана тәрбиесінің әдіс-тәсілдерін жетілдіре отырып, қарым-қатынас орнату.

Кіріспе: Сәлеметсіздер ме, құрметті ата-аналар!

Баланы жастан бақпасаң,

Жамандықтан қақпасаң,

Қадірден жұрдай қасқа боп,

Кешкенің өмір босқа тек,

- дегендей, баланың ыстық суығына күймейтін, жақсылығына сүйінбейтін ата-ана жоқ шығар. Баланың ең бірінші ұстазы - ата-анасы.

Отбасы - адамзат бесігін тербеткен ұя. «Балапан ұяда не көрсе, ұшқанда соны іледі» деген ата бабамыздан қалған асыл сөздің сырына үңілер болсақ, бала әкеден ақыл, анадан мейірім алады.

І. Танысу. «Ғажайып сандықша» ойыны.

Нұсқаулық: ғажайып сандықшаны ашып, ішіндегі айнаны алып, айнаға қарап өздерін таныстыру.

ІІ. «Аялы алақан» жаттығуы.

Нұсқаулық: Қатысушылар шеңбер болып тұрады, жаттығу сағат тілімен жүргізіледі. Сол жағындағы көршісінің иығына алақанын қойып, «сізді…. теңеймін немесе ұқсатамын. » (мысалы: жарқырап тұрған күнге) дейді. Жаттығу шеңбер бойымен жалғасады.

ІІІ. «Ой қозғау» ата-аналарға сұрақ.

1. Балаңыздың сөйлеу тіліне көп көңіл бөлесіз бе?

2. Балаңызбен қаншалықты қарым-қатынас жасап, әңгімелесесіз?

3. Балаңыз қандай дыбыстарға анық айтпайды?

4. Балаңыздың мінезі қандай ?

5. Балаңыздың ұнататын іс- әрекеті?

6. Бала - тілі бал дегенді қалай түсінесіз?

ІІІ . «Сиқырлы сөздер» ойыны.

Нұсқаулық: ата-аналарға бірнеше сөздер беріледі, сөздерді іштей оқып, ым-шарамен, іс-қимылмен сол сөздерді түсіндірулері қажет. (Сөздер: ағаш, күн, жұлдыз, мұғалім, жаңбыр, үй т. б. )

ІV. «Жанұя» ойыны.
1. Балаңыздың туған күні?
2 . Балаңыздың туылғандағы салмағы мен бойы?
3. Балаңыз бірінші сыныпқа қай жылы барды?
4. Балаңыз қандай өлшемді аяқ киім киеді?
5. Балаңыздың сүйікті асы қандай?
6 . Балаңыз кеше қандай баға алды?
7 . Балаңыз қандай түсті жақсы көреді?
8. Балаңыздың жақсы қасиеті?
9 . Балаңызды еркелетіп қандай сөздер айтасыз?
10. Балаңыздың мұғалімдерінің толық аты-жөнін білесіз бе?

V. «Менің ойым» жаттығуы.

Нұсқаулық: мен сөйлемді бастап, ата-аналар өз ойларымен толықтырып мазмұндап айтулары қажет.