Адами қарым - қатынас жарастығы

Сабақ барысы:

1. Ұйымдастыру кезеңі

Сәлемдесу

Көңіл-күйлерін сұрау

«7Т» ережесін еске түсіру

Тыныштық сәті «Алтын балық»

Қолдарыңызды тізеңізге немесе үстел үстіне қоюыңызды, аяқтарыңызды айқастырмауыңызды өтінем. Көзіңізді жұмыңыз және бірнеше рет терең тыныстаңыз; денеіңізді босатыңыз.

Жаздың жайма-шуақ керемет бір күні, мен судың жағасында дем алып отырмын. Күн қапырық болып, ысып кетті. Суға секіріп түсіп, рахаттана шомылдым. Не деген керемет!Өзімді судағы балықтай еркін, жайлы сезіндім. Су астына сүңгіп тереңдей бердім. О, ғажап! Мына сұлулықты қалайша көрмегенмін. Су асты патшалығына кез болдым. Айналам сондай әсем, сұлу дүниеге толы. Өте әдемі өсімдіктер, ағаштар, көздің жауын алатын лағыл тастар, інжу маржандар. Балықтың небір әдемі түрлерін көрдім. Осынау сұлулыққа тоймай қарап тұрған кезімде, балықтардың арасынан басына тәж киген, жан-жағына жарық шашып келе жатқан «алтын балықты» байқадым. Қызығып кетіп, оны ұстап алдым. Мына кереметті қара, дәл ертегідегідей сөйлеп қоя берді: «Әй, жас өркен, мені жібер, айтқанымды істесең, үш тілегіңді орындаймын». Мен ойланып, толғанып, алтын балықты жөніне жібердім. Ішімнен үш тілегімді ойлап, су бетіне жүзе жөнелдім».

Қане, бәрімізкөзімізді ашамыз. Ішімізден ойлаған тілектерімізді болашағымызға ала кетейік. Тілеген тілектеріңіздің толық орындалуын шын жүректен тілеймін!

3. Дәйексөз:

Адам өміріндегі ең тамаша нәрсе- оның басқа адамдармен қарым-қатынасы.

А. Линкольн

• Дәйексөздің мағынасы қандай?
• Адам басқа адамдармен жақсы қарым-қатынаста болуы үшін бойында қандай қасиеттері болуы керек?
• Қарым-қатынас адамдар үшін не себепті маңызды деп ойлайсыздар?

Әңгімелесу Мұғалімнің сыйы. Видеоролик

«Адами қарым-қатынастар туралы» бейнебаян тамашалау.

Талдау сұрақтары:

• Адамның адамға бөлінген «мейір-шапағаты» - дегенді қалайша түсінесіңдер?
• Мейірімділік, жанашырлық, қамқорлық жасаудың мәні неде деп ойлайсыңдар?
• Риясыз қызмет ету деген не?
• Өзің басқаларға қандай қамқорлық жасап жүрсің?

Шығармашылық жұмыс:

Оқулықтағы 3-тапсырма. Төменде берілген өлеңнің үзіндісін оқып, ондағы қоршаған адамдармен жақсы қарым-қатынаста болуға көмектесетін қасиеттерді іріктеп алыңдар. Таңдауларыңды түсіндіріңдер.

Құтты білік (Үзінді)

Жүсіп Баласағұн

. . . Шыншыл болсын, көңіл, тілің, қылығың,

Дүние, дәулет келер, берер шырынын!

Көңіл таза - деніңнің сау болғаны,

Денің сау ма - көңілің тау болғаны!

Бауырмалдық, сақтық керек, сергектік,

Мың түрлі іске ояу, зерек ер жетпек.

Жағдаят:

Бүгін Айжанның туылған күні еді. Оны сыныптастары құттықтап, сыйлық беріп жатты. Бір-ақ Асыл бүгін Айжанның туылған күні екенін ұмытып кетіпті. Оған дайындаған сыйлығы да болмады. Ол дер кезінде өзі қолдан сыйлық жасауды ұйғарды. Досының көңілі үшін құр қол қалғаннан бір нәрсе сыйлаған дұрыс қой деп шешті. Ол өзінің істеген ісін жөн көрді. Қолдан жасаған сыйлығын Айжанға шын жүрегімен сыйға берді.

-Айжан «Үлкен рахмет! Маған өте ұнады»- деп қабыл алды.

Бір-ақ Асыл кетіп қалғаннан кейін Айжан басқа құрбыларына оның сыйлығы ұнамағанын айтып ренжиді. Шынын айтқанда оның сыйлығын менсінбейді. Оған қосылып құрбылары да қостап жатты.