Менің ауылымның табиғаты

Ақтөбе облысы
Темір ауданы
Кеңқияқ орта мектебі
2<<А>>класс оқушысы
Төлепов Жанарыс Жеңісқалиұлы
Класс жетекшісі: Турмагамбетова Акслу Жеткеровна

Табиғатым
Табиғатым тал бесігім,
Сені аялап мен өсемін.
Сенің берген мейіріміңе
Мен әрқашан бас иемін.

Табиғатым тамаша
Көз тоймайды қараса.
Табиғатты қорғаймын,
Жаман бала болмаймын.

Далаң қандай жайнаған
Гүлің қандай құлпырған.
Құстарың бақта сайраған,
Бақыттымын мен балаң.

Шығарма

<<Менің ауылымның табиғаты>>
Бізді қоршаған орта табиғат.Адам өмірі үшін керектінің барлығын табиғаттан алады.
Менің ауылым кішкентай болғанымен ,маған өте ыстық.Ауылымның аты Кеңқияқ.Ауылды айнала қоршап жатқан,Темір өзені жылдың төрт мезгілінде де сәнді кербез көрінеді.Жазғы демалыста өзенді жағалап суға түсеміз.Суды ластамау керектігін анамыз әрдайым айтып отырады.
Әдемі бой көтерген мектебіміз ,мәдениет үйі ,кітапхана ғимараттары бар.Жер қойнауынан мұнай, газ өндіріледі.Сазды топырақты жерімізде жусан ,селеу өседі.Біздер болашақ ұрпақ жеріміздің байлықтарын қорғап сақтап қалуымыз керек.Табиғатты аялау бәріміздің міндетіміз.Мен ауылымның болашақта одан әрі гүлденіп,табиғатымыздың жайнап өркендеуін тілеймін.