Тақтада ілінген Интернет сөзіне ассоциация құру

Қазақстан Республикасының Ғылым және Білім Министрлігі
Шәкәрім атындағы Семей мемлекеттік университеті

Тәрбие сағаты

Тақырыбы: <<Интернетсіз бір күн>>

Сыныбы: 8 <<ә>>
Машықкер: Ерболат Әсем
Сынып жетекші: Құрманова Д.А

Семей 2020

Тақырыбы: <<Интернетсіз бір күн>>
Мақсаты: Оқушылар өз ойларын тиянақты жете айта біліп, өздерін сабырлы әрі тәртіпті ұстауды ескеріп, қарсыластарын тыңдай білуге тәрбиелеу;Оқушыларға интернет туралы толық ой қалыптастыру,білімгерлерді тапқырлыққа, ізденімпаздыққа шығармашылыққа баулу, пәнге қызығушылығын арттыру;
Білімділік: Интернетке байланысты ақпарат жинақтау.Білімгерлердің алған білімдерін нығайту, тиянақтау, біржүйеге келтіріп, тексере отырып қорытындылау;
Тәрбиелік: Білімгерлер өз ойларын тиянақты жете айтабіліп, өздерін сабырлы әрі тәртіпті ұстауды ескеріп,қарсыластарын тыңдай білуге тәрбиелеу;
Дамытушылық: Білімгерлерге интернет туралы толық ойқалыптастыру,білімгерлерді тапқырлыққа, ізденімпаздыққашығармашылыққа баулу;
Көрнекілігі: интерактивті тақта, тақырыпқа байланысты дидактикалық материалдар, мультимедиа құралдары.
Тәрбие сағатының барысы: I.Ұйымдастыру кезеңі:
- Амандасу. - Тәбие сағатының мақсаттарымен таныстыру.
Мейірімді жүрекпен,
Ақпейілді тілекпен,
Амандасып алайық,
Бір жадырап қалайық!
Дүниедегі құбылыстың мәнін де,
Интернеттің, жаңалықтың бәрін де
Мүмкін емес информатикасыз түсіну,
Компьютер дүние кілті бүгін де,-демекеші, заман талабына сай әрбір адам компьютер мен интернеттің қыр сырын білгенге не жетсін.
II.Кіріспе: Бұл әлемде интернетке кірмейтін адам мыңның бірінде ғана шығар. Бүкіл дүние жүзіндегі адамдардың 90%-ға жуығы интернетке кіреді. Яғни интернеттің маңызы зор. Интернетсіз адам өмірін елестету өте қиын. Күн өткен сайын адамдар интернетке тәуелді болып барады. Адамзат баласы кем дегенде күніне 1 сағатын Интернетте өткізетіні белгілі.
Өзара байланыстырылған миллиондаған компьютерден құралған біртұтас ақпараттық кеңістікті Интернет деп атайды. Интернет - ағылшынша Internet - желі аралық байланыс дегенді білдіреді. Ол бүкіл жер шары бойынша ақпарат ағынын таратуды қамтамасыз ететін желілер жиынтығы.
III.Негізгі бөлім: 1.Оқушыларды топтастыру. Екі түсті дөңгелектерді таңдау арқылы топқа бөліну. 2. <<Отбасы>> сөзіне ассоциация құрғызу. 3. <<Тығырықтан шығу>> тақырыбында жағдаяттық сұрақтар.
4. Мақал - мәтелді жалғастыр.
5. "Компьютердің пайдасы мен зияны" (пікір - талас) ойыны
6. Ой толғау. ТЖ. Мен интернетсіз күнді қалай өткіземін?
1. Тақтада ілінген <<Интернет>> сөзіне ассоциация құру.

Интернет
Интернет

2. << Тығырықтан шығу>> тақырыбында жағдаяттық сұрақтар.
1. Апай үй жұмысына жазушы ғұламалардың шығармаларын оқып мазмұнын айтып келуді тапсырды.Сізде жазушылардың бірде бір кітабы жоқ.Себебі сіз берілген тапсырмаларды интернет желісінен ідейтінсіз.Өкініштісі сол күні сізде интернет ұстамай қалды.Сіз ертеңгі сабаққа қалай дайындалар едіңіз?
2. Апай сізге кенеттен өте маңызды тапсырма тапсырды.Ол тапсырмада теңіздермен көлдердің санын біліп келу керек еді.Бірақ,сіздің кітабыңызды құрбыңыз сұрап алған.Сіз апайға тапсырманы уақытылы орындауға уәде бердіңіз.Сіз тапсырманы қайдан іздер едіңіз?
3. Слайдта көрсетілген жасырын мақал - мәтелдердің мағынасын табу.
1. Жігітті компьютеріне қарап, бағала (Жігітті досына қарап, бағала)
2. Байт биттен құралады (Теңге тиыннан құралады)
3. Вирустан қорыққан, Интернетке шықпас (Шегірткеден қорыққан, егін екпес)
4. Компьютердің жұмысы, иесіне мәлім (Аттың сыры, иесіне мәлім)
5. Веб-дизайншының өз еркі, сайтты қалай жасаса (Қазаншының өз еркі, құлағын қайдан шығарса)
6. Білмесең, <<анықтама>>-дан сұра (Білмесең білгеннен сұра)
7. Антивирусы күштіні - Вирус ала алмайды (Досы күштіні - жау алмайды)
8. Күлсең ескірген компьютерлерге күл (Күлсең кәріге күл)
9. Компьютерде бес колонка, дауысы жер жарады (Айдағаны бес ешкі)
4. "Компьютердің пайдасы мен зияны" (пікір - талас) ойыны
5. Ой толғау. ТЖ. Мен интернетсіз күнді қалай өткіземін?

IV. Қорытынды:
Интернетті меңгеруіміз керек деп, таңертеннен қара кешке дейін заман техникасымен шұғылдана бергеніміздің адамзат өміріне тигізетін өзіндік пайдасы мен зияны баршылық екеніне көзіміз жетті. Әрқашан әр нәрсенің жақсысын үйреніп, жаманнан жиреніп, пайдасын көріп біліп, ал зиянынан сақтанайық демекпін.
VI. Рефлексия: Балалар, сіздерге бүгінгі сабақ ұнады ма? Тақтада ілініп тұрған алма ағашына сабақ жайлы пікірлеріңізді жазып, алма пішінді стикерді жапсырыңыздар.