Қамқор әже Сабақтың мақсаты

Күні: Сыныбы:
Сабақтың тақрыбы: Қамқор әже Сабақтың мақсаты:
I. Сөздік қорларын байыту, байланыстырып сөйлеуді үйрету;
II. Тез ойлау,есте сақтау қабілетін дамыту.Өмірмен байланысын жақсарту;
III. Жауапкершілікке , ұқыптылыққа тәрбиелеу.
Көрнекілігі: Тірек сызбалар, үлгі дәптер, электронды оқулық, үлестірмелі карточкалар, суреттер Сабақтың түрі: Дамытушылық
Сабақтың типі: Ойын сабақ Сабақтың формасы:Ұжымдық, топтық, жеке. Сабақтың барысы:
Ұйымдастыру кезеңі: Оқушыларды сабақта жұмыс істеуге даярлау. Оқу құралдарын түгендеу. Сыныптың тазалығына көңіл аудару
Мақсат қою: Жаңа сабақтың мақсатымен таныстыру
Әжем ұйықтар алдында
Ертегі айтып береді.
Еркелеп ойнап жатқанда
Ылғи ұйықтап қаламын. Әжем өрнек тереді,
Сырмақ отыр оюлап.
Басы ауыра береді,
Шай ішпесе, қоюлап.
Әжем менің асыл жан
Жақсылыққа үйретіп,
Жамандықтан шектейді.
Әжеме ешкім жетпейді!
Ақ әжем Өзің мені өсірген,
Айналайын ақ әжем.
Тентек болсам кешірген
Шөлдедің бе, дана әжем?
Шай қайнатып келейін,
Шекер салып, жан әжем.
Өзім құйып берейін.
Балдай тәтті бал әжем.
Әжем менің, ақ әжем
Ақыл беріп үйреткен.
Аппақ әжем, пәк әжем,
Мейіріммен тербеткен.
Аман болсын басыңыз,
Ағармасын шашыңыз.
Шөбере сүйіп әлі де,
Жүзге жетсін жасыңыз.
Тапсырма: Өлеңді оқу барысында мағынасын оқушыларға өз сөздерімен айтқызып отыру.
-Айтыңдаршы әжелерің сендерге қандай ақылдар айтады?
-Қандай сөздермен еркелетеді?

Машықтану:
<<Менің әжем>> тақырыбына қысқаша шығарма жазу.

Үйге тапсырма: <<Менің әжем қамқоршы>>, <<Мен әжемді сыйлаймын>>, <<Әжем жақсы көреді>> өлең сөздерін жалғастырып, бір шумақ өлең жазып келу.