Қадірлі ұстаздар

Мерекеңмен аяулы ұстаздар!
1-жүргізуші:
Қадірлі ұстаздар! Білім нәрін беріп жатқан ұстаздарымызға шағын әдеби-музыкалық кешімізді арнаймыз.
Ұстаз болу - жүректің батырлығы
Ұстаз болу - сезімнің ақындығы
Ұстаз болу - мінездің күн шуағы
Азбайтұғын адамның алтындығы, - деп жырлағандай ұстаз еңбегі өлшемсіз, ұшан-теңіз. Біздерді тәрбиелеп жатқан ұстаздарымызға қыстай мықты денсалық, көктемдей көңіл, жаздай жайма шуақ өмір, күздей мол табыс тілейміз.
2-жүргізуші:
Ұстаз деген мұрагері ілімнің
Ақыл досы, бал-балалық күніңнің
Ол дәулеті жаңалығы ертеңнің,
Ол көш басы жол сілтейтін бүгіннің.
1-жүргізуші:
Ұстаз-әке, өйткені ол шәкірттеріне алаламай қамқорлық жасайды. Ұстаз-ана, ол шәкіртті туған анасындай баурап, өмір өрнектерін, тұрмыс-тіршілік мехнаттарын, қиындықтары мен қызықтарын сезіндіріп, баулудан жалықпайды. Ұстаз-жолдас, ол әрқашанда шәкірттерімен бірге көпшілікпен араласып жүреді, қатар құрбысындай қатарласа өмір сүреді. Ұстаз-дос, ол шәкірттеріне тек жақсылық ойлап, қиындықта қымсынбай көмек көрсетеді, жан сала жақсылық жасайды.
2-жүргізуші:
Ұстазым, ақылшы дос, ой-арманың,
Арналсын саған осы аяулы әнім
Қасиетті атаулар-Анаң, елің, Отаның. Оның қатарында ұшқан ұяң, алтын бесігің - мектебің. Мектеп әліппеден басталады. Жазуды, санауды үйретеді. Сайып келгенде үлкен өмірге жолдама береді. Білім негізі бастауышта қаланады. Іргетасы берік қаланған білім. Көкжиегінің кеңі анық түсер бастауыш сынып апайларымызға өлең шумақтарын арнаймыз. <<Ұстазға арнау>>
1-жүргізуші:
Қазақ тілі - бұл біздің ана тіліміз. Мұны білмеу өсу өзінде, өзгеге де қиянат жасау болып табылады. Ана тілін білу-парызың. Оны үйрену арқылы сен ең алдымен өзіңді қазақпын деп сезінесің. Бұл саған үлкен рух береді, сүйіспеншілігің артады. Отаның Қазақстанды мақтан тұтасың, оның дәулетін, мәдениеті мен экономикасын ана тілінде оқып, жігеріңді қайырасың.
Ендігі музыкалық сәлемдеме Қазақ тілі мен Әдебиеті пәнінің ұстаздарына арналады.
Ән: <<Перзент сыры>>.
2-жүргізуші:
Қызыл шоқтай қараған,
Қазаққа тіл дарыған,
Бір сөзден ол арыған, деп Қадір ақын айтқан өлең жолы біздің ағылшын тілі ұстаздарына арналған сияқты.
1-жүргізуші: Преподавателям русского языка
Среди глаголов и причастий
Среди приставок и корней
Мы вам желаем счатья
Здоровья и добра
2-жүргізуші:
Хор: <<Чему учат в школе>>.
Математика - барлық ғылымдардың патшасы. Бұл қанатты сөзді елесі есте көмескіленген ескі заманда математика ғылымының негізін қалаушылардың бірегейі Карл Гаус айтқан еді.
Міне осы ойшылдың дана сөзінің заман мен қоғам қанша өзгеріске түссе де еш мәнін жоя қоймағандығына өзінің ілгерінді ісі, танымды тәжірибесімен шәкірттерінің, қала берді әріптестерінің көздерін айқын жеткізіп жүргендердің бірі математика пәні бойынша ұстаздарға мың да бір рахмет.
КВН <<Кездесу>>
1-жүргізуші:
Ұстаз - өз уақытын аялаған, өзгенің бақытын аялаған.
Адамзаттың ақыл-кенін ашқандар
Архимед, Ол, Ньютон мен Паскальдар
Сусындаған өзің сынды ұстаздар
Ізгі ісінің мәңгі өшпейді дастандар
Информатика, физика пәні ұстаздарына. Ән: <<Арманым>>
2-жүргізуші:
Бүгінде көзімнің сипаты, мазмұны өзгеріп, жаңаша талап, міндеттерді қажет еткенмен, еңбекті құрмет тұту халықтар дәстүрінде ежелден қалыптасқан. <<Ағашты жемісінен, адамды ісінен таниды>>. Тіршіліктегі еңбекке араласудың бақыт есігі өте шағын болса да, тек бір ғана кілтпен өз қабілеттілігімен ашқан адам ғана айқара ашады. Осындай оқушыларға белгілі бір кәсіби бағдар беріп, еңбекке қабілеттілігін дамыту қолайлы жағдай. Еңбек пәні мұғалімдерінің еңбектері зор. Келесі жүрек жарды жыр шумақтары өзіңізге арналады.

Бақ орданың жүрегі
Еңбегімнің тірегі
Ұрпақтардың өмірі
Нұрлы болсын тілегі
Әсем жүзі, гүл өңі
Ұлағатты ұстаздар
Мәңгі ғұмыр сүреді
Ұсақ тұлға-өр екен,
Тасып түссін берекең.
Келген осы айтулы

Құтты болсын мерекең!
КВН <<Электриктер>>
<<Өзбек>> биі
1-жүргізуші:
Заттар неден тұрады, бір-бірімен қалай қосылып, жаңа заттар түзейтінін, жапырақтар неге сарғаятыны, темірді неге тот басатынын білдік. Қызғалдақтай құлпырып, аянбай еңбек етіп, білім нәрін сусындататып жүрген География, Биология, Химия пәндерінің ұстаздарына.
<<Жылайды жапырақ>>
2-жүргізуші:
Тарих - өткен өмірді баяндайтын ғылым. Мыңдаған жылдарды, ғасырларды қамтитын адамзат тарихында қилы-қилы кезеңдер, белестер, асулар. Адамзат тарихы-қайғылы, қанды оқиғаларға толы.
Тарих-ірілі уақты соғыстар тарихы. Құл иеленушілік заманнан бері 10 мыңдай соғыс, шайқастар болыпты. Тыныштық орнаған, адамзат шайқаспаған бір де бір апта болмаған, адам қаны теңіз, дария болып төгілді.
Күй <<Адай>>
1-жүргізуші:
Отан қорғауға, тәртіптілікке, өзіндік орны бар лғашқы әскери дайындық пәнінің мұғалімдеріне арналады. Хор: Сарбаздар
2-жүргізуші:
Абай атамыз айтқандай <<Ыстық қайрат, нұрлы ақыл, жылы жүрек>> болуы өмір сүрудің басты заңдылығы болса, осы үш қасиетті шәкірттердің бойына еңбек сіңіріп жүрген Дене шынықтыру пәні мұғалімдері.
Ыстық қайрат дегеніміз - спорт баулу
Нұрлы ақыл - санасына білім нәрін құю
Жылы жүрек - эстетикалық, адамгершілік, тәрбие беру.
Күй <<Той>>
1-жүргізуші:
Ұстаздық-қызық та мехнаты мол мамандық. Халықтың, ұлттың жарқын болашағы үшін бар күшін жігерін сарқа жұмсап жүрген ұлағат иелерін келе жатқан ұстаздар мерекесімен құттықтаймыз! Жылы лебізімізді арнай отырып, ұстаздарымызға саулық, қызметтеріңізге табыс тілейміз!
Асыл қасиет иелері қашанда өздеріңізге тән биіктерден көріне бергейсіздер!
Хор: <<Ұстазым>>