Етістікті тап

Тақырыбы: Етістік.
Мақсаты: Етістік туралы берілген білімді тиянақтау, етістіктерді тауып,
оларға дұрыс сұрақ қоя білуге дағдыландыру. Оқушылардың сөздік қорларын
молайтып,ойын, тілін, шығармашылық қабілеттерін дамыту.
Ұқыптылыққа, байқампаздыққа,жылдам ойлауға тәрбиелеу.
Сабақтың түрі: дамытушылық, шығармашылық ізденіс. Топтық жұмыс.
Көрнекілігі: арнайы суреттер, үлестірмелер.
Әдіс- тәсілдері: түсіндіру, сұрақ-жауап, іздену, өзіндік. Көршіңмен сырлас,
жүгірме диктант, ыстық орындық.
Сабақтың барысы:
І. Ұйымдастыру кезеңі. Психологиялық ахуал.
Бес болсын алар бағамыз,
Білімнен бақыт табамыз,
Өнер, білім көп оқып,
Өсе берсің санамыз.
oo <<Тілек ағашы>> Топтар бір- біріне тілектерін білдіріп, ағашқа жүрекшелерді іледі.

ІІ. Үй тапсырмасын тексеру: Ережені жатқа сұрау.
ІІІ. Мақсат қою кезеңі: Сабақ тақырыбы мен мақсатын ашу.
Топтық жұмыс. Үлестірмелі суреттер.

ІҮ. Білімдерін тексеру: <<Сиқырлы ағаш>> ойыны.
Етістік дегеніміз не? Етістіктің сұрақтары қандай? Етістікке мысалдар келтір.

<<Жүгірме диктант>> әдіс- тәсілі.
Мәтінді түсініп оқы. Етістікті тап. Қорытынды жаса.
Мақта- бағалы өсімдік. Одан тамаша талшық алынады. Мақта құнарлы топырақты және ылғалды ұнатады.
Өзіндік іздену. Жұмбақты оқы, жатқа жаз. Етістікті тауып, қай сөзбен
байланысып тұрғанын тап.
Түнде жортады,
Жарықтан қорқады .

Сергіту сәті.
Үлестірмемен жұмыс.
Ұйқасын тап. Сөйлем мүшесіне талда. <<Көршіңмен сырлас>> әдісі
Тастан тасқа секіріп,
Жем тереді кекілік.
Айбар шегер алыстан,
Аң патшасы арыстан.
Ү.Қорыту. <<Ыстық орындық>> әдісі.
1. Етістік сөйлемде қандай қызмет атқарады? 2. Етістік деген не? 3. Етістікке
қандай сұрақтар қойылады?
Бағалау. Топтар бір- бірін смайликтар арқылы бағалайды.

ҮІ. Үйге тапсырма: 362-жаттығу, 132 бет. Бағалау.

№1 Майқайың жалпы орта білім беру мектебінің
бастауыш сынып мұғалімі:
Адабекова Р.А.