Нұрға толы бүкіл әлем сіздің жүрегіңізде. Жақсы адамдар

Өзін-өзі тану сабағының сабақ жоспары
Сабақтың тақырыбы: Адам ұжымда
Құндылық: дұрыс әрекет
Қасиеттер: татулық, түсіністік, сыйластық.
Практикант: Капай Ботакөз
Сынып: 5 <<Ә>>
Оқушылар саны: 28
Сабақтың мақсаты: Оқушыларға ұжымдағы қарым-қатынастың маңызын ұғындыру арқылы дұрыс әрекет құндылығының мәнін ашу.
Сабақтың міндеттері:
Білімділік:Оқушыларға ұжымдағы қарым-қатынастың мәнін түсіндіре отырып,сыйластық қасиетіне түсінік беру;
Дамытушылық:Оқушыларға ұжымдағы ізгі қарым-қатынас жасау мәдениетін түсіністік қасиеттері арқылы арттыру;
Тәрбиелік:Оқушыларды айнала қоршаған ортамен үндестікте,үйлесімде өмір сүруге татулық қасиеті арқылы арттыру

Сабақ барысы:
1.Ұйымдастыру кезеңі
Сәлемдесу
Көңіл-күйлерін сұрау
<<7Т>> ережесімен таныстыру.
Тәртіп
Талап
Тазалық
Тыныштық
Татулық
Төзімділік
Терең ой
Тыныштық сәті <<Нұрға бөлену>>
-Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: <<Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты!Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда! Қолымыз тек жақсы, ізгі істер істейді және баршаға көмектеседі! Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды!Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады.Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді !Нұр бірте-бірте қарқын алып және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз! Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге:<<Барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз!>>Ойша айтыңыз: <<Мен Нұрлымын... Нұр менің ішімде... Мен - Нұрмын!>>. - Осындай Нұр, Махаббат және Тыныштық күйінде отыра тұрыңыз!.. - Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. - Жаймен көзіңізді ашуға болады. - Рахмет!
Оқушылар өз әсерлерімен бөліседі.
Ресурстар: құрал-жабдық,оқулық дәптер,күнделік,қалам
2.Үй тапсырмасын тексеру.
Сұрақтарға жауап беріп,дайындалып келу

3.Дәйексөз:
<<Сыпайылық,сабырлылық - асыл адам белгісі>>
Мәлік Ғабдуллин
Иә балалар дәйексөзді кім қалай түсінді ?
Балалардың айтқан сөздерімен дәйексөзді түйіндеу

Әңгімелесу
<<Мойындау>>
Талқылау сұрақтары:
1. Балалр не үшін қатты қысылды
2. Ұжымдағы сыйластыққа қалай қол жеткізуге болады?
3. Балалардың жасаған іс-әрекеттерінен қандай сабақ алуға болады?

Жаңа ақпарат

Шығармашылық жұмыс:
Оқулықтағы 1,2 тапсырмалар
1-тапсырма.Мәтінде оқып жағдаятты шешіңдер.
2-тапсырма. Сөйлемді толықтырыңдар.
Адам ұжымда қандай болуы керек-Постер қорғау

Топпен ән айту
Жақсы адамдар
Әні мен сөзі: А. Оралов
1.Сендер аман болыңдар жақсы адамдар,
Жақсы адамдар - бұзылмас тас қамалдар.
Табаныңның астында жатады әлі
Пенделіктен өресі аспағандар
Қайырмасы:
Жақсы адамдар, жақсы адамдар,
Сендер аман болыңдар жақсы адамдар.
Жақсы адамдар, жақсы адамдар,
Сендер аман болыңдар жақсы адамдар.
Жақсы адамдар.
2.Жақсы көрем сендерді жақсы адамдар,
Жүрегіңде өйткені аппақ ар бар.
Сендер жайлы шырқалар асқақ ән бар,
Күйіп кетсін көре алмас бәтшағарлар
Қайырмасы:
3.Сендер жайлы шырқалар асқақ ән бар,
Күйіп кетсін көре алмас бәтшағарлар
Сендер аман болыңдар жақсы адамдар,
Қарап өтсін сендерге басқа жандар.
Қайырмасы:

Үй тапсырмасы
83-беттегі <<Кластың тоқтамы>> әңгімесін оқып келу

Соңғы тыныштық сәті:
Тыныштық, тыныштық, тыныштық,
Тыныштық, бар жерде,
тыныштық, тыныштық, тыныштық,
тыныштық бүкіл әлемде.
Сау болыңыздар!