Күй атасы кім

Тақырыбы: Мен өз елімнің патриотымын.
Мақсаты: Оқушыларды Отанды сүюге, құрметтеп қастерлеуге, өз елін, тегін тарихын білуге тәрбиелеу. Оқушылардың таным белсенділіктерін, қызығушылықтарын дамыту. Оқушыларға патриоттық, эстетикалық, адамгершілік тәрбие беру, өз ой-пікірін білдіре алатын оқушыларды тәрбиелеу.
Күтілетін нәтижелер:
Сұрақтарға жауап бере алады, постер жасап, талдай алады.
Тақырып бойынша білгендерін өз сөздерімен айта алады, өздігінен қорытынды шығара алады.
Керекті жабдықтар:
Интерактивті тақта, маркер, флипчарт.
Сабақ барысы:
1. Ұйымдастыру кезеңі.
Мен өз елімнің патриотымын. Алдымен <<патриот>> деген кім, ол қандай адам деген сұраққа анықтама беріп кеткенім жөн болар. Патриот - ұлтын сүйетін, өз тарихын, туған тілін құрметтейтін, ұрпақтан ұрпаққа жалғасқан салт - дәстүрін дәріптейтін, ұлттық қадір - қасиетімізді арттыруға үлес қосатын саналы тұлға. Туған елі үшін үнемі тер төге қызмет етіп, халқымыздың мол рухани құндылықтарын бағалай білетін асыл тұлға.
Елбасы Н.Ә. Назарбаев: <<Қазақстан - 2030 >> жолдауында <<Біздің балаларымыз бен немерелеріміз бабалардың игі істерін, дәстүрін сақтай отырып, қазіргі заманғы,нарықтық экономика өркендеу үстіндегі, күллі әлемге, әйгілі әрі сыйлы, өз елімнің патриоттары болады>> - деп нақты көрсетілген.
Қазақстан Республикасы тәуелсіз мемлекет екендігін бүкіл әлемге паш етті. Енді басты міндет осы мемлекеттің өркендеп өсуі. Қазақстанды - <<Отаным>> деп таныған әрбір адам - осы мақсатқа өз үлесін қосуы тиіс. Отанның бүтіндігін сақтау, халықтың тыныштығын алатын лаңкестермен қарсы ұйымдықпен күрес ішкі, сыртқы күштерге қарсы тұрудың өзі жастардың отаншылдық рухта тәрбиелеу міндетін жүктейді. Осыған орай <<патриоттық тәрбие>> мәселесі ұрпақтан-ұрпаққа жалғасып келе жатқан ұлы мақсат болғандықтан, мектеп оқушыларының бойындағы Отанға деген сүйіспеншілігін, оның патриоттық санасын дамытуда халқымыздың біртуар ұлы, ержүрек ұлы ағамыздың кейінгі ұрпаққа үлгі етіп қалдырып кеткен өсиеттерінің және ерлікке толы шығармалырының алатын орны ерекше.
Б.Момышұлы патриотизмге, ерлікке, батырлыққа байланысты терминдерге анықтама берді. Енді патриотизмге байланысты біраз ой пікіріне тоқталайық.
Патриотизм - Отанға деген сүйіспеншілік, жеке адамның қоғаммен мемлекет қауіпсіздігіне тікелей байланыстылығын сезіну. Патриотизм мемлекетті жеке адаммен оның өткені, бүгінгі және болашағымен қарым-қатынасын білдіреді.
Ерлік - табиғат берген сый емес, әр адамның ар-намысында, абыройлыда; өзін оапсыздық пен масқара болу сезімінен қорғау; Адамның ең ұлы сезімін - азаматтың парызын орындау үшін, адамгершілікті сайықа түсе отырып, ұжым өмірінің игілігіне ғана емес, оның қауіп-қатерінде бөлісіп, жауды барынша жою, жанға-жанмен, қанға-қанмен аяусыз кек алу жолымен жеке басыңды отандастарыңды қауіпсіз етуге ұмтылу; саналы түрде қауіп-қатерге бас тігу;
Батылдық - қимыл әрекет есебін тәуекелдеумен үйлестіре алушылық.
Табандылық - батырлардың қалқаны.
Өжеттілік - қайсарлық - адамның тіпті мүмкін емес нәрсеге абыроймен, тіпті өлімге бас тігу.
Тәуекел ету - игілікті құлшыныс.
<<Бауыржан Момышұлының шығармашылығы патриоттық тәлім-тәрбиенің қайнар көзі>>.
Бауыржан - көне Күлтегін ескерткішінде жазылғандай, <<өз Елін-елдікті еткен, жауын-бейбіт еткен-батыр;>>
ІІ "Білімдіге дүние жарық" бөлімі. Сұрақ-жауап
1. ҚР тәуелсіздігін қашан алды? 1991ж. 16 желтоқсан
2. Қазақтың тұңғыш ғарышкері кім? Т.Әукәкіров
3. "Көксерек" әңгімесінің басты кейіпкері кім? Құрмаш
4. Қазақ хрестоматиясын жазған кім? Ы.Алтынсарин
5. Күй атасы кім? Құрманғазы
6. Қазақ тілі алғаш мәртебесін қай жылы алды? 1989ж
7. Қазақ даласының жарық жұлдызы? Шоқан
8. Қазақ халқының салт-дәстүрлерін ата.
ІІІ "Тіл өнер" бөлімі. Мақал мәтел сайысы
Атаға қарап -ұл өсер, анаға қарап-қыз өсер.
Ананың көңілі балада, баланың көңілі далада.
Ата-ананың қадірін балалы болғанда түсінесің.
Атаның баласы болма, халықтың баласы бол.
Ата көрген оқ жонар, ана көрген тон пішер.
Ананың сүті - бал, баланың тілі - бал.
Бала - ананың бауыр еті, көз нұры.
IV "Гүлденген Қазақстан қандай мемелекет?" ассосация құру
V Қорытынды.
Патриотизм - туған жерге Отанға, ата-баба жатқан жерге, <<перзенттік>> махаббат.
Патриотизм - қажет уақытта өзіне әрбір адамның <<бұйрық>> беріп, <<сын сағатта істей алмаймын>> дегенді жеңе білу.
Патриотизм - өз Отанына деген махаббат, адалдық
Рефлексия парағын толтыру.
Рефлексия парағы (нені білемін? Нені білгім келеді? Нені білдім?)

Темірбек Жүргенов атындағы №123 мектеп-лицейі

Тақырыбы:
"Мен өз елімнің патриотымын!"

Сыныбы: 8 "А"
Сынып жетекшісі: Л. Зарлықова

2016 - 2017 оқу жылы

Темірбек Жүргенов атындағы №123 мектеп-лицейі

Тақырыбы:
"Мен өз Отанымның патриотымын!"

Сыныбы: 9 "Б"
Сынып жетекшісі: Г. Әлиева

2016 - 2017 оқу жылы