Суреттер елі

Ұйымдастырылған оқу қызметінің конспектісі
Білім беру саласы: <<Коммуникация>>.
Бөлімі: Сауат ашу.
Тәрбиеші: Шуйнши Хуралай
Топ: <<Бәтерек>> мектепалды даярлық тобы
Тақырыбы: <<С>> дыбысы мен әрпі
Мақсаты:
Білімділік: Балаларды с дыбысы және әрпімен таныстыру.
Дамытушылық: Дидактикалық ойындар ойнату арқылы ойлау қабілетін дамыту.
Тәрбиелік: Балаларды ұқыптылыққа, ептілікке үйрету.
Көрнекіліктер: <<С>> әрпінің суреті, презентация.
Әдіс-тәсілдері: Түсіндіру, көрсету, сұрақ-жауап.

Ұйымдастыру кезеңдері

Мотивациялық қозғаушылық кезең
Шаттық шеңбері
Бақшамызға барғанда,
Жолыққан бар жандарға.
Ертемен ақ пейілмен:
<<Қайырлы таң!>> деймін мен.
Күндіз де елді елеймін,
<<Қайырлы күн!>> - тілеймін.
Балалар, өткен оқу қызметімізде қандай дыбыспен танысып едік?
<<Р>> дыбысы қандай дыбыс?
<<Р>> дыбысынан басталатын сөздер айтқызу.
Ал бүгінгі іс-әрекетімізде біз <<С>> дыбысы мен әрпімен танысамыз ол үшін біз сауат ашу әлеміне саяхатқа барамыз. Ал балалар бізге саяхатқа шығу үшін не керек?
Дұрыс айтасыңдар! Әрине карта керек.
Ұйымдастыру, іздену кезеңі
Біздің картамызда үш ел көрсетіліпті
1.Дыбыстар елі.
2. Суреттер елі
3.Жазу елі.
Ал балалар ендеше саяхатымызға аттанайық.
-Балалар біз дыбыстар еліне келіп жеттік.
Бірақ біз дыбыстар еліне кіре алмай тұрмыз.
Ол үшін біз мына жұмбақты шешуіміз қажет.
Сақинаны,сағызды,
Сарымсақты,сәбізді
Бастап тұрған қай әріп
Сапсыз орақ тәрізді?
-Балалар, қане с дыбысын айтып көрейік.
-С қандай дыбыс?

Ал балалар дыбыстар елімен қоштасып, суреттер еліне барайық.
-Балалар, біз суреттер еліне келдік.
Мына слайдтағы суреттерге назар аударайық.
Сағат, мысық, сиыр автобус,сандық, т.б
-Ендеше с дыбысы сөздің басында,ортасында,соңында кездеседі екен.
-Жақсы балалар,саяхатымызды ары қарай жалғастырайық.
Біз тағы бір елге жақындап қалдық.
Бұл <<Жазу>> елі екен.Жазу елінде дәптермен жұмыс жасаймыз. Балалар <<С>> әріпін дәптерге жазып түсіреді. Дәптерде жазылған сөздерді буынға бөледі.

Сергіту сәті:
Бір, екі, үш
Жинап алып күш.
Қолға қалам аламыз,
С дыбысын жазамыз.
Балаларға жұмбақтар жасыру.
Қазық қақтым,
Басына айдар тақтым.

Дәміде жоқ түсі жоқ
Пайдаланбас кісі жоқ

Сыртылдайды түнімен
Білгің келсе уақытты
Көрсетеді тілімен

Артық сурет ойыны
Шарты: Суреттер арасынан <<С>> әрпі жоқ суретті алып тастау керек. Ал қалған суреттерде <<С>> дыбысының басында, ортасында, соңында тұрғандығы туралы айту.

Рефлексивті түзету
Балалар бүгін қандай әріппен таныстық?
Саяхатымыз ұнадыма?
Қай ел сендерге ұнады?
<<С>> дыбысы қандай әріп екен?
<<С>> әріпінен басталатын қандай сөздер бар?

Балаларды мадақтау

Күтілетін нәтиже:
Біледі: <<С>> дыбысының дауыссыз екенін.
Қолданады: С әрпіне сөздер құрайды, сөздер арасында қолданады.
Түсінеді: Дыбыс пен әріптің айырмашылығын түсіне алады,